Ayam Panggang (Bangka)
Ayam Panggang adolah makanan nan hanyo dibuek katiko ado acara nan pantiang dalam masayarakat Melayu Bangka. bahan nan digunoan untuak mambuek ayam panggang adolah ayam kampuang nan babadan gadang. katiko mambuek ayam panggang nan diparaluan indak hanyo ayam tapi ado juo babarapo rampah-rampahnyo, diantaronyo lado merah, lingkueh, kamiri, lado, kunyik, lingkueh, bawang putiah, bawang merah, karambia, garam, jo diagiah palamak masakan sacukuiknyo. Ayam panggang nan dibuek untuak mamparingati "Perang Ketupat" rampahnyo indak manggunoan garam, karano iko sasambahan parmohonan dari makaluak haluih nan rutin dikarajoan satahun sakali.[1]
caro mambuek ayam panggang, partamo ayam didabiah kamudian ayam diabuih dalam kuali sampai manggalagak supayo mudah untuak mambarasiahan bulunyo. Sasudah bulu ayam dibarasiahan, dibalah dadonyo untuak diambiak isi paruiknyo. Salanjuiknyo, kaki jo sayok ayam disilangan supayo dapaik manyatu jo caro di ikek manggonoan tali dari palapah daun pisang atau bisa juo pakai tali plastik.
caro mamasak ayam panggang adolah sadonyo bumbu dibasuak sasudah itu disariang ayia nyo. Satalah itu sadonyo rampah-rampah ditumbuak bisa juo dialuihan manggunoan alu. Barikuik nyo rampah-rampah nan alah dialuihan iko ditumih manggunoan minyak sayua sacukuiknyo di ciek tampek di ateh tungku, sayangnyo ba kamungkinan alah ado urang Melayu Bangka nan manggunoan kompor minyak tanah jo komppor gas.[2]
Sasudah rampah-rampah nan ditumih mangaluan baun nan lamak, masuakan santan nan kanda dari karambia, sairiang jo mamasuakan ayam nan alah di sadioan, masak sampai rampah-rampah marasok kadalam ayamnyo. Masak ayam sampai masak nan ditandoan jo bumbu nan agak kariang. sasudah ayam lah masak, angkek untuak diidangan. Katiko maidangan ayam panggang apobilo digunoan untuak lauak untuak makanan tiok ari, alek kadang dijua di rumah makan jo caro dikarek-karek.