Aulia Rahman

Dari Wikipedia baso Minang, ensiklopedia bebas
Loncat ke navigasi Loncat ke pencarian
Aulia Rahman
Lahia

9 Juli 1946 (umua 73

)
Bendera Indonesia Payokumbuah, Sumatera Barat
Kabangsaan Bendera Indonesia Indonesia
Alma mater Universitas Indonesia
Karajo Politisi
Agamo Islam
Pasangan iduik Poerwati Soebosity

Dr., Aulia Rahman SH., MSi. (lahia di Payokumbuah, Sumatera Barat, 9 Juli 1946; umua 73 taun) adolah surang politisi Indonesia. Aulia marupoan anggota Fraksi Partai Golkar di DPR RI sarato anggota Komisi III DPR RI. Sakitar 30 taun sudah Aulia Rahman bakiprah di dunia politik.

Aulia tamasuak salah surang politisi senior dari Partai Golkar sarato mantan anggota DPP dari partai tu. Ampia saluruih karier politiknyo diabdian sabagai wakil rakyat jo caro manjadi anggota dewan dari Golkar. Aulia dianggap sangaik sukses bakarier di partai balambang batang baringin tu. Pado taun 1993 Aulia dipacayo manjabat wakil Sekjen DPP Golkar. Aulia mangawali kariernyo dari partai Golkar, nan kudian maantaannyo manjadi anggota MPR RI sabalun bakiprah di DPR RI.

Kapamimpinan[suntiang | suntiang sumber]

Aulia Rahman adolah alumni Fakultas Hukum Universitas Indonesia. Aulia pernah dipacayo manjadi anggota senat mahasiswa di fakultas tu lalu duo taun sasudah itu Aulia-pun tapiliah manjadi Sekretaris Jenderal Dewan Mahasiswa Universitas Indonesia untuak maso tigo taun. Pado taun 2001 Aulia manyalasaian pandidikannyo di Universitas Indonesia bidang Ilmu Politik sarato maraiah gala Magister, lalu gala Doktor Hukum Tata Negara-pun bahasil diraiahnyo pado taun 2007.

Di tingkek internasional, Aulia Rahman sempat maikuti palatihan kapamimpinan dalam program Training Youth Leader nan disalanggaraan di New York pado taun 1970 nan dibiayai dek PBB. Palatihan tu manjadi batu loncatan bagi Aulia untuak baparan di kancah internasional, lalu Aulia-pun bahasil tapiliah sabagai Sekretaris Jenderal Organisasi Dewan Mahasiswa sa Asia-Australia. Sabuah pancapaian lua biaso, nan mambueknyo samakin basumangaik mandalami ilmu politik.

Kaluarga[suntiang | suntiang sumber]

Aulia Rahman manikah jo surang padusi nan banamo Poerwati Soebosity sarato dikaruniai duo urang anak.

Pandidikan[suntiang | suntiang sumber]

  • S1 Universitas Indonesia (1983)
  • S2 Program Magister Universitas Indonesia (2000)
  • S3 Doktor Fakultas Hukum Universitas Indonesia (2001)

Karier[suntiang | suntiang sumber]

  • Katua Departemen Pamuda DPP Golkar
  • Kapalo Bidang Cendekiawan jo Lua Nagari DPP Golkar
  • wakil Sekretaris Jenderal Partai Golkar
  • Anggota MPR RI
  • Anggota DPR RI

Rujuak-an[suntiang | suntiang sumber]