Asben

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Ramon Asben adolah panyanyi jo pangarang lagu tarutamo lagu dendang dari Payakumbuah, Sumatera Barat. Inyo lahia pado tanggal 15 April 1951.[1]

Karir jo karya[suntiang | suntiang sumber]

Karir di bidang musik bamulo dek inyo suko bana samo filem India, tarutamo lagu-lagunyo. kamudian, inyo sajak taun 1972 ikuik kalompok gamad sabagai tukang angkuik alaik musik dan pindah ka orkes melayu Chandraleka. Di orkes iko laj inyo basobok jo Taswir Zubir, pamain akordion paliang tanamo di Kota Padang zaman tu. Samo Taswir Zubir lah inyo baraja banyak untuak karirnyo di dunia musik. Sadonyo inyo palajari, sarupo gitar, drum jo orgen, tapi indak dilanjuikannyo dek karano inyo labiah suko manyanyi.

Baliau alah mangarang baratuih lagu minang diantaronyo nan tanamo iolah

  • Kolak sarabi
  • Ubek daun kacang
  • Buruang bondo jo
  • Usah lupokan

Asben acok bapindah-pindah parusahaan rekaman, mulai dari Tanama Record, Sinar Padang, Sentral Musik dan Minang Record di Sumatera Barat dan juo parnah bagabuang jo Royal Sound di Jakarta. Sajak 2000-an Asben mandirian studi rekaman surang banamo Gurindam Record di Gurun Laweh Padang.

Rujuakan[suntiang | suntiang sumber]


  1. Taher, Agusli (2016). Perjalanan Panjang Musik Minang Modern. Cirebon: LovRinz Publishing.