Asas-asas Pambantuakan Paraturan Parundang-undangan

Dalam pambantuakan paraturan parundang-undangan paralu bapadoman ka asas-asas pambantuakan paraturan nan baiak jo nan samustinyo (ideal). Hal ko dimaksudan untuak mahindari kasalahan jo kacacatan dalam pambantuakan norma. Asas-asas pambantuakan paraturan parundang-undangan nan elok manuruik I.C. van der Vlies dalam bukunyo nan bajudul Handboek Wetgeving dibagi dalam duo kalompok yaitu: partamo adolah asas-asas formil (pambantuakannyo) dan nan kaduo iyolah asas-asas materil (isinyo)

Asas-asas formil

• Asas tujuan nan jaleh (beginsel van duidelijke doelstelling), baso satiok paraturan parundang-undangan harus punyo tujuan jo manfaaik nan jaleh untuak a dibuek;
• Asas organ/limbago (beginsel van het juiste orgaan), baso satiok macam paraturan parundang-undangan harus dibuek dek limbago atau organ nan punyo otoritas (bawenang); paraturan parundang-undangan tu bisa se dibatalan (vernietegbaar) atau batal demi hukum (vanrechtswege nieteg), jikok dibuek dek limbago atau organ nan ndak bawenang;
• Asas kaparaluan nan mandasak (het noodzakelijkheidsbeginsel);
• Asas dapek dikarajokan (het beginsel van uitvoerbaarheid), baso satiok pambantuakan paraturan parundang-undangan harus didasaran pado parituangan baso paraturan parundang-undangan nan dibantuak bekonya bisa balaku sacaro efektif di masyarakaik dek alah mandapek dukuangan baiak tu sacaro filosofis, yuridis, maupun sosiologis sajak tahap panyusunannyo;
• Asas kasepakatan (het beginsel van de consensus).

Asas-asas materiil

• Asas pangistilahan jo susunannyo nan batua (het beginsel van duidelijke terminologie en duidelijke systematiek);
• Asas dapek dikenali (het beginsel van de kenbaarheid);
• Asas perlakuan yang samo dalam hukum (het rechtsgelijkheidsbeginsel);

• Asas kapastian hukum (het rechtszekerheidsbeginsel);
• Asas pelaksanaan hukum nan sasuai jo kaadaan individual (het beginsel van de individuele rechtsbedeling).

Undang-Undang Nomor 12 Tahun 2011

Salain tu Undang-Undang Republik Indonesia Nomor 12 Tahun 2011 tentang Pembentukan Peraturan Perundang-Undangan, maingek'an kapado pihak nan mambantuak undang-undang suapao salalu mamparatian asas pambantuakan paraturan perundangundangan yang elok jo asas materi muatan. Dalam mambantuak Paraturan Perundang-undangan harus dibuek badasarkan pado asas Pambentuakan Peraturan Perundang-undangan nan baiak, nan maliputi:

1. “asas kajalehan tujuan” , baso satiok Pambantuakan Paraturan Parundang-undangan harus mampunyoi tujuan nan jaleh nan handak dicapai;
2. “asas kalimbagoan atau pijabaik pambantuak nan tapek”, baso satiok macam Paraturan Parundang-undangan hanyo bisa dibuek dek limbago nagara atau pijabaik Pambantuak Paraturan Parundang-undangan nan bawenang se, Paraturan Parundang-undangan tu bisa sajo dibatalan atau batal demi hukum apobilo dibuek dek limbago nagara nan ndak punyo kawenangan;
3. “asas kasasuaian antaro macam, panjanjangan, dan isi muatan”, baso dalam Pambantuakan Paraturan Parundang-undangan yobana harus mamparatian materi muatan nan tapek sasuai jo jenis dan hierarki Peraturan-undangan;
4. “asas dapek dilaksanakan”, baso satio Pambantuakan Paraturan Parundang-undangan musti mamparituangkan kaampuahan Paraturan Parundang-undangan tu di masyarakaik nantinyo, baiak sacaro filosofis, sosiologis, maupun yuridis;
5. “asas kadayogunaan dan kahasilgunoan”, baso satiok Paraturan Parundang-undangan tu dibuek dek karano memang sabana diparalukan sarato bamanpaaik dalam mangatur kahidupan bamasyarakaik, babangsa, jo banagara;