Aries Susanti

Aries Susanti Rahayu marupokan salah satu atlet Indonesia nan alah maharuman namo Indonesia pado ajang olahraga internasional Asian Games 2018 nan diadoan di Jakarta- Palembang pado babarapo wakatu nan lalu. Aries dapek manyumbang medali ameh sahinggo manambah parolehan medali ameh untuak Indonesia sakaligus menjadian nagaro Indonesia sabagai negara urutan kaompek nan maraih medali paliang banyak salamo Asian Games diadoan.  Dek keahliannyo dalam cabang olahraga panjek dindiang inyo pun diagiah julukan sabagai Spiderwoman dek masyarakaik Indonesia. Julukan iko kayaknyo memang layak diagiahan kapado padusi nan lahia di Desa Taruman, Kecamatan Klambu, Kabupaten Grobogan, Jawa Tangah ko.

Sabalunnyo, inyo juo barasil manduduki posisi partamo kejuaraan panjek dindiang tingkek dunia IFSC World Cup 2018 di Chongqing, Cino pado  Mei 2018 nan lalu. Dalam ajang tu Aries Susanti Rahayu mampu mangalahan pamanjek nan  barasal dari nagaro lain mode  Rusia, Elena Timofeeva jo catatan wakatu 7,51 datiak. Inyo memang alah tatarik jo ulahrago ko sajak masih duduak di bangku Sakolah Manangah Partamo. Totalitas Ayu dalam cabang ulahrago ko dibuktikan jo  pilihannyo untuak mangorbanan maso kuliah supayo labiah fokus latian. Ayu mamutuihan untuak baranti kuliah pado semester 3 program studi S1 Manajamen di Universitas Muhammadiyah Semarang (Unimus). Dek prestasinyo pado ajang Asian Games 2018, Ayu barasil mandapekan babarapo hadiah barupo pitih tunai sabanyak Rp. 1,5 M jo diangkek sabagai pagawai nagari sipil dek pamarintah Indonesia.