Anemia

Contributors

Anemia
Klasifikasi dan sumber eksternal
Darah manusia dari sebuah kasus anemia defisiensi besi
ICD-10	D50.-D64.
ICD-9	280-285
DiseasesDB	663
MedlinePlus	000560
eMedicine	med/132 emerg/808 emerg/734
MeSH	D000740

Anemia (dalam bahaso Yunani: ἀναιμία anaimia, artinyo kakurangan darah, dari ἀν- an-, "ada" + α ⁇ μα haima, "darah", juo disabuik kakurangan darah) adolah keadaan katiko jumlah sel darah merah atau jumlah hemoglobin (protein pambaok oksigen) dalam sel darah merah ado di bawah batas normal. Sel darah merah mampunyoi hemoglobin yang baguno ma-angkut oksigen dari jantuang nan diambiak dari paru-paru, dan menyebarkannyo ka saluruah bagian tubuah.

Anemia adolah panyakik darah nan acok ditamui. Anemia mampunyoi panyakik yang mandasarinyo. Anemia dapek dikalompokan manuruik bantuak atau morfologi sel darah merah, etiologi nan mandasari, jo panampakan klinis. Panyebab anemia nan paliang acok adolah pandarahan nan balabiahan, rusaknyo sel darah merah sacaro balabiahan hemolisis atau kurangnya pembentukan sel darah merah (hematopoiesis) nan indak efektif.

Seseorang dikatokan anemia katiko konsentrasi hemoglobin (Hb) nyo kurang dari 13,5 g/dL atau hematokrit (Hct) kurang dari 41% pado laki-laki, jo konsentrasi Hb kurang dari 11,5 g/dL atau Hct kurang dari 36% pado padusi.

Anemia dapek juo mahambek pangembangan pado anak. Pangembangan utak anak banyak bagantuang pado asupan nutrisi yang masuak ka dalam tubuah. Salah ciek nutrisi nan paralu pado limo taun partamo hiduik anak untuak manoptimalkan pangembangan utaknyo adolah zat besi. Dek karano, jiko anak kakurangan banyak zat besi, itu dapek manyabkan anemia defisiensi besi nan dapek mambuek dampak kurang elok nan permanen.

Tando jo gejala

Gejala anemia:

Jikok anemia tajadi dalam waktu yang lamo, konsentrasi Hb ado dalam jumlah nan sangaik randah sabalun gejala tajadi. Gejala iko adolah:

• Asimtomatik: terutamo bilo anemia tajadi dalam wakatu nan lamo

• Letargi
• Angok pendek atau sasak, terutamo katiko bakarajo
• Kapalo taraso ringan
• Palpitasi
• Pucek
• Kakebalan tubuah manurun

Sadangkan, tando-tando dari anemia nan musti dipantau pado saat pemarisoan adolah:

• Pucek pado membran mukosa, yaitu muluik, konjungtiva, kuku.

• Sirkulasi hiperdinamik, mode takikardi, pulse nan manghilang, aliran murmur sistolik
• Gagal jantung
• Pendarahan retina

Tando-tando spesifik pado pasien anemia di antaranyo:

• Glossitis: tajadi pado pasien anemia megaloblastik, anemia defisiensi besi
• Stomatitis angular: tajadi pado pasien anemia defisiensi besi.
• Jaundis (kakuniangan): tajadi karano hemolisis, anemia megaloblastik ringan.
• Splenomegali: karano hemolisis, jo anemia megaloblastik.
• Ulserasi pado kaki: tajadi pado anemia sickle cell
• Deformitas tulang: tajadi pado talasemia
• Neuropati perifer, atrofi optik, degenerasi spinal, adolah pangaruah dari kakurangan vitamin B12.
• Garing biru pado gusi (Burton’s line), ensefalopati, jo neuropati motorik perifer acok tasarobok pado pasien nan keracunan metal.

Pangalompokaan anemia

Anemia karano gangguan eritropoiesis

1. Anemia defisiensi besi:

   Indak cukuiknyo asupan besi mambuek defek pada sintesis Hb, mamicu timbulnyo sel darah merah nan hipokrom jo mikrositer.

2. Anemia megaloblastik

   Defisiensi folat atau vitamin B12 mamicu gangguan pado sintesis timidin jo defek pado replikasi DNA, akibaik nan timbul adolah panggadangan prekursor sel darah (megaloblas) pado sumsum tulang, hematopoiesis nan indak elok, jo pansitopenia.

3. Anemia aplastik

   Sumsum tulang gagal memproduksi sel darah karano hiposelularitas. Hiposelularitas iko dapek tajadi karano paparan racun, radiasi, reaksi manganai ubek atau virus, jo efek pado pamelokaan DNA jo gen.

4. Anemia mieloptisik

   Anemia nan tajadi karano panggantian sumsum tulang karano infiltrate sel-sel tumor, kalainan granuloma, nan menyebabkan pelapehan eritroid pado tahap awalnyo.

Anemia berdasarkan ukuran sel

1. Anemia mikrositik: panyebab utamonyo adolah defisiensi besi jo talasemia (gangguan Hb)
2. Anemia normositik: contohnyo adolah anemia karano panyakik kronis mode gangguan ginjal.
3. Anemia makrositik: panyebab utamo adolah anemia pernisiosa, anemia karano maminum alkohol, jo anemia megaloblastik.

Etiologi

Secaro garis gadang, anemia dapek disababkan karano:

1. Paningkatan destruksi eritrosit, contohnyo pado panyakik gangguan sistem imun, talasemia.
2. Panurunan produksi eritrosit, contohnya pada penyakit anemia aplastik, kakurangan nutrisi.
3. Kahilangan darah dalam jumlah gadang, contohnyo karano pandarahan akut, pandarahan kronis, menstruasi, ulser kronis, jo trauma.

Diagnosis

Pamarisoan darah sadarhano biso manantukan adonyo anemia. Persentase sel darah merah dalam volume darah kasaluruhan (hematokrit) nan julah hemoglobin dalam sabuah contoh darah biso ditantuan. Pamarisoan tasabut marupakan bagian dari hituang darah langkok.

Manajemen terapi

Terapi langsuang ditujukan pado panyebab anemia, dapek barupo:

1. Transfusi darah
2. Pambarian kortikosteroid atau ubek-ubekan lain nan dapek manakan sistem imun.
3. Pambarian eritropoietin, hormon nan baperan pado proses hematopoiesis, beguno untuk mambantuak sumsum tulang pado proses hematopoiesis.
4. Pambarian suplemen besi, vitamin B12, vitamin-vitamin, jo mineral lain na diparaluan.

Liek pulo

• Hematologi
• Talasemia
• Hemoglobin
• Trombosit

Pranala luar

• (Inggirih) Iron Deficiency Anemia
• (Inggirih) Ambulatory Management of Common Forms of Anemia Archived 2006-09-25 di Wayback Machine.
• (Inggirih) National Anemia Action Council Archived 2008-06-13 di Wayback Machine.