Ampia Rayo, Bungo Tanjung, Batipuh, Tanah Datar
| Ampia Rayo | |
|---|---|
| Nagara |  Indonesia |
| Provinsi | Sumatera Barat |
| Kabupaten | Tanah Datar |
| Kecamatan | Batipuh |
| Nagari | Bungo Tanjung |
| Laweh | 5,7km² |
| Jumlah panduduak | 477 |
Ampia Rayo adolah salah satu jorong nan ado di nagari Bungo Tanjung, kecamatan Batipuh, Kabupaten Tanah Datar, Provinsi Sumatera Barat, Indonesia.
Jorong Ampia Rayo punyo luas 5,7 km² atau 3,97 persen luas kecamatan Batipuh yang manjadiannyo jorong paliang laweh di nagari Bungo Tanjung. Jorong ko ba panduduak 477 urang. [1] Daerahnyo barado di bawah kaki bukit barisan. Dari jorong ko bisa nampak gunuang Marapi dan danau Singkarak(kalau dari ateh bukik). Sungai bamban mambalah jorong ko dari utara ka selatan.
Sabagian besar dari panduduaknyo bakarajo sebagai petani dan bataranak. Hasia tani biaso barupo padi, lado, kacang, sayua, coklat, cangkeh, kulik manih, durian, kuinyi, dll. Ado pulo nan bakarajo sebagai usaho rumahan sarupo mambuek karipik, peyek, jangek, dan rakik. Sadangkan taranak barupo jawi, kabau, kambiang, dan itiak.
Fasilitas publik nan ado di Ampia Rayo barupo: 1 posyandu, 1 klinik, 1 SDN (basamo jo jorong Padang Kunyik), 1 lapangan bola dan 3 surau. Jorong ko mulai masuak listrik tahun 1979.
Referensi
[suntiang | suntiang sumber]- ↑ "Kecamatan Batipuh Dalam Angka 2020" (pdf). BPS Tanah Datar. Diakses tanggal 21 Desember 2021.
