Ampang, Kuranji, Padang
| Ampang | |
|---|---|
| Nagara |  Indonesia |
| Provinsi | Sumatera Barat |
| Kota | Padang |
| Kecamatan | Kuranji |
| Laweh | - |
| Panduduak | - |
| Kapadatan | - |
Ampang adolah salah satu kalurahan nan talatak di Kacamatan Kuranji, Padang, Sumatera Barat, Indonesia. Kawasan iko tamasuak nan dilentahan dek jalan gadang dari Alai di sabalah barat manuju Kalawi di sabalah timur.[1] Di siko, ado kampuang-kampuang banamo Karang Gantiang, Cubadak Aia, Kampuang Jambak, jo Kampuang Koto.[2]
Sijarah
[suntiang | suntiang sumber]Ampang parnah manjadi tampek para gerilyawan Republik Indonesia pado maso perang mampatahankan kamardekaan. Dari daerah iko, para gerilyawan dapek pai ka Simpang Haru tanpa khawatir mandapek adangan dari pasukan Balando.[3]
Menuruik carito masyarakaik satampek, nama Ampang mulai tanamo sajak adonya peristiwa PRRI pado akhia tahun 1950-an. Ampang tamasuak salah satu daerah basis PRRI. Namo kampuang iko didasaran pado sabuah "ampang" (pos jago) nan talatak di sabuah partigoan. Ampangan iko sangajo dibuek masyarakaik untuak bajago-jago supayo urang-urang asiang indak baitu se masuak.[2]
Panduduak
[suntiang | suntiang sumber]Masyarakaik Ampang umumnyo barasa dari daerah Sulik Aie, Solok. Ado panalitian nan manyabuik bahasonyo asal-usul masyarakaik Ampang bamulo dari awal tahun 1950-an. Pado masa itu, panduduak Suku Guci dari Sulik Air Solok marantau ka Padang dan sakitarnyo. Pandatang iko masuak ka Padang malalui rimbo Bukik Barisan dan menurun di dataran laweh nan babatasan jo pantai. Inyo tibo sacaro bakalompok jo ciek-ciek. Sasampainyo di Padang, manyeba ka babagai tampek di antaronyo, Kuranji, Belimbiang, Gunuang Nago, jo Ampang. [2]
Takah umumnyo panduduak di sakitar Ampang, mato pancarian masyarakaik Ampang nan utamo adolah manggaleh.[2]
Rujuakan
[suntiang | suntiang sumber]- ↑ M. Danil Chaniago (2014). Asal Usul Nama Tempat di Kota Padang: Kajian Anomastika. Fakultas Adab dan Humaniora IAIN Imam Bonjol Padang. p. 43.
- ↑ a b c d M. Danil Chaniago (2014). Asal Usul Nama Tempat di Kota Padang: Kajian Anomastika. Fakultas Adab dan Humaniora IAIN Imam Bonjol Padang. p. 35.
- ↑ M. Danil Chaniago (2014). Asal Usul Nama Tempat di Kota Padang: Kajian Anomastika. Fakultas Adab dan Humaniora IAIN Imam Bonjol Padang. p. 36.