Alu katentong

Alu Katentong marupokan sabuah kasenian nan marupokan warisan budaya dari Nagari Padang Laweh, sabuah nagari di Kabupaten Tanah Datar, Sumatera Barat. Kasenian iko dimainkan dek kaum padusi manggunokan alu atau alaik panumbuak padi. Mulonyo kasenian iko dijadikan alaik panando suatu kajadian atau acara. Kini, kasenian ko alah jarang dan hanyo dimainkan untuak alek-alek adaik.

Caro mamainannyo adolah para pamain manumbuak mamakai irama. Masiang-masiang pamain mampunyoi irama sahinggo mahasiakan irama nan disabuik Alang Babega, Alang Ka Turun, jo sabagainyo. Alu Katentong disabuik juo jo anak kunci acara baralek tarutamo malewakan gala panghulu, biasonyo dibunyian katiko calon panghulu handak naiak ka ateh balerong . Sasudah itu calon panghulu diarak kaliliang nagari sasuai jo papatah Bahimbau kan di pakan na rami digolongkan dilabuah nan panjang (di beritahu keseluruh masyarakat bahwa calon ini akan dikukuhkan  menjadi panghulu).

Katiko handak naiak ka ateh balerong, sabalum dibunyikan alu katentong, calon pangulu alun buliah naiak ka ateh balerong. Manuruik Ketua Majelis Tinggi Kerapatan Adat Mingangkabau (MTKAM)Tanah Datar, calon pangulu musti mamanuahi syaraik jo manjawek partanyaan dari bundo kanduang talabiah dulu.

“Nan babatang bagadang panjait, babuah sagadang mumbang ,masak pagi diambiak kapatang ,dimakan ciek indak habis, dimakan duo indak sadang"