Aleksandar Kolarov

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Aleksandar Kolarov
Aleksandar Kolarov.jpg
Informasi pribadi
Namo lengkapAleksandar Kolarov
Tangga lahia10 Nopember 1985 (umua 36)
Tampek lahiaBeograd, Serbia
Tinggi[1]
Posisi mainBek Kiri
Informasi klub
Klub kiniInter Milan
Nomor11
Karier senior*
TahunTimTampil(Gol)
2004–2006Čukarički44(2)
2006–2007OFK Beograd38(5)
2007–2010Lazio82(6)
2010–2017Manchester City86(5)
2017-2020Roma26(2)
2020-Inter Milan0(0)
Tim nasional
2007Serbia U-2111(2)
2008–Serbia49(5)
* Panampilan jo gol di klub senior hanyo diituang dari liga domestik dan akurat sajak 14:23, 29 Januari 2014 (UTC).

‡ Panampilan jo gol di tim nasional
akurat per 17:52, 15 November 2013 (UTC)

Aleksandar Kolarov (lahia 10 November 1985; umua 36 taun) adolah pamain sipak bola Serbia nan kini bamain untuak Inter Milan biaso bamain di posisi bek kiri ataupun dapek bamain untuak posisi sayok kiri. Pamain ko mamiliki julukan Roberto Carlos dari Balkan karano kamampuannyo dalam malapehan tendangan bebas jo kaki kirinyo nan kareh jo tapek saroman Roberto Carlos.[2]

Karier[suntiang | suntiang sumber]

Samaso karir nyo manjadi pamain sipak bola inyo alah pernah mambela babarapo klub di eropa diantaronyo

Čukarički[suntiang | suntiang sumber]

Januari 2004, Kolarov (18 tahun) pindah ka Čukarički, salah satu klub nan bamain di liga level paliang ateh di Serbia-Montenegro League pado maso tu. Manandatangani kontrak salamo tigo taun, inyo maabihan musim 2003–04 di klub junior. Pado musim panas 2004 barulah inyo dipromosian ka tim utamo. Tampil sabanyak 27 kali di liga, pamain mudo ko tampil dengan baik, namun alun cukuik untuak membantu timnyo manhindari degradasi.

Inyo pun mamulai musim 2005–06 basamo Čukarički di liga level duo. Namun, sacaro kontroversial, pado jeda musim dingin inyo pindah ka OFK Beograd, sabuah klub nan bamain di liga level nan paliang ateh.

OFK Beograd[suntiang | suntiang sumber]

Kolarov bagabuang jo OFK Beograd pado Februari 2006 sampai akhia musim, di klub iko inyo mancetak gol patamonyo di liga.

Lazio[suntiang | suntiang sumber]

Pado musim panas 2007, OFK Beograd manjua Kolarov ka Lazio (paringkek tigo Serie A musim sabalunnyo/2006-07 jo harago €925,000.

Musim patamonyo di Roma, pamain Serbia 21 tahun ko untuak patamo kalinyo marasoan bamain di Liga Champions. Pado musim kaduonyo di Italia, Kolarov manatokan dirinyo sabagai pilihan patamo untuak posisi bek kiri Lazio. Inyo mancetak babarapo gol untuak timnyo. Inyo juo mancetak gol pado adu penalti aktiko final Piala Italia 2009, nan mambantu Lazio mamanangan trofi tersebut.

Manjalang barakhianyo Serie A musim 2009-10, Kolarov diisukan pindah karano diminati Manchester City jo Real Madrid.

Manchester City[suntiang | suntiang sumber]

Pado 24 Juli 2010, diumumkan bahwa Aleksandar Kolarov alah manandatangani kontrak untuak Manchester City[3] seharga £16 juta.[4] Pado 14 Agustus 2010, Kolarov manjalani panampilan patamonyo di Liga Utama Inggris katiko manahan imbang Tottenham Hotspur di White Hart Lane, 0-0.[5] Pado 18 Januari 2011, Kolarov mancetak gol patamonyo di Manchester City katiko klubnyo manang 4–2 atas Leicester City pado Piala FA. Samantaro pado 2 Februari 2011, Kolarov mancetak gol patamonyo di Liga Utama Inggirih jo tendangan bebasnyo katiko imbang 2–2 malawan Birmingham City.

Kadatangan Gaël Clichy nan juo saurang bek kiri pado musim panas 2011, mangancam posisinyo di tim utamo Manchester City. Maskipun acok dibangkucadangkan, pado katiko inyo dimainkan, inyo tetap mampu manyumbang gol jo tendangan bebas.

Internasional[suntiang | suntiang sumber]

Kolarov marupoan bagian dari kesuksesan Serbia U-21 nan mampu mancapai final Euro U-21 2007 nan diadoan di Balando. Sabagai pamain kunci dari tim tersebut, namo Kolarov masuak sabagai salah satu anggota Tim Turnamen Terbaik pado kajuaraan tersebut.

Inyo mawakili juo Serbia dalam ajang Piala Dunia FIFA 2010 jo mamainkan paran penting pado kualifikasi Euro 2012 jo patandiangan-patandiangan persahabatan. Karano panampilannyo nan baik sapanjang 2011, Kolarov mandapek panghargaan sabagai Pamain Terbaik Serbia Taun 2011.[6]

Rujuakan[suntiang | suntiang sumber]

  1. "Premier League Player Profile". Premier League. Diakses tanggal 19 April 2011. 
  2. "Video: Meet Manchester City's new signing Aleksandar Kolarov – Nine great goals and one great shot into the ref's kisser". Daily Mirror. UK. 16 July 2010. Diakses tanggal 30 Mei 2021. 
  3. "Us Tour:Kolarov deal is done". Manchester City F.C. official site. 24 July 2010. Diarsipkan dari versi asli tanggal 2010-07-28. Diakses tanggal 30 Mei 2021. 
  4. "Manchester City complete signing of Aleksandar Kolarov". BBC. 24 July 2010. Diarsipkan dari versi asli tanggal 2010-07-23. Diakses tanggal 30 Mei 2021. 
  5. "Tottenham Hotspur 0 – 0 Manchester City". ESPN Soccernet. 14 August 2010. Diarsipkan dari versi asli tanggal 2010-08-17. Diakses tanggal 30 Mei 2021. 
  6. "Dream team Under 21". UEFA – Magazine – via Google translate. 29 June 2009. Diakses tanggal 30 Mei 2021.