Alang-alang

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Tanaman Alang-alang

Alang-alang (Imperata Cylindrica) marupokan tumbuhan sajenis rumpuik, nan biaso hiduik di padang rumpuik atau di ladang. Alang-alang mampunyoi raso manih alami jo sajuak. Di dalam kandungan tumbuhan alang-alang manyimpan manitol, glukosa, sukrosa, malic acid, citric acid, coixol, arundoin, cylindrin, fernenol, simiarenol, anemonin, asam kersik, damar, logam alkali, saponin, tanin, dan polifenol. Alang-alang acok dijadikan ramuan herbal untuak babagai macam panyakik di Minangkabau. Karano alang-alang dipicayo mampunyoi banyak khasiat.

Manfaat[suntiang | suntiang sumber]

Alang-alang mampunyoi khasiat nan cukuik ampuah dalam bidang kesehatan. Banyak nan dipagunoan jo masyarakat urek dari tanaman alang-alang untuak ramoan herbal.

  1. Hepatitis akut menular, urek alang-alang nan alah salasai dijamua lalu diabuih sabanyak 60g jo 3 galeh aia dan tunggu sampai aia manyusuik hinggo sagaleh. Minum 2 kali sahari masiang-masiang satangah galeh. Rutin salamo 10 hari.
  2. Kecing berdarah, basuah 100g urek alang-alang nan baru dicabuik, dikarek ketek-ketek sasudah itu baru diabuih jo aia sabanyak 8 galeh. Bagi manjadi 3 kali minum dalam sahari.
  3. Kencing nanah, siapkan 300g urek alang-alang nan baru dicabuik, basuah sampai yo bana barasiah lalu karek ketek-ketek baru diabuih jo aia 8 galeh, tunggu sampai manggalagak aianyo dan manyusuik hinggo 5 galeh. Sasudah itu bagi manjadi 3 bagian dan minum 3 kali sahari.
  4. Muntah darah, urek alang-alang nan baru dicabuik basuah sabanyak 30g-60g sampai barasiah lalu karek ketek-ketek dan abuih jo aia sabanyak 3 galeh, tunggu sampai aianyo manyusuik hinggo manjadi sagaleh dan minum sakali sahari, buek taruih sampai cegak bana.
  5. Mimisan, basuah urek alang-alang nan baru dicabuik dari rumpunnyo sacukuiknyo, tumbuak dan rameh sampai mangaluan aia sabanyak 100ml lalu sariang dan minum sakali sahari.
  6. Peluruh kencing, basuah barasiah-rasiah urek alang-alang nan baru dicabuik dari rumpunnyo sabanyak 10g dan abuih samo aia 3 galeh, tunggu sampai manyusuik aianyo hinggo sabanyak sagaleh dan sariang, minum sakali sahari.
  7. Radang ginjal akut, urek alang-alang nan baru dicabuik basuah sabanyak 60g-120g dikarek ketek-ketek, abuih jo aia sabanyak 3 galeh, tunggu sampai aianyo bakurang hinggo manjadi sagaleh, diminum untuk 2 kali sahari, masiang-masiang satangah galeh.[1]

Jenis alang-alang[suntiang | suntiang sumber]

a. Purple fountain grass (Alang-alang ungu)

Alang-alang ko punyo namo latin Pennisetum setaceum. Alang-alang ko di kenal juo jo alang-alang ungu dek karano mampunyoi warna daun jo bunga yang merah keunguan. Sehinggo membueknyo manjadi rancak dan kontras jikok dibandingkan samo rumpuik biaso yang bawarna hijau. Jenis alang-alang ko marupokan jenis rumpuik ikek yang asli dari habitat tabuka di Afrika Timur, Afrika Tropis, Timur Tengah dan Asia Tenggara. Alang-alang ko bisa mancapai tinggi biasonyo 1,2 meter, alang-alang ko biasonyo tidak dijadikan sebagai bahan obatan herbal, tetapi labiah dijadikan sabagai hiyasan sajo karano mampunyoi bantuk yang amat rancak.

b. Alang-alang japang

Alang-alang ko Mampunyoi namo latin acorus gramineus, umumnyo dikenal sabagai alang-alang jepang karano spesies botani yang tamasuk dalam genus acorus, asli Jepang, Korea di Asia Timur. Tanaman ko biasonyo tumbuh di lahan basah dan aie dangka.

Acorus gramineus manyebar sacaro agresif malalui akar rimpang, acok digunokan di sekitar tapi kolam dan taman aie atau tarandam dalam akuarium aie tawa. Tanaman ko dapek dipabanyak dengan membagi rimpangnyo yang ba aka. Alang-alang ko bisa juo dijadikan tanaman hias dalam wadah pot.

Rujukan[suntiang | suntiang sumber]

  1. Hariana, H. Arief (2004) (dalam bahaso id). Tumbuhan Obat dan Khasiatnya. Niaga Swadaya. ISBN 9789794898161. https://books.google.co.id/books?hl=id&lr=&id=DJcEreT_NTgC&oi=fnd&pg=PA1&dq=air+kelapa+muda+khasiat&ots=p0ASVJC7-R&sig=Y1xEpLQLezBokYyJ6u6Bm-vTeTU&redir_esc=y#v=onepage&q=air%20kelapa%20muda%20khasiat&f=false.