Alam Surambi Sungai Pagu

Alam Surambi Sungai Pagu adolah suatu tampek nan talatak di bagian selatan wilayah Sumatera Barat, yaitu daerah bateh antaro Alahan Panjang jo Muaro Labuah. Dalam istilah struktur pemerintahan kerajaan Minangkabau pada maso lalu disabuik juo jo Ikua Rantau.

Kato Alam, dalam panjalehan urang Minangkabau adolah suatu tampek nan badiri surang, sedangkan kato surambi bararti langkan atau barando. Jadi, kalau digabuangan manjadi Alam Surambi Sungai Pagu makasuiknyo adolah sabuah tampek nan punyo kuaso surang nan dulu tamasuak ka dalam urusan Rajo Mudo Minangkabau dan talatak di pinggia (langkan) dari Kerajaan Minangkabau (Luhak Nan Tigo) jo tampek nan alah dirabuikan kerajaan Minangkabau atau nan banyak disabuk jo daerah rantau. Daerah rantau nan manjadi bateh Alam Surambi Sungai Pagu ko adolah Rantau XII Koto nan talatak di Batang Sangir, Muaro Labuh Lamo, yaitu antaro nagari Lubuak Gadang jo Sungai Dareh. Adopun tampek-tampek nan damasuak ka dalam Alam Surambi Sungai Pagu diantaronyo adolah nagari Pulai Kasik, nagari Lolo, jo nagari Surian.

Adaik dan Budayo

Adaik dan budayo nan balaku di tangah masyarakaik Alam Surambi Sungai Pagu indak jauah babedo jo kahidupan di daerah asa (Luhak dan Tigo). Sistem mode kekeluargaan matrilineal tataok ado. Ciek nan babedo jo daerah Minangkabau lainnyo adolah tantang tato caro pambagian harato jo soal pakawinan. Di Alam Surambi Sungai Pagu, pimpinan rumah gadang atau nan disabuik jo tungganai bukanlah mamak rumah nan tatuo, tatapi urang sumando nan tatuo nan dikenal jo andeh bapak. Andeh bapak ikolah nan manyalasaian masalah pakawinan jo harato pusako.

Budayo lain nan ado di Alam Surambi Sungai Pagu adolah upacara tradisi Dunia Berendan, sabuah pesta rakyat dalam manyambuik panen raya. Upacara Dunia berendan ko dibuek sakali satahun satalah panen padi salasai sabagai bantuak saro syukur ka Allah Swt.