Akmal Nasery Basral
Akmal Nasery Basral iolah saurang panulih panarimo panghargoan "Anugerah Sastra Andalas" tahun 2022[1] dan paraih panghargoan "National Writer's Award" tahun 2021 dari "Pakumpuaan Panulih Nasional Ciek Pena" nan dipimpin Dr. Nasir Tamara.[2] Katiko datang ka Padang untuak manarimo "Anugerah Sastra Andalas" di Desember 2022, Akmal masuak pamanang katagori sastrawan jo budayawan Indonesia nan diagiahan untuak panulih, sastrawan, budayowan nan mamiliki kontribusi jo dedikasi pado kasusastroan jo budayo Sumatera Baraik karno dianggap mamiliki dedikasi, kontribusi ka sastro Sumatera Baraik dan produktif pulo.[3]
Anugerah Sastra Andalas 2022[suntiang | suntiang sumber]
Katiko mandapek panghargoan di "Anugerah Sastra Andalas" tahun 2022, Akmal Nasery Basral indak surang sajo. Inyo juo basandiang samo urang-urang lain samisal akademisi dari Japang iaitu Yumi Sugihara asa Osaka University sabagai Filologi nan banyak karyo manganai Sumatera Baraik.[3] Lalu kapado panulih cerpen barbahaso Minang nan dinilai bakontribusi jo khazanah sastro Minangkabau iaitu Arif Purnama Putra (karyo: Balada Sandiwara Batangkapeh), Budi Saputra (karyo: Bancah Nan Manguning), Dini Aprilisyandra (karyo: Cindaku), Idewarni (karyo: Marantau Cino Malah Kito), Ilham Yusardi (karyo: Kemudian Pulang Abih), Iswadi Syahrial Nurpin (karyo: Sengketa Tanah Ulayat), Maya Sandita (karyo: Sawah Laman Barantauan) lalu Vicky Kurniawan (karyo: Pandeka Pauah yang Malawan Balando).[1]
Acara ko langsuang dibuka samo Dekan FIB Unand iaitu Herwandi pado 15 Desember 2022 dan bajalan lancar sarato juo dilipuik barbagai madia nasional dan lokal macam Antara[1] jo Padang Ekspress[4] nan lain sabagainyo. Acara dibuka jo pambacoan puisi nan bajudul "Barakik-rakik kahulu, Baranang-ranang katapian" dari Silva Darmayani nan marupoan mahasiswa jurusan Bahaso Indonesia Unand. Lalu musikalisasi dari unit kagiatan mahasiswa teater nan bajudua "Kanangan Sabalum Sanjo" dan pamnacoan cerpen bajudua "Anak Gadih Harimau" nan dibacoan jo Akhmad Susistyo jurusan Sastra Inggrih.[5]
Lalu acara dilanjuikan ka pambarian gala tiok kategori dan ditutuik jo panampilan monolog nan dibaok jo mahasiswa jurusan Sastro Japang si Ilham Ramadhan nan bajudua "Pidato".[5] Akmal Nasery Basral manarimo panghargoan ko labiah dahulu katimbang nan lain karano Yumi Sugihara hadir sacaro daring dan mahasiswa satalah Akmal Nasey Basral nan bajumlah salapan urang.[6]
Maso Kaciak[suntiang | suntiang sumber]
Akmal Nasery Basral lahia di Jakarta pado 28 April 1968. Akmal marupokan anak dari parantau Minang nan tingga di Jakarta. Abaknyo Basral Datuak Batungkek, amaknyo Asmaniar binti Barakan Sutan Rajo Ameh basuku Koto. Amak jo abaknyo baasal dari Nagari Magek, Tilatang Kamang, Kabupaten Agam.[6]
Maso Pandidikan[suntiang | suntiang sumber]
Akmal basikolah di SD Muhammadiyah Tebet dari tahun 1972 hinggo 1978. Lalu lanjuik ka SMPN 73 dari tahun 1978 hinggo 1983 dan di SMAN 8 Jakarta dari tahun 1983 hinggo 1986. Akmal subananyo bacito-cito jadi dokter namun malah kuliah di jurusan Sosiologi, FISIP di UI.[6]
Karajo di Surek Kaba[suntiang | suntiang sumber]
Salapeh tamaik kuliah di UI, Akmal mangawali karir di surek kaba Tempo sabagai juranlih[6] namun baru tigo bulan karajo, surek kaba tu kanai bredel jo Orde Baru.[7] Kanai bredel, mambuek Akmal tapaso bapindah karajo, lalu mamiliah surek kaba Gatra[8] basamo jurnalih Tempo nan lain.[6] Salamo di Gatra nyo parnah ditugasi baiak di dalam nagari maupun di lua nagari. Inyo parnah ditugasi malipuik Lady Diana Spencer dimakamkan di London, Inggrih tahun 1997.[9]
Tahun 1999, Akmal pindah ka surek kaba Gamma.[10] Hanyo satahun disinan lalu nyo pindah ka surek kaba Virtual manjadi Pamimpin Radaksi (Pimred).[6] Tahun 2002, nyo diminta samo Meuthia Kasim Pimred partamo di surek kaba MTV Trax nan bafokus ka hiburan kayak film jo musiak.[11] Tahun 2004 nyo baliak ka Tempo[12] sakaliguih muliak manulih babarapo karyo sastro. Dabuiknyo adolah novel Imperia tahun 2005[13] jo kumpuaan cerpen Ada Seseorang di Kepalaku yang Bukan Aku tahun 2006[14] lalu disusua jo Nagabonar Jadi 2 tahun 2007.[15]
Rujuakan[suntiang | suntiang sumber]
- ↑ a b c antaranews.com (2022-12-14). "Anugerah Sastra Andalas 2022 digelar Fakultas Ilmu Budaya Unand". Antara News (dalam bahasa Indonesia). Diakses tanggal 2024-01-17.
- ↑ Pohan, Hazairin (2021-08-28). "Sastrawan Akmal Nasery Basral Raih Penghargaan "National Writer's Award 2021"". Daily News Indonesia (dalam bahasa Indonesia). Diakses tanggal 2024-01-17.
- ↑ a b Agency, ANTARA News (2022-12-14). "Fakultas Ilmu Budaya Unand gelar Anugerah Sastra Andalas 2022". Antara News Sumbar. Diakses tanggal 2024-01-17.
- ↑ Selvia, Novitri (2022-12-15). "Perkuat kesusastraan, FIB Unand Beri Anugerah Sastra Andalas 2022". Padek.co (dalam bahasa Indonesia). Diakses tanggal 2024-01-17.
- ↑ a b "Fakultas Ilmu Budaya Universitas Andalas Mengadakan Anugrah Sastra Andalas Untuk Mengapresiasi Mahasiswa Berprestasi". fib.unand.ac.id (dalam bahasa Indonesia). Diarsipkan dari versi asli tanggal 2024-01-11. Diakses tanggal 2024-01-17.
- ↑ a b c d e f Chaniago, Hasril (ed). 2023. Ensiklopedia Tokoh 1001 Orang Minang. Padang: UMSB Press.
- ↑ Andryanto, S. Dian (2021-06-21). "Kronologi Pembredelan Majalah Tempo, Editor dan Detik 27 Tahun Silam". Tempo (dalam bahasa Inggris). Diakses tanggal 2024-01-17.
- ↑ "Mengenal Lebih Dekat Akmal Nasery Basral Penulis 19 Buku". indonesianlantern.com (dalam bahasa Inggris). 2021-01-21. Diakses tanggal 2024-01-17.
- ↑ https://www.tokopedia.com/tokobrasil/majalah-gatra-edisi-putri-diana-1997-jadul?utm_source=google&utm_medium=organic&utm_campaign=pdp-seo (Diakses 17 Januari 2024)
- ↑ https://eprints.ums.ac.id/31477/2/Bab_1.pdf (Diakses 17 Januari 2024)
- ↑ "Akmal Nasery Basral Archives". Republika Penerbit (dalam bahasa Inggris). Diakses tanggal 2024-01-17.
- ↑ "akmal nasery basral - DATATEMPO". www.datatempo.co (dalam bahasa Inggris). Diakses tanggal 2024-01-17.
- ↑ (dalam bahaso id) Buku Imperia | Toko Buku Online - Bukukita. https://www.bukukita.com/Buku-Novel/Mistery-Thriller/101510-Imperia.html. (Diakses 17 Januari 2024)
- ↑ "Ada Seseorang Di Kepalaku Yang Bukan Aku: Akmal Nasery Basral". Belbuk.com (dalam bahasa Indonesia). Diakses tanggal 2024-01-17.
- ↑ Rastiti, Disma Ajeng (2015). "FAKTA-FAKTA CERITA NOVEL NAGABONAR JADI 2 KARYA AKMAL NASERY BASRAL: ANALISIS STRUKTUR NOVEL MODEL STANTONIAN". Diakses tanggal 2024-01-17.