Aia kawa

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Sakalompok urang sadang mamanggang daun kupi di ateh api ketek sampai daun manjadi coklat dan kariang, untuak mambuek kopi daun (pantai baraik Sumatera, tanpa tahun)

Aia kawa atau kawa daun, adolah minuman tradisional masyarakaik Minangkabau. Namo aia kawa barasa dari bahaso Arab, qahwah nan bararti kopi.[1] Sakileh minuman aia kawa iko sarupo jo kopi tapi babeda jo kopi-kopi nan biasonyo. Aia kawa ko indak tabuek dari racikan biji kopi malainkan dibuek dari daun kopi. Daun kopi lokal pilihan awalnyo dikariangkan jo caro disangrai salamo 12 jam. Katiko ka diminum, daun kariang iko dicampu jo aia dingin, lalu disaduah jo aia nan mandidiaah.[2]

Sijarah[suntiang | suntiang sumber]

Aia kawa dapek dikaikan jo adonyo tanam paksa pado maso kakuasaan kolonial Balando. Pado maso itu, salain kaum pribumi nan disuruah untuak mambudidayokan kopi di Pulau Jawa, masyarakaik Minang diminta pulo untuak mananam kopi di daerah pagunungan. Budidaya tasabuik dilakukan hinggo padalaman Sumatra, di Luhak Agam jo Lima Puluh Kota.

Jinih kopi nan patamo kali ditanam adolah kopi Arabika. Satalah babuah, kopi tasabuik mampunyoi banyak paminat sarato hargo jua nan tinggi. Namun, panduduak di Sumatera Barat dilarang manikmati biji kopi untuak diri surang walaupun dipaso untuak mananamnyo demi kapantiangan pardagangan. Biji kopi tasabuik harus dijua ka VOC untuak diekspor ka Eropa. Paraturan iko diakali jo manggunokan dadaunan kupi nan dipicayo masih manganduang kafein.[3]

Kandungan[suntiang | suntiang sumber]

Aia kawa ko indak pakek mode kopi, labiah mirip teh. Kandungan kafein pado minuman iko labiah randah pulo katimbang kopi. Salain kafein, daun kopi ko juo mamiliki senyawa tanin nan marupoan kalompok polifenol, mambantuak raso sapek jo warno coklat. Senyawa-senyawa nan ado pado daun kopi ko mampunyoi manfaaik untuak badan awak, yaitu maubekan panyakik kulit, hipertensi, mampalancar pernafasan, sarato dapek manambah stamina.[1]

Tradisi maminun[suntiang | suntiang sumber]

Kawa Daun tasaji dalam tampuruang karambia dan biaso tahidang basamo goreang.

Minuman iko disarupuik di saaik cuaco dingin, di dangau-dangau. Panyajiannyo indak jo galeh atau mangkuak, malainkan tampuruang karambia kariang nan dibalah duo. Tampuruang iko diagiah aleh bambu. Aia kawa dapek diminum jo atau indak ba gulo, sarato babagai panganan ketek. [1]

Referensi[suntiang | suntiang sumber]

  1. a b c Lila Muliani dan Chairunisa Chayatinufus, Murdijati Gardjito (2019). Kuliner Minangkabau. Jakarta: Gramedia Pustaka Utama. ISBN 978-602-06-3238-4. 
  2. Hangatnya Seduhan Daun Kopi Aia Kawa Daun dari Ranah Minang, diakses dari situs berita Republika
  3. Kawa Daun, Sejarah di Sayak Tempurung, diakses dari situs berita Harian Singgalang