Afrizal Koto
Afrizal Koto | |
|---|---|
| Kabangsaan |  Indonesia |
| Karojo | Patinju |
| Dikana dek | Juara Pan Asian Boxing Association (PABA) |
Afrizal Koto nan banamo asli Muhammad Afrizal adolah surang patinju profesional Indonesia. Afrizal tamasuk patinju potensial nan parnah manyandang gala juara Pan Asian Boxing Association (PABA). Afrizal alah manyukoi olahraga tinju sajak basakola di SMP. Sasudah tamaik SMA, Afrizal tajun ka dunia tinju profesional. Afrizal mamulai karir tinjunyo di sasana tinju Cendrawasih di Medan, Sumatera Utara. Sasudah itu Afrizal aktif bakarir di Jakarta jo bagabuang ka Sasana Demokrat sabalun pindah ka sasana PDAM Sumatera Barat.[1]
Maningga
[suntiang | suntiang sumber]Afrizal Koto maningga dunia pado tanggal 4 April 2012 di Rumah Sakit UKI Jakarta sausai malakuan patandingan profesionalnyo dalam acara Gelar Tinju Profesional nan diadoan dek TV Indosiar. Dalam patandingan tu Afrizal sempat tajatuah babarapo kali, lalu kudian inyo indak sadarkan diri sabalun dibao ka Rumah Sakik UKI Jakarta. Sasudah malalui parawatan nan dilakuan dek tim medis tanyato nyawanyo indak tatolong lai, Afrizal maningga dalam umua 33 taun. Pandarahan di utak dinyatoan sabagai panyabab kamatiannyo.[2] Kamatian Afrizal Koto alah manambah panjang daftar patinju nan maningga di arena tinju profesional Indonesia.[3]
Motivator
[suntiang | suntiang sumber]Kamatian Afrizal Koto mambuek dunsanak-dunsanaknyo maraso kahilangan. Di mato mareka Afrizal adolah motivator. Afrizal adolah surang pakarajo kareh sarato jadi tulang pungguang kaluarga sajak bapak mareka maningga. Kamatian Afrizal-pun maninggaan kasadiahan di calon bininyo karano mareka alah barancana ka sacapeknyo malangsuangan pesta panikahan. Afrizal Koto dikubuaan di Pamakaman Umum Gang Bersama Mandala, Medan.[4]
Rujuak-an
[suntiang | suntiang sumber]- ↑ Petinju profesional Muhammad Afrizal meninggal dunia ANTARA News, 4 April 2012. Diakses 03 Mei 2013.
- ↑ Kronologi Meninggalnya Petinju Afrizal[pranala nonaktif permanen] TEMPO.CO, 05 April 2012. Diakses 03 Mei 2013.
- ↑ Petinju Afrizal Akhirnya Meninggal Dunia Archived 2012-07-11 di Wayback Machine. Poskota Online, 4 April 2012. Diakses 03 Mei 2013.
- ↑ Afrizal Koto, Petinju Yang Pekerja Keras[pranala nonaktif permanen] Medan Magazine, 5 April 2012. Diakses 03 Mei 2013.
- All articles with dead external links
- Articles with dead external links from October 2022
- Articles with permanently dead external links
- Articles with dead external links from June 2023
- Pages using infobox person with unknown parameters
- Pages using infobox person with unknown empty parameters
- Articles with hCards
- Olahragawan Indonesia
- Patinju Indonesia
- Tokoh Minangkabau
- Tokoh dari Medan