Adiy bin Hatim
| Biografi | |
|---|---|
| Lahia | 572  Ha'il (id)  |
| Kamatian | 687 ↔ 688 (114/115 tahun (id) ) Jazirah Arab |
| Agamo | Islam |
| Kagiatan | |
| Karajo | Penyair (id) jo Kepala suku (id) |
| Konflik | Perang Jamal (id) , Pertempuran Shiffin (id) jo Pertempuran Yarmuk (id) |
| Kaluarga | |
| Abak | Hatim ath-Tha'i (id) |
| Sanak saibu/sabapak | Safanah binti Hatim (id) |
Adiy bin Hatim adolah salah satu sahabaik Nabi nan tapandang jo sifatnyo nan pamurah dan mulia.
Adiy bin Hatim atau nan labiah dikenal jo namo Abu Tharif mampunyai namo langkok Adiy bin Hatim bin Abdullah bin Sa'ad bin Hasyraj Ath-Tha'i. Sabalum masuak Islam dulu, beliau manganuik agamo Nasrani. Barulah pado taun 9H, beliau manamui Rasulullah dan manyatokan masuak Islam.[1]
Sifat pamurah di diri Adiy bin Hatim ko mambuek Rasulullah hormat jo tokoh nan ciek ko. Di maso hiduiknyo, beliau pernah datang ka Madinah manamui Abu Bakar, sangajo untuak maanta hasil zakaik dari kaumnyo untuak disumbangkan.[1]
Sabalum manganuik Islam, Adiy bin Hatim pernah manjadi pamimpin kaum Nasrani. Beliau salalu meingekan pasukannyo untuak mampasiapkan unto nan kuek untuak tingga dakek rumahnyo supayo jikok sawaktu-waktu pasukan jihadis Nabi Muhammad datang, inyo dan kaluarganyo dapek capek-capek lari manyalamaikan diri. Suatu hari datanglah pasukan Nabi Muhammad ka wilayah umaik Adiy bin Hatim ko. Adiy bin Hatim langsuang mambaok lari kasado anggota kaluarganyo lari naik unto. Tapi sayangnyo, adiak padusinyo tatingga sampai akhirnyo dibaok dek pasukan Nabi Muhammad ka Madinah.[2]
Rujuakan
[suntiang | suntiang sumber]- 1 2 Mursi, Muhammad Sa'id (2007). Tokoh-tokoh besar Islam sepanjang sejarah. Jakarta: Pustaka Al-Kautsar. pp. 149-150. ISBN 979-592-387-0.
- ↑ Shameem, Ahmad (2014). The Fascinating Story of Muhammad: Simplified & de-mystified from the original narration and the Qur’an. AuthorHouse. pp. 309. https://books.google.co.id/books?id=lNuVAgAAQBAJ&pg=PA309&dq=Adiy+bin+Hatim&hl=en&sa=X&redir_esc=y#v=onepage&q=Adiy%20bin%20Hatim&f=false.