Abdul Karim Rasjid
| Biografi | |
|---|---|
| Lahia | 14 Agustus 1914  Koto Nan Tigo IV Koto Hilie |
| Kamatian | 10 Januari 1983 (68 tahun (id) terjemahkan) 10 Januari 1983 (id)  |
| Tampek dimakamkan | Taman Makam Pahlawan Nasional Utama Kalibata (id) |
| Kalompok etnis | Urang Minangkabau |
| Kagiatan | |
| Karajo | Anggota angkatan basanjato jo diplomat (id) |
Mayor Jenderal TNI Purn. Abdul Karim Rasjid adolah saurang pajuang kamerdekaan jo perwira tinggi TNI nan pernah manjabaik Kapalo Staf Sekretariat Komandan Militer (1967-1970). Sabalun itu, inyo parnah pulo ditugaskan sabagai diplomat, di antaronyo sabagai atase militer RI di Bangkok jo Rangon, sarato manjadi Dubes RI untuak Kamboja (1957-1965) jo Dubes RI di Filipina (1965-1966).[1]
Lahia di Batang Kapeh, Pesisir Selatan pado 14 Agustus 1914, alun basarobok catatan di ma Abdul Karim Rasjid manjalani pandidikan dasar jo manengah. Yang dapek diketahui, inyo adolah lulusan Maktab Perguruan Sultan Idris,Tanjung Malim.[2] Kamungkinan gadang, inyo manamaikan studinyo di Malaysia sakitar awal tahun 1930-an. Parkiraan iko didasari pado kanyataan bahaso pado tahun 1932 inyo alah manjadi guru di Tanah Malaya itu.[1]
Samaso manjadi guru di Malaya (1932-1941), Abdul Karim Rasjid basamo Ibrahim Yaakob bajuang manuntuik kamerdekaan malalui Kesatuan Melayu Muda. Pado maso panduduakan Japang, inyo bagabung jo pasukan Pembela Tanah Air (Peta) nan disponsori dek Japang. Sasudah itu, inyo parnah diangkek manjadi panasihat Gunseikanbu (pamarentah militer Japang) untuak wilayah Sumatera-Malaya, lalu manjadi komandan unit “Kelelawar” Peta (1943-1944) dan akhianyo sabagai Kepala Staf Peta (1944-1945).[1]
Rujuakan
[suntiang | suntiang sumber]- ↑ a b c Ensiklopedia Tokoh 1001 Orang Minang. 1. Padang: UMSB Press. 25 Oktober 2023.
- ↑ Farish A Noor (22 Mac 2001). "Fine young Calibans". Malaysiakini. Diakses tanggal 4 Februari 2024.