AMX-10P

Wikipedia Minangkabau - Lubuak aka tapian ilimu
Kandaroan tampua infanteri AMX-10P

Templat:Infobox Weapon AMX-10P adolah sabauh kandaroan tampua infanteri buatan Parancih. Kandaroan iko dikambangan sasudah taun 1965 sabagai ganti dari AMX-VCI dalam dineh tantaro Parancih; dan prototipe patamo salasai pado taun 1968. AMZ-10P ko dilangkoki palinduang radiasi nuklir, sinjato biologi, jo sinjato kimia, sarato bakamampuan amfibi langkok jo jet aia untuak bagarak di medan baaia. AMX-10P dipakai dek Parancih pado maso lalu, sarato digunoan pulo di Indonesia, Uni Emirat Arab, Yunani, Qatar, Arab Saudi, Singapura, jo Meksiko.

Kandaroan asia produksi patamo dikirim taun 1973 untuak Brigade Mekanik ka-7 nan ditampekan di Reims.[1]

AMX-10P dilangkoki jo mariam otomatis GIAT M693 20 mm, sarato ado teleskop bidik siang ari inggo 6×. Mariam tarsabuik punyo kacapatan tembak 700 rpm dan bajangkauan efektif 1.500 meter. Parisai frontal malindungi taradok sarangan 23 mm API jo 14,5 mm API, samantaro palinduangan kasaluruahan adolah anyo taradok paluru sinjato ringan jo pacahan cangkang proyektil.[2] Dalam Angkatan Darat Parancih, 108 unit alah manjalani paningkekan dalam hal parisai dan mobilitasnyo antaro taun 2006 dan 2008.[3] Modifikasi nan maningkekan sacara signifikan parlinduangan kandaroan barupo pamasangan parisai tambahan, samantaro nan maningkekan mobilitas barupo pamasangan sistem suspensi baru dan kotak roda gigi nan dipakuek. Kandarian tampua infanteri AMX 10P dapek ditingkekan kamampuannyo dek Giat Industries. Parlangkapan barupo parisai aktif maso iko alah tasadio.

Tantaro Parancih kini alah mangganti kandaroan AMX-10P mareka jo jinih tabaru Véhicule blindé de combat d'infanterie. Resimen patamo nan mampensiunkan sadonyo AMX-10P mareka adolah Resimen Infanteri ka-35 di Belfort pado Desember 2008.[4]

Varian Indonesia[suntiang | suntiang sumber]

AMX-10P Marine adolah varian nan dikambangan untuak Korps Marinir Indonesia jo propulsi jet aia nan ditingkekan inggo kacapatan 10 km/jam (6,2 mph), sarata dilangkoki duduakan balakang barupo CIBI 50 turet jo satu sanapang masin barek Browning M2HB kaliber 0,5 inci (12,7 mm), kecepatan 120 rpm. Pangamudi varian jinih ko 2 urang jo dapek mamuek 13 tantaro lai.[5]

Salain varian kusih AMX-10P Marine, Indonesia punyo juo varian AMX-10 PAC 90,[6] nan dilangkoki TS 90 turet jo sinjato sanapang GIAT CS Super (F4) kaliber 90 mm (3,54 inci) jo kacapatan 30 rpm, sanapang masin koaksial kaliber 7,62 mm jo 2.000 rpm, sarato sanapang masin AA kaliber 7,62 mm jo kacapatan 1.200 rpm atau 0.5 inci (12,7 mm) jo kacapatan 1.000 rpm. Varian pandukuang sarangan iko punyo barek tampua 14.800 kg (32.628 lb), panjang 7,22 m (23,69 kaki) jo sinjato di bagian depan, sarato leba badan 5,87 m (19,26 kaki). Panambahan leba dan tinggi, paningkekan teleskop bidiak dan sistem pangontrolan tembakan dapek ditambahan sasuai kabutuahan. Pangamudi varian jinih ko 3 urang jo dapek mamuek 4 tantaro lai.

Kaduo varian kandaroan tasabuik tamasuak pangadoan material tampua Angkatan Lauik Indonesia pado taun 1981. Dalam babarapo operasi maupun uji latiah kandaroan amfibi ko, baiak AMX-10 PAC 90 (tank kanon) maupun AMX-10P Marine (tank angkut personil) kamampuannyo dinilai masih di bawah performa PT.76 dan BTR 50P produksi Uni Soviet. Panampekan masin AMX-10 di bagian muko kandaroan baakibaik hambatan saaik malaju di aia atau lauik, sainggo pado akianyo dipakai untuak operasi darek.[7]

Nagara pangguno[suntiang | suntiang sumber]

AMX-10PAC tantaro Singapura dengan sinjato 90mm

Rujuakan[suntiang | suntiang sumber]

Pautan lua[suntiang | suntiang sumber]