A.R. Soehoed
Major Udaro (Purn.) Dr. Ir. Abdoel Raoef Soehoed (2 Maret 1920 - 7 Juni 2014) adolah Menteri Industri Indonesia pado Kabinet Pembangunan III pado maso pamarintahan Presiden Soeharto. Inyo juo pernah bakarajo sabagai anggota Angkatan Udaro Republik Indonesia (AURI) jo pangkat terakhir Mayor Udara.[1] Abduoel Raoef Soehoed atau nan acok di pangia urang A.R. Soehoed marupokan anak dari Mohamad Soehoed Sutan Tanamas jo Ibunyo banamo Sahara nan mano kaduo urangnyo marupokan asli urang Minangkabau nan alah lamo manatap di Batavia.
Sijarah iduik
[suntiang | suntiang sumber]Walaupun inyo alah di Jakarta, tapi darah Minangkabau mengalir di badannyo. Kaduo urang gaeknyo adolah urang-urang panduduak Minangkabau nan alah manatap di Batavia sajak jaman panjajahan Balando. Sasudah pensiun inyo banyak talibaik dalam kagiatan agamo jo sosial masyarakaik Minangkabau di Jakarta.
Abdoel Raoef Soehoed marupokan salah saurang tokoh nan ikuik baperan mambangun Indonesia di awal kamerdekaan. Inyo adolah salah saurang insinyur yang marintis bengke pasawat tabang Indonesia. Pado maso presiden Soeharto, inyo ko ditunjuak manjadi Menteri Parindustrian pado Kabinet Pambangunan III di priode taun 1978-1983.[2]
Soehoed baperan dalam banyak hal di pambangunan Indonesia, mulai dari parnah manjadi Panasehat Menteri Utama Industri/Pambangunan, manjadi Wakia Ketua Badan Koordinasi Pananaman Modal, manjadi Ketua Otorita Asahan, manjadi anggota Dewan Patimbangan Agung, manjadi Komisaris jo Direktur babagai parusahaan, sampai inyo pernah manjadi Ketua Umum Persatuan Judo Saluruah Indonesia.[3]
Wakatu pacahnyo paristiwa Bandung Lautan Api tajadi, Soehoed jo kawan-kawannyo mamutuihkan pindah ka Yogyakarta jo bagabuang basamo Angkatan Udaro Republik Indonesia (AURI), nan mano inyo resmi ditarimo manjadi anggota AURI mulai dari tanggal 6 Januari 1946.[4]
Soehoed manarimo tugas partamonyo di Pangkalan Udaro Maospati, Madiun. Disitu inyo mambangun jo manjalankan operasional bengke jo paelokkan pasawat tabang. Samaso bakarajo disitu pulo inyo dakek jo Wiweko Supomo, kapalo bagian riset pasawat jo wakianyo Nurtanio Pringgoadisuryo. Urang ko bakarajosamo jo Soehoed untuak maambiak aliah Pangkalan Udaro Andir dari tangan Balando, sasudah pangakuan Kedaulatan dari Balando.[4]
Soehoed batindak sabagai Jawatan Teknik Umum yang batangguanjawab kapado sagalo pangkalan udaro militer Indonesia. Soehoed juo dapek tugas untuak mampalueh Pangkalan Udaro Andir jo malakukan pambangunan pangkalan udaro di Margahayu jo di Cililitan.[3] Sasudah sagalo tugasnyo ko salasai, Soehoed diangkek manjadi Komandan Komando Teknik. Tapi, indak lamo sasudah itu pulo inyo mundur dari Angkatan Udaro Republik Indonesia dek kandaknyo surang pado taun 1956. Pangkek tarakhia yang disandang dek Soehoed adolah sabagai Mayor Udaro.
Sasudah kalua dari AURI, Soehoed banyak talibat jo karajo dibidang pambangunan infrastruktur dan mulai mambangun proyek nan mano sasudah nyo pulang dari Italia. Inyo barasia mambuek jo marintis proyek pambangkik listrik jo paleburan alumnium hinggo tawujuiknnyo PT. Indonesia Asahan Alumunium (PT. Inalum) nan mano iko marupokan jasa darinyo untuak negara.
A.R. Soehoed maningga pado Sabtu tanggal 7 Juni 2014 di Rumah Sakit Pondok Indah, Jakarta. Mayatnyo dikubuakan di Jakarta Selatan, tapeknyp di Taman Makam Pahlawan Kalibata, Pancoran, Jakarta Selatan.[2]
Pandidikan
[suntiang | suntiang sumber]Pandidikan formal Soehoed dimulai di Sakolah Dasar Balando (Europese Lagere School) di Bandung, Jawa Barat. Karano urang tuonyo pindah ka Lampung Soehoed pulo masuak ka Sakolah Dasar Hollands Inlandse School di Menggala, Lampung nan sasudah itu malanjuikkan pandidikannyo ka M.U.L.O di Madiun, nan mano iko juo ikuik urang tuonyo. Sasudah Soehoed tamat dari MULO, inyo malanjuikkan pandidikan ka AMS di Yogyakarta. Taman dari sinan inyo masuak pulo ka Technische Hoogeschool (TH) Bandung (ko kini Institut Teknologi Bandung atau ITB) pado taun 1939, tapi dek kadatangan panjajahan Japang nan kemudian diikuti jo revolusi kamardekaan, inyo baru bisa dapek gelar Insinyur pado taun 1951.[4]
Disampiang proses pandidikan profesional, timbua pamikiran akan arati kamerdekaan yang bakambang, sarupo pamikiran kritis nan samakin kuek kamudian inyo mulai mandiskusikan persoalan ko samo kawan-kawan mahasiswa TH, salain itu inyo mandiskusikan iko juo samo kawan-kawan mahasiswa Balandonyo.[4]
Pado maso itu, Soehoed mancaliak mahasiswa Balando jo pamarentahannyo alun mangarati tuntutan kamerdekaan bangsa Indonesia ko. Dalam banak pikiran Balando tatanam prinsip bahwasonyo Balando lah nan harus manguasai Indonesia. Pado maso Soehoed ko mahasiswa Indonesia tabagi manjadi duo golongan nan mano golongan partamo ko iolah inyo yang mamupuak jo mamurnikan jiwa nasionalismenyo jo caro manutuik diri dari pagaulan basamo mahasiswa jo lingkungan Balando. Ado pulo golongan kaduo iolah mahasiswa nan babarua jo lingkungan iduik urang balando untuak tujuan nmampalajari kekuatan jo kalemahan urang Balando. Dari duo golongan iko Soehoed masuak ka lingkungan pargaulan Corpus Studiosorum Bandungese Studenten Corps. Kamudian babarapo taun sabalumnyo, mahasiswa Soekarno pun parnah bagabuang dalam lingkuangan iko.[4]
Malalui lingkaran di BSC (Bandungse Studenten Corps), Soehoed dapek maliek kasenjangan nan dialami dek masyarakaik Indonesia. Masuak kuliah taun tigo, dunia mulai basiap mamasuaki babak galok yoitu barang dunia kaduo, kamudian di maso parang dunia nan kaduo ko lah Japang masuak ka Indonesia sasudah tu mangalahan Balando. Banyak maso itu nan baranggapan alah datang pambebasan dari Japang, tapi Soehoed indak pucayo takaik isu pambebasan dari Japang ko dengan maambiak tindakan lansuang pindah ka Yogyakarta sasudah Technische Hoogeschool Bandung ditutuik pado maso parang tu.[4]
Badasarkan latar balakang insinyur inyo tu dan pangalaman yang banyak sabagai ahli teknik inyo pernah pulo mambuek babarapo karya fenomenal, nan salah satunyo iolah pernah marancang dan mambangun Musajik Al Fatah di Ambon.[1]
Panghargoan
[suntiang | suntiang sumber]A.R Soehoed salamo iduiknyo alah mandapek duo panghargoan yoitu Bintang Swa Bhuwana Paksa Nararya dari Pemerintah RI pado taun 1982 dimaso presiden Soeharto, kamudian nan kaduo iyola panghargoan[5] Ganesa Prajamanggala Bakti Adiutama dari ITB di taun 2012 [6].
Pranala Lua
[suntiang | suntiang sumber]- "5 Panyahulu nan disabuik Jokowi" Merdeka.com, 13-12-2012.
- "Dr. Ir. Abdoel Raoef Soehoed: Kita Harus Mikir Nasional" Diarsipkan pado 2014-07-14 di Wayback Machine. ALSI ITB.
Referensi
[suntiang | suntiang sumber]- ↑ a b "A.R. Soehoed; Menteri Perindustrian Kabinet Pembangunan III" Archived 2014-07-14 di Wayback Machine. Situs Fakultas Teknik UI. Di akses pada 17 Desember 2023
- ↑ a b "Mantan Menteri Perindustrian AR Soehoed Meninggal Dunia" Detik.com, Diakses 17 Desember 2023
- ↑ a b "Abdoel Raoef Soehoed". tirto.id (dalam bahasa Indonesia). Diakses tanggal 2023-12-17.
- ↑ a b c d e f Gayatri, Sri Indera (2009). Sejarah Pemikiran Indonesia tahun 1967-1998. Jakarta: Direktorat Jendral Sejarah dan Purbakala Departemen Kebudayaan dan Pariwisata. pp. 67.
- ↑ "A.R. Soehoed; Menteri Perindustrian Kabinet Pembangunan III" Archived 2014-07-14 di Wayback Machine. Situs Fakultas Teknik UI. Diakses 17 Desember 2023
- ↑ "Djoko Kirmanto dan AR Soehoed Menerima Penghargaan ITB" Store.tempo.co, 3-7-2012. Diakses 17 Desember 2023.