1979 Revolution: Black Friday
 | Artikel ko sadang disiapkan dan sadang dikambangkan, dan mungkin akan tajadi parubahan-parubahan gadang. Sanak dapek mambantu dalam pangambangan laman ko. Laman ko taakhia disuntiang dek InternetArchiveBot (Kontrib • Log) 553 hari 193 menit nan lalu. Kok Sanak mancaliak artikel ko indak disuntiang dalam babarapo hari, mohon hapuih templat ko. |
1979 Revolution: Black Friday adolah pamainan komputer nan bakategori patualangan drama interaktif jo mode pamain tunggal. Pangambang pamainan komputer iko adolah iNK Studios nan ditoloangan dek N-Fusion Interactive. 1979 Revolution: Black Friday diluncuakan patamo kali pado tanggal 5 April 2016 untuak sistem operasi komputer Microsoft Windows jo macOS. Kudian pado tanggal 10 Juni 2016 untuak parangkaik talepon ganggam iOS, pado tanggal 14 Desember 2016 untuak parangkaik talepon ganggam Android. Pamainan komputer iko akhianyo diluncuakan untuak PlayStation 4 pado tanggal 31 Juli 2018, sarato untuak Nintendo Switch jo Xbox One pado tanggal 3 Agustus 2018. Sahinggo pamain pamaianan komputer 1979 Revolution: Black Friday bisa mamainkan pamainan komputer iko di babagai alaik pamaianan komputer nan ado.[1][2]
Proses pagambangan[suntiang | suntiang sumber]
Pamainan komputer iko dibangun dalam wakatu ampek tahun, tamasuak pambangunan sarato panggabuangan pamainan komputer jo dokumen nan dibungkuih jo carito nan lamak dek urang banyak. Navid Khonsari (sabagai direktur pamainan komputer) mangambangkan pamainan komputer iko batujuan untuak mambuek pamain mamahami jo marasokan kamarosotan moral pado maso revolusi nan tajadi katiko maso keteknyo di Iran katiko tajadi revolusi. Pihak pangambang pamainan komputer manaliti sacaro laweh kasadoalahnyo dalam proses pangambangan, saato mawawancarai sarjana sijarah jo panduduak nan masih tingga di Teheran salamo maso revolusi tajadi. Tim pangambang juo mangumpuakan banyak informasi, pidato sijarah, jo foto arsip nan digunokan katiko mangambangkan pamainan komputer.
1979 Revolution: Black Friday banyak mandapekkan pujian dari panilai film nan direspon sacaro rancak dek pamain katiko patamo kali diluncuakan. Pamainan komputer iko juo mandapek kaindaksukoan dari wartawan Iran nan manganggap pamainan komputer 1979 Revolution: Black Friday sabagai bantuak propaganda. Hal iko mambuek Navid Khonsari maraso indak aman untuak baliak ka Iran. Tim pangambang pamainan komputer lainnyo mamiliah untuak manggunokan alias sabagai palinduangan. Pamainan komputer 1979 Revolution: Black Friday mandapek babarapo pangharagoan dari publikasi pamainan komputer.[3]
Pola pamainan[suntiang | suntiang sumber]
Pamainan komputer iko masuak kategori drama patualangan interaktif jo mode pamain tunggal, di mano pamain beko bamain sabagai Reza Shirazi jo dapek bainteraksi jo lingkuangan, misalnyo jo karumunan urang nan mogok atau saurang ibu indak barumah jo anak keteknyo.[5] Karakter Reza Shirazi adolah jurnalis foto nan punyo cita-cita tinggi, inyo baliak ka Iran di tangah-tangah Revolusi Iran.[6] Salain itu, ado juo menu nan tampil di laya, nan mambandiangkan foto dalam pamainan komputer jo gambar asilnyo nan diambiak dek fotografer Michel Setboun.[7] Pamain juo diagiah tugas untuak mangumpuakan kaset nan ado di sapanjang pamainan, tamasuak pidato pamimpin revolusioner Ayatollah Khomeini.[8]
Dalam banyak bagian pamainan komputer 1979 Revolution: Black Friday, pamain diagiah wakatu untuak manantuan respo atau tanggapan nan sasuai jo paristiwa nan tajadi, acok kali kaputusan badampak banyak ka alua pamainan. Ado alua mangecek nan maharuskan pamain untuak mamiliah respon dalam wakatu nan tabateh, jikok pamain indak mamiliah, karakter Reza cuma diam se.[9]
Pamainan komputer iko juo maharuihkan pamainnyo mamutuihkan apo nan harus dikarajoan dalam situasi tatantu; misalnyo, ciek rangkaian misi untuak pamain jo mamiliah apokah karakter Reza ka malakukan agresi salamo aksi protes balangsuang, atau cuma maambiak foto. Di sisi lain, karakter lain nan ado ka marespon kaputusan nan alah dipiliah pamain, jo juo ado fitur notifikasi nan ka manunjuakkan jikok karakter ndak ingek respon nan dipiliah. Hal iko juo bisa mampangaruhi jalan carito dari pamainan komputer 1979 Revolution: Black Friday. Ado adegan atau bagian carito di mano pamain diharuihkan mangikuikkan patunjuak pado laya dalam wakatu capek supayo tetap hiduik. Apo bilo pamain gagal maikuikkan parintah dalam wakatu nan alah ditantuan, pamain haruih mangulang baliak carito dari sabalun gambar taakhia.
Alua Carito[suntiang | suntiang sumber]
Balata balakang katiko tajadi Revolusi Iran pado tahun 1979, di mano malibaikkan gerakan massa nan sangaik gadang, sakitar 10% dari kasadoalah jumlah urang di Iran, nan barasia mambuek rezim pamarintahan nan bakuaso katiko itu, dinasti Pahlavi nan diwakili dek Mohammad Reza Shah Pahlavi, maasiangan diri sarato maninggakan Iran. Hinggo lahianyo Ayatollah Ruhollah Khomeini nan maambiak aliah kapamimpinan Iran sarato mangubah pamarintahan nagari iko manjadi Republik Islam.[10]
Pamainan komputer 1979 Revolution: Black Friday balata balakangan pado tahun 1980, katiko calon pawarta foto Reza Shirazi (Bobby Naderi) ditangkok di tampek inyo manyuruak dek polisi. Kudian hari Reza dibaok ka Pinjaro Evin, di situ inyo ditanyo-tanyo dek Asadollah Lajevardi (Navid Neghaban).[11] Katiko itu Reza nan alah sato di Revolusi Iran dalam upayo untuak mangguliangkan Shah, Reza diagiah piliahan untuak nio bakarajo samo jo Asadollah atau manulaknyo. Reza pulo nan bekonyo ka dikandalikan dek pamain sapanjang pamainan komputer.[12]
Penghargaan[suntiang | suntiang sumber]
Pamainan komputer 1979 Revolution: Black Friday nan dikambangkan dek iNK Studios alah mandapekkan banyak nomonasi sarato pangharagoan dari publikasi pamainan komputer. Pado 1 Desember 2016, pamainan komputer iko masuak dalam kategori Games for Impact sarato manarimo pangharagoan The Game Awards 2016[13]; pado tanggal 15 Desember 2016 alah mamanangan pangharagoan jo kategori pamainan komputer/konsol tarancak pado pangharagoan '16 Bit Awards[14]; pado 7 Januari 2017 dinominasikan dalam kategori Pamainan Komputer Patualangan Tarancak jo Carito Tarancak adlam pangharagoan IGN's Best of 2016[15]; pado tanggal 19 Januari 2016 pamainan komputer iko dinominasikan dalam tigo kategori sakaliguih yaitu Big Apple Award for Best Game of the Year, Off Broadway Award for Best Indie Game, jo Herman Melville Award for Best Writing pado Pangharagoan Tahunan Ka-6 Pamainan komputer New York.[16] Salain itu, pamainan komputer iko alah mamanangan Facebook Game of the Year 2017 dalam kategori pangharagoan Game of the Year jo Best Gameroom Game.[17]
Rujuakkan[suntiang | suntiang sumber]
- ↑ "1979 Revolution". 1979revolutiongame.com. Diakses tanggal 2020-01-12.
- ↑ 1979 Revolution: Black Friday Review - IGN (dalam bahasa Inggris), diakses tanggal 2020-01-12
- ↑ 1979 Revolution: Black Friday - IMDb, diakses tanggal 2020-01-12
- ↑ a b c "WebCite query result". www.webcitation.org. Diakses tanggal 2020-01-12.
- ↑ "1979 Revolution: Black Friday review - Gameplanet Australia". Gameplanet (dalam bahasa Inggris). Diarsipkan dari versi asli tanggal 2020-01-12. Diakses tanggal 2020-01-12.
- ↑ "1979 Revolution: Black Friday: The Kotaku Review". Kotaku (dalam bahasa Inggris). Diakses tanggal 2020-01-12.
- ↑ 1979 Revolution: Black Friday Review - IGN (dalam bahasa Inggris), diakses tanggal 2020-01-12
- ↑ "WebCite query result". www.webcitation.org. Diarsipkan dari versi asli tanggal 2016-03-04. Diakses tanggal 2020-01-12.
- ↑ "1979 Revolution: Black Friday review - Gameplanet Australia". Gameplanet (dalam bahasa Inggris). Diarsipkan dari versi asli tanggal 2020-01-12. Diakses tanggal 2020-01-12.
- ↑ "Review 1979 Revolution - Black Friday: Pilihan yang Mengubah Dunia!". Jagat Play (dalam bahasa Inggris). 2016-04-13. Diakses tanggal 2020-01-13.
- ↑ "1979 Revolution: Black Friday: The Kotaku Review". Kotaku (dalam bahasa Inggris). Diakses tanggal 2020-01-12.
- ↑ Henderson, Ky (2016-04-05). "A New Video Game Drops Players Into the Chaos of the Iranian Revolution". Vice (dalam bahasa Inggris). Diakses tanggal 2020-01-13.
- ↑ "All the 2016 Game Awards Nominees". GameSpot (dalam bahasa Inggris). Diakses tanggal 2020-01-13.
- ↑ "And the winners are..." us7.campaign-archive.com. Diakses tanggal 2020-01-13.
- ↑ Best Adventure Game - Best of 2016 Awards Wiki Guide - IGN (dalam bahasa Inggris), diakses tanggal 2020-01-13
- ↑ "Nominees! 2017 New York Game Awards!" (dalam bahasa Inggris). 2017-01-07. Diakses tanggal 2020-01-13.
- ↑ "1979 Revolution: Black Friday wins Facebook Game of the Year". GamesIndustry.biz (dalam bahasa Inggris). Diakses tanggal 2020-01-13.