Wikipedia:Limo tonggak

Dari Wikipedia baso Minang, ensiklopedia bebas
Lompek ka: navigasi, cari

Saluruah kabijakan jo pedoman Wikipedia dapek diringkeh manjadi limo tonggak nan marupoan karakter Wikipedia:

BluePillar.svg Wikipedia adolah sabuah ensiklopedia
  • Wikipedia adolah sabuah ensiklopedia nan mangumpuan elemen-elemen dari sabuah ensiklopedia umum, ensiklopedia khusus, jo almanak (catatan sijarah) dalam satu tampek.
  • Sadoalah artikel harus patuah ka kabijakan bukan riset asli dan harus batua-batua diusahoan kaakuratannyo.
  • Wikipedia bukan tampek untuak manyumbangan pandapek, pangalaman ataupun argumen pribadi. Labiah jauh, Wikipedia bukanlah tampek untuak informasi sumbarang.
  • Wikipedia bukanlah tampek untuak mangumpuaan panyataan "lai tau sanak?"(trivia), pangguang politik, promosi pribadi, tampek mancubo anarki maupun demokrasi, atau sabuah buku patunjuak situs (web).
  • Wikipedia juo bukan tampek untuak kamus, koran, atau koleksi naskah sumber. Jenis isi saroman ko masiang-masiang dapek dilatakkan di proyek wiki nan lainnyo, KamusWiki, Wikinews, jo Wikisource.
 
GreenPillar.svg Wikipedia mamiliki suduik pandang netral
  • Artinyo, awak bakarajo kareh untuak hasil akhir dari sadoalah artikel di Wikipedia, nan indak cumo barisi satu suduik pandang sajo. Kadang hal ko bararti awak harus mancari pandangan-pandangan nan balawanan atau balainan tahadok suatu masalah; dan kamudian manulihan tiok pandangan sacaro akurat dan manyadioaan sumber/rujukan untuak satiok suduik pandang nan ditulih. Hal ko dimaksuik'an agar pambaco managarati pandangan sia se nan diwakili dek sabuah pernyataan.
  • Sistem panulisan di Wikipedia, indak ado sabuah pandangan pun nan dapek ditulihan sabagai "pandangan nan batua" atau "pandangan tabaiak", iko bararti manulihan satiok sumber nan dapek divaldiasi, atau informasi nan alah diterbitkan dek suatu sumber nan berwenang, khususnyo untuak topik-topik nan kontroversial.
  • Sangkek ado sabuah konflik versi ma nan paliang netral, umuman sabuah periode pandinginan dan agiah tando(tag) pado artikel tasabuik sabagai artikel nan sadang dipasalisiahan; bahas rincian satu demi satu dalam halaman pembicaraannyo dan ikuti kabijakan panyalesaian pasalisiahan.
 
YellowPillar.svg Wikipedia mamiliki isi nan bebas
  • Satiok urang dapek manyuntiang di Wikipedia.
  • Saluruah teks tasadio di bawah Izin Dokumentasi Bebas GNU (GNU Free Documentation License (GFDL)), dan satiok urang dapek manyabarluaskan dan manghubuangan pautannya jo kaidah nan semestinyo.
  • Sadari satiok artikel dapek diubah siapo sajo dan indak ado kontrol pribadi ateh suatu artikel tatantu; dek itu lah, satiok tulisan nan Sanak sumbangan dapek disuntiang tanpa ampun dek siapo sajo jo dapek disabaran sasuai kabutuahan komunitas.
  • Jan sumbangan karajo nan malangga hak cipta ataupun karajo nan ado lisensinyo nan indak kompatibel jo GFDL.
 
OrangePillar.svg Wikipedia mamiliki aturan tingkah laku
  • Hormatilah sasamo pangguno Wikipedia, walaupun Sanak indak basipakek jo inyo. Balakulah nan sopan.
  • Jan manyarang pribadi ataupun manyabarakan pandapek pribadi.
  • Tatoklah bakapalo dingin walaupun panyuntiangan mamaneh. Hindari parang suntiangan dengan caro mangikuik'an aturan tigo kali pangambalian.
  • Balakulah jujur, salalu anggap pangguno lain balaku elok dan jujur pulo. Tanamkan sifek tabukak dan sambuiklah salalu pangguno nan lain.
 
RedPillar.svg Jan tababani dek aturan!
  • Wikipedia indak mampunyoi aturan dasar nan lain salain limo tonggak nan diuraikan di siko.
  • Jan ragu manyuntiang, mamindahan jo mangubah artikel. Kasanangan untuak manyuntiang saharusnyo manjadi tujuan utamo sanak ado di Wikipedia.Sanak indak paralu cameh untuak harus sempurna dalam manyuntiang.
  • Jan takuik sanak mungkin malakukan kasalahan dan malah mangacauan Wikipedia. Satiok versi suntiangan tadahulu akan tetap ado, jadi Sanak indak paralu cameh Sanak indak sangajo marusak Wikipedia atau maapuih suatu isi. Sadoalahnyo dapek dibaliakkan. Tapi ingek, sadoalah nan Sanak tulis di siko akan tasimpan lamo.T

Catatan[suntiang | suntiang sumber]

Halaman ko mamuek prinsip-prinsip dasar WIkipedia. Prinsip-prinsip dasar ko alah ado sabalun halaman ko dibuek. Kadang disabuik bahwa saluruah kabijakan atau banyak dari kabijakan-kabijakan diambiak atau dikambangan dari halaman ko, namun banyak lo kabijakan nan mandahului tanggal dibueknyo halaman ko. Sadoalah kabijakan Wikipedia alah, harus, dan akan dibuek jo didasari pado dasar utamo Limo Tonggak Wikipedia ko.

Templat:Kabijakan jo pedoman Wikipedia