Sijarah Ilmu

Wikipedia Minangkabau - Lubuak aka tapian ilimu

Sijarah ilmu adolah kajian tantang sijarah pangambangan ilmu jo pangatahuan ilmiah, tamasuak ilmu alam jo ilmu sosial (sijarah seni jo humaniora disabuik jo sajarah filologi). Dari abaik ka-18 sampai akhir abaik ka-20, sijarah sains, khususnyo sains fisika jo biologi, acok disajikan dalam narasi progresif nan teori nan bana manggantikan kayakinan nan salah.[1] Interpretasi sijarah nan labiah baru, sarupo jo Thomas Kuhn, manggambarkan sijarah sains dalam istilah nan labiah banuansa, sarupo paradigma-paradigma nan saliang balawan atau sistem konseptual dalam matriks nan labiah laweh nan marujuak ka tema intelektual, budaya, ekonomi jo politik di lua sains.[2]

Ilmu adolah sakumpulan pangatahuan empiris, teoretis, jo praktis tantang dunia alam, nan diasiekan dek para ilmuwan nan manakankan pandidikan, pangamatan, jo prediksi fenomena di dunia nyato. Historiografi dari sains, sabaliaknyo, acok bana marujuak kapado metode historis dari sijarah intelektual jo sijarah sosial. Tapi, kato scientist dalam bahaso Inggirih masih baru --partamo kali diciptakan dek William Whewell pado abaik ka-19. Pado maso nan labiah dulu, urang nan manyalidiki alam manyabuik diri sabagai filsuf alam.

Samantaro investigasi empiris dari dunia alam alah digariskan sajak Era Klasik (sabagai contoh, dek Thales, Aristoteles, jo lain-lain), jo metode ilmiah alah digunoan sajak Abad Pertengahan (sabagai conto, dek Ibn al-Haytham, jo Roger Bacon), muncuanyo sains modern kadang-kadang ditalusuri baliak ka periode modern awal, salamo maso nan dikenal sabagai Revolusi Ilmiah nan tajadi pado abaik 16 jo 17 di Eropa. Matode imiah dianggap baitu mandasar pado sains modern sahinggo babarapo urang maraso panyidikikan-panalitian alam sabalunnyo sabagai pra-ilmiah.[3] Sacaro tradisional, sijarawan sains nan mangartian sains cukuik laweh untuak mancakup panyalidikan-panyalidikan nan bakcando itu.[4]

Budaya Awal[suntiang | suntiang sumber]

Di zaman prasejarah, saran jo pangatahuan dipasambahkan dari generasi ka generasi dalam bantuak tradisi lisan. Sabagai contoh, domestikasi jagung untuak patanian nan alah baumua sakitar 9.000 taun nan lalu di selatan Meksiko, sabalun sistem panulisan.[5][6][7] Sarupo itu pulo, buktinyo arkeologi manunjuakan kamajuan ilmu astronomi di masyarakaik nan pra-buta-huruf.[8][9]

Pangambangan panulisan mambuek pangatawuan untuak dapek disimpan jo dikomunikasikan lintas generasi jo katetapan nan labiah gadang. Digabuangkan jo pangambangan patanian, nan mambuek makanan tabanyak, manjadi mamungkinkan untuak paradaban awal untuak bakambang, dek karano labiah banyak wakatu nan dapek dibuang untuak karajo-karajo lain salain untuak iduik.

Banyak paradaban kuno nan mangumpuakan informasi astronomi sacaro sistematis malalui pangamatan nan sederhana. Walaupun inyo indak punyo pangatahuan tantang struktur fisik sabananyo dari planet jo bintang, banyak panjalehan teoretis nan diajuan. Fakta-fakta dasar fisiologi manusia dikenal babarapo tampek, dan alkimia dilakuan di babarapo paradaban.[10][11] Pangamatan nan cukuik tentang flora jo fauna makrobiota juo lah dilakukan.

Ilmu di Timur Kuno[suntiang | suntiang sumber]

Papan tanah liat Mesopotamia, tahun 492 SM. Tulisan memungkinkan pencatatan informasi astronomi.

Sajak awal di Sumeria (kini Irak) sakitar 3.500 SM, urang Mesopotamia mulai mancubo untuak mancatat babarapo pangamatan dunia jo data numerik. Tapi, pangamatan jo pangukurannyo indak samo doh jo hukum ilmiah. Contoh konkrit Teorema Pythagoras ditamukan, pado awal abaik 18 SM: Papan huruf-paku Mesopotamia, Plimpton 322 mancatat jumlah tripel Pythagoras (3,4,5) (5,12,13), nan tajadi pado taun 1900 SM, mungkin ribuan tahun sabalun Pythagoras.[1] Tapi rumusan abstrak teorema Pythagoras indak pado maso itu.[12]

Dalam astronomi Babilonia, catatan gerakan bintang, planet, jo bulan talatak di babarapo ribu papan tanah liat nan dibuek dek ahli-ahli tulih, Bahkan kini, periode astronomi nan diidentifikasi dek para ilmuwan Mesopotamia masih banyak dipakai dalam kalender Barat sarupo taun matoari jo bulan lunar. Manggunokan data iko, inyo mangambang metode aritmatika untuak manantuakan panjang parubahan siang sapanjang taun jo untuak mamprediksi kadatangan jo hilangnyo bulan jo planet-planet jo kadatangan herhana matohari jo Bulan. Hanyo babarapo namo astronom nan dikatahui, sarupo Kidinnu, saurang astronom jo ahli matematika dari Dinasti Chaldean. Nilai Kiddinu untuak taun suria dipakai untuak kalender maso kini. Astronomi Babilonia adolah "pintak nan partamo jo tabantuak untuak manunjuak deskripsi proses matematis dari fenomena astronomi". Manuruik sijarawan A. Aaboe, "sado varietas astronomi ilmiah, di dunia Hellenistik, di India, di Islam, jo di Barat - jikok indak barado barupo usaha salapeh dalam ilmu exact - bagantuang pado astronomi Babilonia jo caro nan fundamental jo pasti".[13]

Mesir kuno mampagunokan kemajuan nan signifikan dalam astronomi, matematika, jo ubek.[14] Pangambangan geometri adolah hasia dari pangambangan dari pangukuran tanah nan paralu untuak manjago tata letak jo kepemilikan lahan patanian, nan acok kanai banjir taunan dek sungai Nil. Sagitigo siku 3-4-5 jo aturan praktis lainnyo digunokan untuak mambuek struktur bujua-sangka, jo arsitektur pos jo palang Mesir. Mesir juo marupoan pusek panalitian alkimia untuak kabanyakan lembah sungai Mediterania.

Papirus Edwin Smith adolah ciek diantaro dokumen medis patamo nan sampai kini masih ado, jo mungkin sabuah dokumen patamo nan mancubo untuak manggambari jo mamanghia otak: iko dianggap sabagai awal dari ilmu saraf moderen. Namun, jikok pangobatan Mesir punyo babarapo praktik nan efektif, itu artinyo bukan indak ado praktik nan indak efektif dan kadang-kadang marusak. Sijarawan kasehatan picayo baso farmakologi Mesir kuno, misalnya, banyak nan indak efektif.[15] Tapi, urang Mesir kuno manggunokan komponen-komponen barikuik untuak mangubek panyakik: pemeriksaan, diagnosis, pangobatan, jo prognosis, nan manampakan paralelisasi nan kuaek jo dasar metode empiris sains dan manuruik G. E. R. Lloyd[16] mamainkan peran nan sangaik pantiang dalam mangambangannyo. Papirus Ebers (sakitar 1550 SM) juo mampunyoi bukti empirisme tradisional.

Ilmu di Timur Kuno[suntiang | suntiang sumber]

The School of Athens oleh Raphael.

Dalam paninggalan Kuno Klasik, pajajian tantang caro dunia bakarajo tajadi dalam panyalidikan nan ditunjuakan untuak tujuan praktis sarupo mambuek kalender nan dapek digunokan atau manantukan baa caro mancegakkan bamacam-macam panyakik dan dalam investigasi abstrak nan disabuik filosofi alam. Urang-urang kuno nan dianggap sabagai ilmuwan partamo mungkin manganggap dirinyo sabagai filsuf alam, sabagai praktisi dari profesi nan lah pandai (sabagai contoh, dokter), atau sabagai pangikuik tradisi ugamo (sabagai conto, tabib kuil).

Para filsuf Yunani awal, nan dikenal sabagai pra-Sokrates,[17] maagiah jawaban alternatif ateh patanyoan-patanyoan nan ditamukan dalam mitos-mitos di daerah sakitar inyo: "Bagaimana Kosmos nan taratur tampek di mano kito iduik tabantuak?".[18] Filsuf pra-Sokrates, Thales (640-546 SM), nan diagiah gala "bapak sains", adolah nan partamo mandalilkan panjalasan non-supranatural untuak fenomena alam, misalnyo, tanah nan mangapuang di ateh aia jo bahwa gempo bumi disababkan dek agitasi dari aia nan di atehnyo tanah mengapuang, bukan dek dewa Poseidon.[19] Murid Thales, Pythagoras dari Samos, managakan sekolah Pythagorean, nan mangarajoan investigasi matematika untuak kapantiangan unyo sajo, jo adolah nan partamo madalilkan kalau Bumi babantuak bulek.[20] Leucippus (abik ka-5 SM) mangenalkan Atomisme, teori nan manjalehan kalau sado materi tabuek dari unit-unit nan indak tapisahkan jo kekal nan disebuik atom. IIko dikembangkan baliak dek muridnyo Democritus.

Salanjuiknyo, Plato jo Aristoteles manghasiakan diskusi sistematis nan partamo tantang filsafat alam, nan banyak manantuakan panjalasan salajengnyo tantang alam. Pangambangan dari penalaran deduktif marupokan suatu hal nan sangaik penting jo baguno untuak panyalidikan ilmiah di masa nan ka tibo. Plato mandirikan Akademi Platonis pado 387 SM, jo motto "Biakan urang nan indak paham jo geometri masuak ka siko", dan tanyato manghasiakan banyak filsuf terkenal. Plato, Aristoteles, mamasuakkan Empirisme jo gagasan baso kabanaran universal dapek diturunkan malalui observasi jo induksi, sahinggo mananamkan dasar untuak metode ilmiah.[21] Aristoteles juo manghasiakan banyak tulisan biologis nan empiris sacaro alami, nan mamusatkan perhatian pado penyebab biologis jo keragaman iduik. Inyo maobservasi alam nan indak dapek dihitung-hitung, tarutamo kabiasaan jo atribut tanaman jo binatang di dunia sakitarnyo, manyabuik labiah dari 540 spesies binatang, jo mambedah saindaknyo 50. Tulisan Aristoteles banyak mangaruhi para sarjana Islam jo Eropa nan salanjuiknyo, walaupun inyo akhirnya digantian dek Revolusi Ilmiah.

Warisan pantiang periode iko tamasuk kamajuan substansial dalam pangatahuan faktual, tarutamo dalam anatomi, zoologi, botani, mineralogi, geografi, matematika jo astronomi; kasadaran akan pantingnyo pamasalahan ilmiah tatantu, khususnyo nan bakaitan jo masalah parubahan jo panyababnyo, jo pangakuan tahadok pantiangnyo panarapan metodologi matematika untuak fenomena alam jo dalam malakukan panalitian empiris.[22] Pado zaman Helenistik para palajar acok manggunoan prinsip-prinsip nan dikambangkan dalam pamikiran sabalunnyo di Yunani: Panerapan matematika jo panalitian empiris nan disangajo, dalam panyalidikan ilmiahnyo.[23] Dek itu, tampak jaleh garis pangaruah nan indak taputuih dari Yunani kuno jo filsuf Helenistik kuno, sampai ka para filsuf Muslim abaik patengahan jo ilmuwan Islam, sampai ka Eropa Renaisans jo Abad Pencerahan, sampai ka sains sekuler pado maso modern. Baiak alasan atau panyalidikan indak bamulo dari Yunani Kuno, tapi metode Sokrates bamulo dari sinan, basamoan jo ide tentang Bentuak, kamajuan gadang dalam geometri, logika, jo ilmu-ilmu alam. Manuruik Benjamin Farrington, mantan Profesor Klasik di Universitas Swansea:

"Manusia alah menimbang salamo ribuan tahun sabelum Archimedes mangarajoan hukum kaseimbangan, inyo pasti alah mampunyoi pangatahuan praktis jo intuisi dari prinsip-prinsip nan talibaik. Apo nan Archimedes karajoan adolah mamilah implikasi teoretis dari pangatahuan praktis iko jo manyajikannyo dalam sabuah badan pangatahuan sabagai sabuah sistem koheren sacaro logis."

sakali lai:

"Sabana tacangang kito basuwo diri kito di ambang ilmu modern. Indak pulo doh patuiknyo baso jo babarapo trik tarjamahan, ekstraksi tasabuik alah mambari udara modernitas. Jauah dari itu. Bedanyo kata dari tulisan iko jo gaya tulisannyo adolah sumber dari pabendaharaan kato kito surang jo gaya nan alah diturunkan."[24]

Skema mekanisme Antikythera (150-100 SM).

Astronom Aristarchus dari Samos adolah urang partamo nan dikatahui mangusuakan model heliosentris dari tata surya, sadangkan ahli geografi Eratosthenes sacaro akurat mangituang kaliliang Bumi. Hipparchus (sakitar 190 - 120 SM) mamproduksi katalog bintang sistematis nan pertamo. Herophilos (335-280 SM) adolah urang partamo nan mandasarkan kasimpulannyo pado pambedahan tubuah manusia jo manjalehkan manggambarkan sistem saraf. Galen (taun 129 - sakitar 200 M) malakukan banyak operasi nan barani—tamasuk operasi utak jo mato—nan indak dicubokan lai salamo hampia duo ribu taun.

Matematikawan Euclid mananamkan dasar-dasar ketekatan matematika jo mamasuakkan konsep definisi, aksioma, teorema jo bukti; masih dipakai sampai kini dalam Elemen-nyo, dianggap sabagai buku nan paliang bapangaruah nan pernah ditulis.[25] Archimedes, dianggap sabagai salah satu matematikawan tagadang dari sadonyo maso,[26] diakui lewat panggunoan metode panghabisan untuak manantukan laweh parabola jo jumlah nan tabateh, jo mambari perkiraan nan sangaik akurat dari Pi.[27] Inyo juo dikana dalam fisika untuak mananamkan dasar hidrostatik, statik, jo panjalehan prinsip tuas.

Bentuk oktahedral dari sebuah berlian.

Rujuakan[suntiang | suntiang sumber]

  1. ↑ Golinski, Jan (2001). Making Natural Knowledge: Constructivism and the History of Science (edisi ke-reprint). University of Chicago Press. p. 2. ISBN 9780226302324. "Saat [sejarah sains] dimulai, selaman abad ke-18, sains dipraktikan oleh ilmuwan (atau "filsuf alam") dengan ketertarikan dalam memvalidasi dan mempertahankan usaha mereka.a Mereka menulis sejarah-sejarah yang mana ... sains pada masa itu dilakukan sebagai hasil dari akumulasi progresif dari pengetahuan manusia, yang merupakan bagian terintegrasi dari perkembangan moral dan budaya." 
  2. ↑ Kuhn, T., 1962, "The Structure of Scientific Revolutions", University of Chicago Press, hal. 137
  3. ↑ Hendrix, Scott E. (2011). "Natural Philosophy or Science in Premodern Epistemic Regimes? The Case of the Astrology of Albert the Great and Galileo Galilei". Teorie vědy / Theory of Science. 33 (1): 111–132. Diakses tanggal 1 Desember 2023. 
  4. ↑ "Untuk tujuan kita, sains dapat didefinisikan sebagai urutan pengetahuan dari fenomena alam dan hubungan antara mereka." William C. Dampier-Whetham, "Science", dalam Encyclopedia Britannica, edisi ke-11. (New York: Encyclopedia Britannica, Inc, 1911); "Sains terdiri dari, pertama, pemahaman yang runtun dan sistematis, deskripsi dan / atau penjelasan dari fenomena alam dan, kedua, [matematika dan logika] alat yang diperlukan untuk usaha tersebut". Marshall Clagett, Greek Science in Antiquity (New York: Collier Books, 1955); "Sains adalah penjelasan sistematis dari fenomena yang dirasakan atau fenomena imajiner, atau didasarkan pada penjelasan seperti itu. Matematika menemukan tempatnya dalam sains hanya sebagai salah satu bahasa simbolis di mana penjelasan ilmiah dapat diekspresikan." David Pingree, "Hellenophilia versus the History of Science," Isis 83, 559 (1982); Pat Munday, entry "History of Science," New Dictionary of the History of Ideas (Charles Scribner's Sons, 2005).
  5. ↑ Francesca Bray (1984), Science and Civilisation in China VI.2 Agriculture pp 299, 453 menulis bahwa Teosinte, 'bapaknya gandum' membantu sukses dan pentingnya gandum saat ditanam antara barisan-barisan 'anaknya', jagung.
  6. ↑ Matsuoka, Yoshihiro; Vigouroux, Yves; Goodman, Major M.; Sanchez G., Jesus; Buckler, Edward; Doebley, John (April 30, 2002). "A single domestication for maize shown by multilocus microsatellite genotyping". Proceedings of the National Academy of Sciences. 99 (9): 6080–6084. Bibcode:2002PNAS...99.6080M. doi:10.1073/pnas.052125199. PMC 122905 alt=Dapat diakses gratis. PMID 11983901. 
  7. ↑ Sean B. Carroll (May 24, 2010),"Tracking the Ancestry of Corn Back 9,000 Years" New York Times .
  8. ↑ Hoskin, Michael (2001). Tombs, Temples and their Orientations: a New Perspective on Mediterranean Prehistory. Bognor Regis, UK: Ocarina Books. ISBN 0-9540867-1-6 
  9. ↑ Ruggles, Clive (1999). Astronomy in Prehistoric Britain and Ireland. New Haven: Yale University Press. ISBN 0-300-07814-5 
  10. ↑ Lihat, misalnya Joseph Needham (1974, 1976, 1980, 1983) dan rekan penulis-nya, Science and Civilisation in China, V, Cambridge University Press, khususnya:
  11. ↑ "Homer, Odyssey, Book 4, line 219". www.perseus.tufts.edu. Diakses tanggal 2023-12-01. 
  12. ↑ Paul Hoffman, The man who loved only numbers: the story of Paul Erdös and the search for mathematical truth, (New York: Hyperion), 1998, hal.187. ISBN 0-7868-6362-5
  13. ↑ A. Aaboe (May 2, 1974). "Scientific Astronomy in Antiquity". Philosophical Transactions of the Royal Society. 276 (1257): 21–42. Bibcode:1974RSPTA.276...21A. doi:10.1098/rsta.1974.0007. JSTOR 74272. 
  14. ↑ Homer (1998). The Odyssey. Translated by Walter Shewring. Oxford University Press. p. 40. ISBN 0-19-283375-8. http://books.google.com/?id=rcjeZ-yxr5MC&printsec=frontcover#v=onepage&q&f=false. "Di Mesir, lebih dari daratan lainnya, bumi yang dermawan mengeluarkan obat-obatan yang melimpah, menyehatkan dan yang merusak di sisi lain; dan setiap orang di sana adalah dokter; bagian lain dunia tidak memiliki kemampuan tersebut, mereka semua adalah keluarga dari Paeon." 
  15. ↑ "Microsoft Word - Prosiding-2001.doc" (PDF). Diarsipkan dari versi asli (PDF) tanggal 2008-04-07. Diakses tanggal 1 Desember 2023. 
  16. ↑ Lloyd, G.E.R. "The development of empirical research", dalam bukunya Magic, Reason and Experience: Studies in the Origin and Development of Greek Science.
  17. ↑ Sambursky 1974, pp. 3,37 disebut pra-Socrates transisi dari mitos ke logos
  18. ↑ F.M. Cornford, Principium Sapientiae: The Origins of Thought Filosofis Yunani, (Gloucester, Mass, Peter Smith, 1971), hlm. 159.
  19. ↑ Arieti, James A. Philosophy in the ancient world: an introduction, hal. 45 . Rowman & Littlefield, 2005. 386 halaman. ISBN 978-0-7425-3329-5.
  20. ↑ Dicks, D.R. (1970). Early Greek Astronomy to Aristotle. Ithaca, N.Y.: Cornell University Press. pp. 72–198. ISBN 978-0-8014-0561-7. https://archive.org/details/earlygreekastron0000dick. 
  21. ↑ O'Leary, De Lacy (1949). How Greek Science Passed to the Arabs. London: Routledge & Kegan Paul Ltd.. ISBN 0-7100-1903-3. https://archive.org/details/howgreeksciencep0000olea. 
  22. ↑ G. E. R. Lloyd, Early Greek Science: Thales to Aristotle, (New York: W. W. Norton, 1970), pp. 144-6.
  23. ↑ Lloyd (1973), p. 177.
  24. ↑ Greek Science, banyak edisi, seperti terbitan dari Penguin Books. Hak cipta pada tahun 1944, 1949, 1953, 1961, 1963. Kutipan pertama di atas berasal dari Bagian 1, Bab 1, kutipan yang kedua, dari Bagian 2, Bab 4.
  25. ↑ Boyer (1991). "Euclid of Alexandria". pp. 119. "Elements dari Euclid bukan hanya satu-satunya karya matematika awal dari Yunani yang sampai kepada kita, tetapi buku panduan yang paling berpengaruh sepanjang waktu. [...] Cetakan pertama dari Elements muncul di Venice tahun 1482, salah satu buku matematika pertama yang diatur dalam tipe; telah diperkirakan sejak saat itu setidaknya ribuan edisi telah diterbitkan, dan sudah pasti tidak ada karya matematika yang memiliki pengaruh yang sebanding dengan Elements-nya Euclid." 
  26. ↑ Calinger, Ronald (1999). A Contextual History of Mathematics. Prentice-Hall. pp. 150. ISBN 0-02-318285-7. https://archive.org/details/contextualhistor0000cali. "Setelah Euclid, penulis dari buku panduan definitif, datang Archimedes dari Syracuse (sekitar 287-212 SM.), matematikawan yang paling orisinil dan mendalam dari era kuno" 
  27. ↑ O'Connor, J.J. and Robertson, E.F. (1996). "A history of calculus". University of St Andrews. Diarsipkan dari versi asli tanggal 2007-07-15. Diakses tanggal 3 Desember 2023. 
Diambiak dari "https://min.wikipedia.org/w/index.php?title=Sijarah_Ilmu&oldid=3146208"