Saadoe'ddin Djambek
 | |
| Biografi | |
|---|---|
| Lahia | 24 Maret 1911  Bukittinggi |
| Kamatian | 22 Nopember 1977 (66 tahun (id) terjemahkan) |
| Kalompok etnis | Urang Minangkabau |
| Almamater | Institut Teknologi Bandung |
| Kaluarga | |
| Abak | Muhammad Djamil Djambek |
Saadoe'ddin Djambek gala Datuak Sampono Radjo (lahia di Bukittinggi, Hindia Belanda, 24 Maret 1911 – maningga di Jakarta, 22 November 1977 pado umua 66 taun - ) adolah saurang ulama, guru, jo tokoh ilmu astronomi Indonesia. Inyo dikenal sabagai ahli dalam bidang hisab jo rukyat. Saadoe'ddin banyak manulih buku nan manuangkan pamikirannyo dan acok dipakai sabagai rujukan untuak lembaga jo umat Muslim Indonesia.[1][2]
Riwayaik[suntiang | suntiang sumber]
Karir[suntiang | suntiang sumber]
Saadoe'ddin Djambek iolah anak dari Syekh Muhammad Djamil Djambek, saurang ulama Kaum Muda Minangkabau dan ahli ilmu falak jo hisab. Kaahlian ayahnyo itu bawarih ka Saadoe'din. Saadoe'ddin Djambek mandapek pandidikan formal patamo di Hollandsch-Inlandsche School (HIS) hinggo taun 1924. Salain itu inyo masuak sikolah pandidikan guru, iyolah Hollandsche Indische Kweekschool (HIK) dan tamat pado taun 1927, lalu pindah ka Hollands Inlandsche Kweekschool (HKS) di Bandung, di mana inyo berhasil mandapek ijazah pado taun 1930. Inyo nan tatarik jo ilmu falak mulai baraja ilmu hisab pada tahun 1929 jo mangkaji karya-karya Syekh Tahir Jalaluddin, ulama ahli falak tanamo di Minangkabau hinggo Malaya. Tulisan Tahir Jalaluddin itu mambuek kesan mandalam bana bagi Saadoe'din dalam mangambangan ilmu falaknyo.[3]
Sasudah tamek kaji dan pendidikan formalnyo, Saadoe'ddin bakarajo sabagai guru Gouvernements Schakelschool di Perbaungan, Palembang dari taun 1930 hinggo 1934. Sasudah menjalani karir di Palembang, inyo mamohon untuak dipindahtugaskan ka Batavia sakaligus untuak dapek malanjuikan pendidikan tinggi. Di Batavia Saadoe'ddin bakarajo sabagai guru Gouvernement HIS nomor 1 salamo sataun. Pado taun 1935 inyo diagiah kasampatan untuk malanjuikan pendidikan di Indische Hoofdakte (program diploma pendidikan) di Bandung sampai mandapek ijazah pado taun 1937. Pada taun itu pulo inyo mandapek ijazah bahaso Jerman jo bahaso Parancih.[4]
Untuak mandalaman kaji hisab dan falaknyo, inyo ikuik kursus Legere Akte Ilmu Pasti di Yogyakarta pada tahun 1941-1942 lalu disambuangnyo kuliah ilmu pasti alam dan astronomi pada FIPIA (Fakultas Ilmu Pasti dan Ilmu Alam, kini Institut Teknologi Bandung) di Bandung pada tahun 1954-1955. Keahliannya di bidang ilmu pasti dan ilmu falak dikembangkannya melalui tugas yang dilaksanakannya di beberapa tempat. Pado taun 1955-1956 Saadoe'ddin manjadi lektor kepala untuak mata kuliah ilmu pasti di PTPG (Pagawai Pendidikan Guru) di Batusangkar, Sumatera Barat. Sasudah itu, inyo manjadi dosen tidak tetap di IAIN Sunan Kalijaga Yogyakarta (1959-1961), dan punyo murid nan mangkaji ilmu falak, Abdur Rachim jo Wahyu Widiana.[3][4]
Dari tampek bakarajo, inyo mangasah ilmu hisab dan falaknyo. Saadoe'ddin mangembangkan sistem baru untuak pamikiran hisab dengan mangenalkan teori Spherial Trigonometry (segitiga bola). Manuruiknyo, teori ko sasuai untuak manjawek hambatan dialog ilmu hisab jo astronomi modern sahinggo hasilnyo labiah akurat.[5]
Kaahliannyo dalam bidang sains pasti jo ilmu falak dikambangannyo malalui tugas nan dialami di babarapo tampek. Salain itu, Pado taun 1969-1973, Saadoe'ddin dipiliah sabagai ketua Majelis Pendidikan dan Pengajaran pado Pimpinan Pusat Muhammadiyah. Pado taun 1973, inyo dipiliah sabagai ketua Badan Hisab jo Rukyat jo anggota ahli hisab jo rukyat sadonyo Indonesia.[1][4]
Pamikiran[suntiang | suntiang sumber]
Di bidang arah kiblat, Saadoe'ddin mamadukan pamikiran ahli hisab dan astronomi. Pamikiran hisab tarutamo dipangaruhi oleh Tahir Jalaluddin, sadang pamikiran astronomi inyo dapek dari hasil baraja ka profesor di ITB sarupo J. Hins, The Pik Sin, dan tarutamo G.B. van Albada dari Observatorium Bosscha. Katiko manjabat Kapalo Badan Hisab dan Rukyat, inyo malakukan panalitian latak Ka'bah sacaro astronomis dan pangambangan hisab rukyat di Makkah. Hasil hituangannyo iolah baso Ka'bah talatak di 21°20' LU dan 40°41' BT, lalu direvisi jadi 21°25' LU dan 39°50' BT. Titik astronomis itu hinggo kini dipakai sabagai patokan untuak manetapkan arah kiblat di Indonesia.[3]
Untuak wakatu masuk salat, Saadoe'ddin manetapkan badasarkan posisi matoari sacaro pakai hituangan astronomis muncuanyo. Tabiknyo fajar (awal wakatu salat subuah) dipakiroan katiko matoari 20° di bawah ufuk. Wakatu masuak zuhur iolah katiko saat kulminasi atau meridian pass matoari. Salat asar masuak katiko panjang bayang duo kali panjang bendanyo. Pakaro zuhur jo asar diterapkan sacaro universal oleh inyo untuak manghitung salat di kutub sakaligus, dek matoari di kutub indak salalu pas di tangah. Bilo matoari tabanam untuak salat magrib iolah katiko matoari tabanam sampai saukuran jari-jari piriangan matoari dalam hitungan astronomi, sadang akhia maghrib (hilangnyo mega merah matoari) dihituang 18° di bawah ufuk.[3]
Saadoe'ddin mambuek teori itjima' dan ufuk mar'i untuak manantukan awa bulan kamariah. Dianggapnyo masuak bulan baru katiko ado ijtima' saat hilal (horizon) sudah barado di ufuk mar'i (visible horizon). Ufuk mar'i nan dimaksud adolah bateh pandang mato mancaliak ufuk. Posisi bulan nan sah adolah posisi pinggiran hilal pado ufuk mar'i. Inyo mambuek revisi ka koreksi parallaks terhadap hasil hituangan ijtima' dan ufuk, sarato koreksi karandahan ufuk, refraksi bulan jo semi diameter bulan. Teori hisab bulan kamariah iko, manuruik Mustadjib, marupokan teori hisab modern dan acok dipakai untuak manantuan hisab bulan.[3]
Kamatian[suntiang | suntiang sumber]
Inyo maningga di Jakarta pado tanggal 22 November 1977 pado umua 66 tahun di Jakarta. Makamyo dakek jo Hasby Ash-Shiddieqy.
Karya[suntiang | suntiang sumber]
- Almanak Djamilijah (1953)
- Waktu dan Djadwal: pendjelasan populer mengenai perdjalanan bumi, bulan dan matahari (1953)
- Pendidikan Keagamaan: buku pemimpin bagi mendidik anak-anak jang belum dewasa (antara 1955 dan 1957)
- Arah qiblat dan tjara menghitungnja dengan djalan ilmu ukur segi tiga bola (antara 1956 dan 1958)
- Mensjukuri Ni'mat (1965)
- Menghisab Awal Waktu Shalat (1967)
- Perbandingan Tarich; memuat djadwal-djadwal untuk memindahkan penanggalan tarich Masehi kepada penanggalan tarich Hidjriah dan tarich Djawa, serta sebaliknja (1968)
- Pendidikan Agama di Sekolah Pendidikan Guru (1970)
- Berbagai Masalah Falaq dan Perkembangannya di Indonesia (1976, disampaikan pada Pekan Orientasi Ulama/Khatib Seluruh Indonesia, 6-12 Desember 1976, Jakarta)
- Pedoman Tehnik Rukyat (1984)
- Pedoman Waktu Shalat Sepanjang Masa
- Sholat dan Puasa di Daerah Kutub
- Hisab Awal Bulan
Rujuakan[suntiang | suntiang sumber]
- ↑ a b "Profil Saadoe'ddin Djambek" Hisab Rukyat Center, 29 Juli 2013. Diakses 14 Januari 2024.
- ↑ "Di Balik Kisah Jadwal Imsakiyah" Kompas.com, 19 Juli 2013. Diakses 14 Januari 2024.
- ↑ a b c d e Susiknan Azhari, "Saadoe'ddin Djambek dan Pemikirannya tentang Hisab", Al-Jami'ah, Nomor 61/1998. https://doi.org/10.14421/ajis.1998.3661.159-180
- ↑ a b c "Sa’adoeddin Djambek sang Datuak Sampono Radjo", https://rukyatulhilal.org/?p=173 diakses tanggal 14 Januari 2024.
- ↑ "Mengenal Saadoe'ddin Djambek, Ulama dan Tokoh Ilmu Falak Indonesia asal Minangkabau", https://www.kompas.tv/cerita-ramadan/281641/mengenal-saadoe-ddin-djambek-ulama-dan-tokoh-ilmu-falak-indonesia-asal-minangkabau?page=all diakses tanggal 14 Januari 2024.