Pulau Bengkalis

Bengkalis
Geografi
Lokasi	Asia Tenggara
Koordinat	1°28′ LS 102°7′ BT
Laweh	6.890,6 km² km2
Pamarintahan
Nagara	Indonesia
Demografi
Panduduak	460.000 jiwa

Pulau Bengkalis adolah sabuah pulau di Provinsi Riau, marupokan pulau utamo pulo dari Kabupaten Bengkalis. Dima pusaik pamarentahan daerah kabupaten Bengkalis barado. Pulau ko babatasan jo Selat Malaka di bagian Timur, Utara dan Barat, dam Selat Bengkalis pado bagian Salatannyo.

Pulau iko mamliki kontur nan rato dan sabagian gadang marupokan lahan gambut. Vegetasi sabagian gadang adolah tanaman tropis khas hutan gambut. Pohon sarupojo bakau, rotan dan karet banyak ditamui. Pantai nan mangaliliangi pulau ko marupokan pantai balumpua dan manjadi habitat salah satu hewan khas nyo iyolah ikan Tembakul (Oxudercinae). Sumber aie sabagian gadang marupokan aie "redang", iyolah aie nan bawarno kamerahan akibaik tanah gambut.

Panduduak pulau Bengkalis sabagian gadang takumpua pado Kota Bengkalis nan talatak pado bagian selatan pulau, bahadokan jo pulau sumatera dan tapisah dek selat sampik iyolah selat Bengkalis. Sabagian lainnyo tasabar marato pado pulau Bengkalis nan tadiri dari desa-desa nan sudah terkoneksi jo jalan nan cukuik baiak.

Transportasi ka pulau Bengkalis hanyo dapek dilakukan lawaik lauik. Titik tadakek jo pulau Bengkalis dari pulau Sumatera adolah Kota Sei. Pakning. Kapa Ro-Ro tasadio untuak manghubuangkan kaduo Kota iko dan marupokan pintu untuak warga Bengkalis untuak bapaian ka Sumatera. Salain itu, tadapek kapa capek raguler nan manghubuangkan Bengkalis jo kota-kota lain sarupojo Dumai, Selat Panjang, Tanjung Balai Karimun, Pekanbaru jo Batam. Palayaran internasional tasadio pulo nan barupo ferry capek reguler dari Bengkalis ka Malaka. Airport balum tasadio di Pulau ko, akses liwaik udaro hanyo dapek ditampuah jo manggunokan Helikopter.

Liek Pulo[suntiang | suntiang sumber]