Olimpiade Musim Dingin 2014

Dari Wikipedia baso Minang, ensiklopedia bebas
Lompek ka: navigasi, cari
XXII Olympic Winter Games
none|160px|Olimpiade Musim Dingin 2014 Logo resmi Olimpiade Musim Dingin 2014
Slogan Hot. Cool. Yours
Jumlah nagara peserta 88
Jumlah atlet 2.800 (perkiraan)
Jumlah patandiangan 98 dalam 15 cabang
Pambukaan 7 Februari 2014
Panutuikan 23 Februari 2014
Dirasmikan dek Vladimir Putin
Janji Atlet Ruslan Zakharov
Janji Wasit Vyacheslav Vedenin
Pambaok obor Vladislav Tretiak
Irina Rodnina
Stadion Stadion Olimpiade Fisht

Olimpiade Musim Dingin 2014, sacaro rasmi banamo XXII Olympic Winter Games, atau Olimpiade Musim Dingin ka-22, adolah ajang Olimpiade Musim Dingin nan digelar di Sochi, Rusia, pado tangga 7 sampai 23 Februari 2014.[1] 98 patandiangan dalam 15 cabang olahraga musim dingin dipatandiangan dalam ajang iko. Olimpiade dan Paralimpiade Musim Dingin 2014 dikalola dek Komite Panyalanggaro Sochi 2014. Sochi tapiliah sabagai kota panyalanggaro pado tangga 4 Juli 2007 dalam patamuan Komite Olimpiade Internasional ka-119 nan digelar di Guatemala City,[2] mangalahkan duo kandidat lainnyo, yakni Salzburg, Austria, dan Pyeongchang, Korea Selatan. Olimpiade Sochi adolah Olimpiade partamo nan tasalanggaro di Rusia sajak pambubaran Uni Soviet pado tahun 1991.

Patandiangan olahraga dalam Olimpiade Musim Dingin 2014 disalanggarokan di duo tampek; patandiangan olahraga dalam ruangan digelar di kompleks Olympic Park nan dibangun di Imeretin Valley di pasisia Lauik Hitam, sadangkan patandiangan olahraga salju digelar di Krasnaya Polyana. Untuak mampasiapkan ajang iko, panyalanggaro alah malakukan sajumlah pamelokan infrastruktur, tamasuak modernisasi telekomunikasi, tanago listrik, jo transportasi. Anggaran asali untuak mandanoi Olimpiade iko adolah US$12 miliar, namun karano baragam faktor, anggaran mambangkak manjadi US$51 miliar labiah, sahinggo manjadikan Olimpiade Musim Dingin 2014 sabagai Olimpiade tamaha dalam sajarah.

Panyalanggaroan Olimpiade Musim Dingin 2014 didahului dek sajumlah kontroversi, tamasuak dugaan korupsi nan mambuek gadangnyo biayo nan dialami, sarato adonyo protes dari para pamimpin asiang dan atlet sahubuangan jo palakuan Rusia tahadok hak-hak LGBT dalam panyalanggaroan Olimpiade.

Caliak juo[suntiang | suntiang sumber]

Rujuakan[suntiang | suntiang sumber]

  1. ^ Pinsent, Matthew, "Sochi 2014: A look at Russia's Olympic city ", BBC News Online, 15 Oktober 2011. Diakses pado 15 Oktober 2011.
  2. ^ "2014 Winter Olympic Games bids". GamesBids. http://www.gamesbids.com/english/bids/2014.shtml. Diakses pado 2 April 2007. 

Pautan lua[suntiang | suntiang sumber]

Didaului jo:
Vancouver
Olimpiade Musim Dingin
Sochi

Olimpiade Musim Dingin XXII (2014)
Digantian dek:
Pyeongchang