Nelson Mandela

Wikipedia Minangkabau - Lubuak aka tapian ilimu

The time allocated for running scripts has expired.The time allocated for running scripts has expired. Kasalahan ekspresi: Operator < indak disangkoKasalahan ekspresi: Operator < indak disangko Nelson Rolihlahla Mandela (Templat:IPA-xh; lahia di Mvezo, Afrika Selatan, 18 Juli 1918 – maningga di Johannesburg, Afrika Selatan, 5 Desember 2013 pado umua 95 taun) adolah surang revolusioner anti-apartheid jo politisi Afrika Selatan nan manjabaik sabagai Presiden Afrika Selatan sajak 1994 sampai 1999. Baliau adolah urang Afrika Selatan bakulik hitam partamo nan mamacik jabatan tasabuik jo presiden partamo nan tapiliah malalui katawakilan panuah, dalam sabuah pamilu multiras. Pamarintahannyo bafokus pado pangapuihan pangaruah apartheid jo mambarantas rasisme, kamiskinan jo kasanjangan, sarato mandorong rekonsiliasi rasial. Salaku nasionalis Afrika jo sosialis demokratik, baliau manjabaik sabagai Presiden Kongres Nasional Afrika (ANC) pado 1991 sampai 1997. Salain itu, Mandela pernah manjadi Sekretaris Jenderal Gerakan Non-Blok pado 1998 sampai 1999.

Talahia dari kaluargo karajaan Thembu jo basuku Xhosa, Mandela baraja hukum di Fort Hare University jo University of Witwatersrand. Katiko manatok di Johannesburg, baliau talibat dalam politik anti-kolonial, bagabuang jo ANC, sarato manjadi anggota pandiri Liga Pemudo ANC. Salapeh kaum nasionalis Afrikaner dari Partai Nasional bakuaso taun 1948 jo manarapkan kabijakan apartheid, popularitas Mandela malejit di Defiance Campaign ANC taun 1952, tapiliah manjadi Presiden ANC Transvaal, jo mahadiri Congress of the People taun 1955. Sabagai pangacara, baliau barulang kali ditahan karano malakukan aktivitas mangasuik jo, sabagai katua ANC, diadili di Pangadilan Pangkhianatan pado 1956 sampai 1961, namun akhianyo divonis indak basalah. Meski awalnyo barunjuk raso tanpa kakarehan, baliau jo Partai Komunis Afrika Selatan mandirikan militan Umkhonto we Sizwe (MK) taun 1961 dan mamimpin kampanye pangeboman tahadok target-target pamarintahan. Pado 1962, baliau ditahan jo dituduah malakukan sabotase dan basakongkol mangguliangkan pamarintahan, dan dihukum panjaro saumua hiduik di Pangadilan Rivonia.

Mandela manjalani maso kuruangan 27 tahun, partamo di Pulau Robben, kamudian di Panjaro Pollsmoor jo Panjaro Victor Verster. Kampanye internasional nan manuntuik pambebasannyo mambuek Mandela dibebaskan taun 1990. Sasudah manjadi Presiden ANC, Mandela manabikkan otobiografi jo banegosiasi jo Presiden F.W. de Klerk untuak mahapuihan apartheid sarato malaksanokan pamilu multiras tahun 1994 nan ka dimanangan ANC. Baliau tapiliah sabagai Presiden dan mambantuak Pamarintahan Pasatuan Nasional. Salaku Presiden, baliau manyusun konstitusi baru jo mambuek Komisi Kabenaran jo Rekonsiliasi untuak manyalidiaki palanggaran-palanggaran HAM sabalunnyo. Baliau juo mampakenalkan kabijakan reformasi lahan, pambarantasan kamiskinan, jo palawehan cakupan layanan kasehatan. Di lua nagari, baliau batindak sabagai mediator antaro Libya jo Baritania Rayo dalam pangadilan pangaboman Pan Am Panabangan 103 dan mangawasi intervensi militer di Lesotho. Baliau manulak mancalonan diri untuak kaduo kalinyo jo digantikan dek wakilnyo, Thabo Mbeki. Baliau kamudian manjadi negarawan ulung nan bafokus pado aktivitas amal demi mambarantas kamiskinan jo HIV/AIDS malalui Nelson Mandela Foundation.

Kontroversial nyaris sapanjang hayatnyo, para kritikus sayok kanan manyabuik Mandela teroris jo simpatisan komunis. Meski baitu, baliau mandapek pangakuan internasional ateh sikap anti-kolonial jo anti-apartheidnyo, manarimo labiah dari 250 pangharagoan, tamasuak Hadiah Padamaian Nobel 1993, Medali Kabebasan Presiden Amerika Serikat, jo Order of Lenin dari Uni Soviet. Baliau amaik dihoromati di Afrika Selatan jo labiah dikenal jo namo klan Xhosa-nyo, Madiba atau tata. Nelson Mandela acok mandapek gala "bapak banso".

Rujuakan[suntiang | suntiang sumber]

Daftar Pustaka[suntiang | suntiang sumber]

Templat:Cite contribution
Guiloineau, Jean; Rowe, Joseph (2002). Nelson Mandela: The Early Life of Rolihlahla Mandiba. Berkeley: North Atlantic Books. pp. 9–26. ISBN 1-55643-417-0. http://books.google.com/books?id=4iKSlwuya1YC&pg=PA9&hl=en#v=onepage&q&f=false. 
Templat:Cite contribution
Templat:Cite contribution
Templat:Cite contribution
The time allocated for running scripts has expired.
Mandela, Nelson (1994). Long Walk to Freedom Volume I: 1918–1962. Little, Brown and Company. ISBN 978-0754087236. 
Mandela, Nelson (2004) [1994]. Long Walk to Freedom Volume II: 1962–1994 (large print edition). London: BBC AudioBooks and Time Warner Books Ltd. ISBN 978-0754087243. 
Templat:Cite contribution
Meredith, Martin (2010). Mandela: A Biography. New York: PublicAffairs. ISBN 978-1586488321. 
Sampson, Anthony (2011) [1999]. Mandela: The Authorised Biography. London: HarperCollins. ISBN 978-0007437979. 
Smith, David James (2010). Young Mandela. London: Weidenfeld & Nicolson. ISBN 978-0297855248. 

Pautan lua[suntiang | suntiang sumber]