Muhammad Jusuf Kalla

Muhammad Jusuf Kalla
Namo dalam bahaso usali	(id) Muhammad Jusuf Kalla
Biografi
Lahia	15 Mai 1942 (82 tahun (id) ); Watampone (id)
Wakia Presiden Indonesia	; 2004 – 2009
Wakia Presiden Indonesia
Data pribadi
Agamo	Islam
Almamater	Universitas Hasanuddin ; INSEAD (id)
Tinggi	16 m [convert: unknown unit]
Kagiatan
Karajo	Politikus jo pengusaha (id)
Partai politik	Partai Golongan Karya (id)
Kaluarga
Pasangan hiduik	Mufidah Jusuf Kalla
Anak	Solihin Kalla (id) ; Muchlisa Kalla (id) ; Muswira Kalla (id) ; Imelda Kalla (id) ; Chairani Kalla (id)
Sanak saibu/sabapak	Halim Kalla (id) jo Ramlah Kalla (en)
	Panghargaan (2021) Asia's Most Influential Indonesia (id) ; Bintang Republik Indonesia; Tatler 500 Indonesia (id) ; Grand Cordon of the Order of the Rising Sun (en) ;
Laman web	Laman resmi (id)

Drs. H. Muhammad Jusuf Kalla (lahia di Watampone, Kabupaten Bone, Sulawesi Selatan, 15 Mei 1942; umua 82 taun), atau acok ditulih Jusuf Kalla sajo atau JK, adolah mantan Wakil Presiden Indonesia nan manjabaik pado periode 2004—2009 jo 2014—2019. Pado periode patamanyo, Jusuf Kalla maju sabagai calon wakil presiden mandampingi Susilo Bambang Yudhoyono. Kaduonyo marupoan rekan dalam Kabinet Gotong Royong. Inyo barasil mamenangkan Pemilu Presiden 2004.

Partai Golongan Karya mausuang JK pado Pemilu Presiden 2009 sabagai calon presiden basamo Wiranto dari Partai Hati Nurani Rakyat sabagai calon wakil presiden. Tapi, jumlah suaro nan didapeknyo ndak sampai malebihi ambang bateh pancalonan presiden. Pasangan ko kalah dari pasangan calon Susilo Bambang Yudhoyono jo Boediono. Namun, JK maju baliak pado Pemilu Presiden 2014 sabagai calon wakil presiden. Inyo sacaro resmi dicalonkan untuak mandampingi Joko Widodo dalam deklarasi pasangan calon di Gedung Joang '45, Jakarta. Pasangan ko diusuang limo partai politik nan tagabuang dalam Koalisi Indonesia Hebat, yaitu Partai Demokrasi Indonesia Perjuangan, Partai Nasional Demokrat, Partai Kebangkitan Bangsa, Partai Hati Nurani Rakyat, dan Partai Keadilan dan Persatuan Indonesia.^[1]^[2]

Maso Awal

Jusuf Kalla lahia di Watampone, Kabupaten Bone, Sulawesi Selatan pado 15 Mei 1942 sabagai anak kaduo dari 17 basaudara. Urang gaeknyo banamo Haji Kalla jo Athirah. JK merupoan pangusaha keturunan Bugis nan mamiliki bandera usaho Kalla Group.^[3] Bisnis keluarga Kalla tu maliputi babarapo kalompok parusahaan di babagai bidang industri. Di Makassar, Jusuf Kalla acok pulo disapo jo namo Daeng Ucu.

Pangalaman organisasi kapemudaan jo kemahasiswaan Jusuf Kalla antaro lain yaitu Pelajar Islam Indonesia (PII) Cabang Sulawesi Selatan 1960–1964, Katua HMI Cabang Makassar taun 1965–1966, Katua Dewan Mahasiswa Universitas Hasanuddin (UNHAS) 1965–1966, sarato Katua Presidium Kesatuan Aksi Mahasiswa Indonesia (KAMI) taun 1967–1969. Sabalum tajun ka politik, Jusuf Kalla pernah manjabaik sabagai Katua Kamar Dagang dan Industri Daerah (Kadinda) Sulawesi Selatan. Hinggo kini, inyo masih manjabaik sabagai Katua Ikatan Keluarga Alumni (IKA) di alamamaternyo Universitas Hasanuddin, usai tapiliah baliak pado musyawarah September 2006.

Pangusaho

Taun 1968, Jusuf Kalla manjadi CEO dari NV Hadji Kalla. Di bawah kapamimpinannyo, NV Hadji Kalla bakambang dari awalnyo nan hanyo bisnis ekspor-impor, malueh ka bidang-bidang pahotelan, konstruksi, penjualan kendaraan, pakapalan, transportasi, peternakan udang, sawit, telekomunikasi, dan sabagainyo.

Karier politik

Berkas:KPN Jusuf Kalla.png

Jusuf Kalla sebagai menteri di Kabinet Persatuan Nasional.

Jusuf Kalla manjabaik sabagai menteri pado pemerintahan Abdurrahman Wahid (Presiden RI nan kaampek), tapi kanai barantian karano tuduhan KKN. Sasudah tu, Jusuf Kalla kambali diangkek sabagai Menteri Koordinator Kesejahteraan Rakyat di bawah pemerintahan Megawati Soekarnoputri (Presiden RI nan kalimo). Namun, Jusuf Kalla maunduran diri sabagai menteri pemerintahan Mengawati karano maju sabagai calon wakil presiden, mandampingi calon presiden Susilo Bambang Yudhoyono.

Karano kamenangan nan diraih Susilo Bambang Yudhoyono sabagai Presiden RI kaanam, sacaro otomatis Jusuf Kalla tantu barasil maraih jabatan sabagai Wakil Presiden RI nan kasapuluah. Kaduonyo manjadi Presiden jo Wakil Presiden RI nam patamo kali dipiliah sacaro langsuang dek rakyaik.

Berkas:Golkar Jusuf Kalla, official vice-presidential portrait (2004).jpg

Jusuf Kalla sebagai Ketua Umum Partai Golongan Karya, 2004.

Inyo manjabaik sabagai katua umum Golongan Karya manggantian Akbar Tanjung sajak Desember 2004 sampai 9 Oktober 2009. Pado 10 Januari 2007, inyo malantiak 185 panguruih Badan Penelitian dan Pengembangan Kekaryaan Partai Golkar di Kantor DPP Partai Golongan Karya di Slipi, Jakarta Barat, nan mayoritas anggotanyo marupoan candikiawan, pejabat publik, pagawai negeri sipil, pansiunan jenderal, jo pangamaik politik nan kabanyakan bagelar master, doktor, jo profesor.

Malalui Munas Palang Merah Indonesia XIX, Jusuf Kalla tapiliah manjadi katua umum Palang Merah Indonesia periode 2009–2014. Jusuf Kalla tapiliah baliak untuak kaduo kalinyo sabagai katua umum Palang Merah Indonesia pado Munas XX untuak periode 2014–2019.^[4] Salain tu, inyo tapiliah pulo sabagai katua umum Panguruih Pusat Dewan Masjid Indonesia periode 2012–2017 dalam Muktamar VI DMI di Jakarta.

Kahidupan pribadi

Jusuf Kalla manikah pado 27 Agustus 1967 jo Hj. Mufidah Miad Saad. Kaduonyo dikaruniai saorang putra jo ampeeek putri, sarato sapuluah urang cucu.

Pado 10 September 2011, Jusuf Kalla mandapek anugerah doktor Honoris Causa dari Universitas Hasanuddin, Makassar.^[5]

Pandidikan

SMA Negeri 3 Makassar
Fakultas Ekonomi Universitas Hasanuddin (1967)
The European Institute of Business Administration, Prancis (1977)

Referensi

↑ "Kompas: Jusuf Kalla Siap Mendampingi Jokowi". Diarsipkan dari versi asli tanggal 2014-05-21. Diakses tanggal 2014-05-20.
↑ "Kompas: Cawapres Saya Jusuf Kalla". Diarsipkan dari versi asli tanggal 2014-05-21. Diakses tanggal 2014-05-20.
↑ "Tokoh Indonesia: Biografi Jusuf Kalla". Diarsipkan dari versi asli tanggal 2011-04-04. Diakses tanggal 2022-09-11.
↑ JK Terpilih Lagi Jadi Ketum PMI
↑ Harian Surya edisi Minggu, 11 September 2011. Kallanomics Antar JK Raih Gelar Doktor HC.

Pautan lua

Wikimedia Commons mampunyoi
media nan bahubuangan jo
Jusuf Kalla

(Indonesia) Profile at TokohIndonesia Archived 2006-11-21 di Archive.is
(Indonesia) Situs web resmi

Jabatan politik
Didaului jo: Boediono	Wakil Presiden Indonesia 20 Oktober 2014 - kini	Digantian dek: Petahana
Didaului jo: Hamzah Haz	Wakil Presiden Indonesia 20 Oktober 2004 - 20 Oktober 2009	Digantian dek: Boediono
Didaului jo: Basri Hasanuddin	Mantari Koordinator Kasajahtaraan Rakyat 2001 – 2004	Digantian dek: Abdul Malik Fadjar
Didaului jo: Rahardi Ramelan	Mantari Parindustrian dan Pardagangan 1999 – 2000	Digantian dek: Luhut Binsar Panjaitan
Jabatan politik partai
Didaului jo: Akbar Tandjung	Ketua Umum Partai Golkar Desember 2004 – 9 Oktober 2009	Digantian dek: Aburizal Bakrie
Jabatan pamarintahan
Didaului jo: Rahardi Ramelan	Kapalo Bulog 1999 – 2000	Digantian dek: Rizal Ramli

Templat:Kabinet Indonesia Bersatu

Artikel batopik biografi tokoh Indonesia ko baru babantuak rancangan. Sanak dapek mambantu Wikipedia mangambangannyo.

[1] "Kompas: Jusuf Kalla Siap Mendampingi Jokowi". Diarsipkan dari versi asli tanggal 2014-05-21. Diakses tanggal 2014-05-20.

[2] "Kompas: Cawapres Saya Jusuf Kalla". Diarsipkan dari versi asli tanggal 2014-05-21. Diakses tanggal 2014-05-20.

[3] "Tokoh Indonesia: Biografi Jusuf Kalla". Diarsipkan dari versi asli tanggal 2011-04-04. Diakses tanggal 2022-09-11.

[4] JK Terpilih Lagi Jadi Ketum PMI

[5] Harian Surya edisi Minggu, 11 September 2011. Kallanomics Antar JK Raih Gelar Doktor HC.

[1]

[2]

[3]

[4]

[5]