Malamang
Malamang iolah sabuah kagiatan mamasak makanan nan banamo lamang. Kagiatan masak ko dilakukan jo caro mambaka sabatang batuang kiro-kiro sapanjang sameter nan sabalumnyo alah diisi jo bareh puliuk, santan kerambie, jo daun palampihnyo di dalam. Kagiatan sarupo iko biaso juo disabuik sabagai adaik istiadaik nan lah lamo bakambang di tangah-tangah masyarakaik di daerah Minangkabau. Manuruik Tambo (Kisah nan mariwayaikan asa usua nan tajadi di Minangkabau), kabiasoan iko di angkek dek salah saurang ulama nan mambawo ajaran agamo islam ka sado panduduak. Ulama ikolah nan banamo Syekh Burhanuddin. Bilo inyo singgah ka rumah-rumah untuak manyampaian ajaran agamo islam, para tuan rumah manyuguihan agak banyak makanan. Mulai dari sinan lah Syekh Burhanuddin tasalek sabuah pamasalahan nan manyangkuik kehalalan makanan nan disuguahan dek panduduak ka inyo. Syekh Burhanuddin pun manyaranan untuak mancari bambu dan mangalehnyo jo daun pisang mudo. Satalah itu baru bareh katan putiah jo santan dimasuakan ka batuang nan dialeh jo daun pisang mudo nan satalah itu dilatakkan dan dipanggang atau di baka di ateh tungku kayu bakar. Samanjak itulah kabiasoan nan disarankan dek Syekh Burhanuddin manjadi sabuah kabutuhan di satiok acara nan bakambang di Minangkabau nan indak dapek ditinggaan samanjak dari dulu sampai kini.[1]
Caliak pulo
[suntiang | suntiang sumber]Rujuakan
[suntiang | suntiang sumber]- ↑ Ervina, Eda (8 Mei 2014). "Malamang". Cerita tradisi malamang dari Sumatera Barat. merdeka.com. Diakses tanggal `21 desember 2018.
