Keju

Dari Wikipedia baso Minang, ensiklopedia bebas
Lompek ka: navigasi, cari
Babagai macam keju di pasa swalayan.

Keju adolah sabuah makanan nan dihasilan dangan mamisahan zat-zat padek dalam susu malalui proses pamakekan atau koagulasi. Proses pamakekan iko dilakuan dangan bantuan amo atau enzim tatantu nan disabuik rennet. Hasil dari proses tasabuik nantinyo ka dikeringan, diproses, jo diawetan dangan berbagai macam caro. Dari sabuah susu dapek diproduksi babagai variasi produk keju. Produak-produak keju bavariasi ditentuan dari tipe susu, caro pamakekan, temperatur, caro pamotongan, pangaringan, pemanasan, juo proses pamatangan keju jo pengawetan. Umumnyo hewan nan dijadian sumber aia susu adolah sapi. Aia susu unto, kambiang, domba, kudo, atau kabau digunoan pado babarapo tipe keju lokal.

Makanan iko dikenal di saluruah dunio, namun didugo partamo kali dikenal di ranah sakitar Timur Tangah. Meskipun indak dapek dipastian bilo keju partamo kali ditemukan, manuruik lagenda keju partamo kali ditemuan secara indak sangajo oleh saurang pangembara dari Arab.

Keju memiliki ampia kasado kandungan nutrisi pado susu, sarupo jo protein, vitamin, mineral, kalsium, jo fosfor namun juo lamak jo kolesterol nan dapek manyababan masalah kesehatan apobilo dikonsumsi sacaro balebiahan, Basaran kandungan lamak dalam keju tergantung pado jinih susu nan digunoan. Keju nan dibuek dangan susu murni atau nan lah ditambah dangan krim mamiliki kandungan lamak, kolesteroll, jo kalori nan tinggi. Keju sangat bamanfaat karano kayo ka protein, terutama bagi anak ketek, karano mareka mambutuahan protein nan labiah sambuah dibandingkan urang dewasa.