Johannes Gutenberg

Dari Wikipedia baso Minang, ensiklopedia bebas
Lompek ka: navigasi, cari
Johannes Gutenberg
Gutenberg.jpg
Lahia Johannes Gensfleisch zur Laden zum Gutenberg
k. 1398
Mainz, Jerman
Wafaik 3 Pebruari 1468 (umua 70)
Mainz, Jerman
Sabab kamatian Sarangan jantuang
Kabangsaan Jerman
Karajo Pangukia (engrafer) , panamu, jo panabik
Agamo Katolik
Pasangan iduik Else Wirick zum Gutenburg

Johannes Gensfleisch zur Laden zum Gutenberg (k. 1395 – 3 Pebruari 1468) marupoan surang tukang basi, tukang ameh, tukang cetak, jo panabik Jerman nan mampakanakan pacetakan ka Eropa. Panamuannyo, yaitu alaik cetak mekanik nan uruihnyo dapek diatua, alah manyabaukan bamulonyo Repolusi Pacetakan dan sacaro laweh dipandang sabagai kajadian nan tapantiang dalam abaik moderen.[1] Panamuan ko lai baparan basa dalam pakambangan Renainsans, Repormasi, Abaik Pancarahan, jo Repolusi Ilimu Pangatauan, sarato malatakan dasar material untuak tagaknyo ekonomi moderen nan basandikan pangatauan jo malawehnyo pangatauan ka urang rami.[2]

Gutenberg adolah urang Eropa patamo nan manggunoan alaik cetak nan uruihnyo dapek diatua ko labiah-kurang di taun 1439. Inyo manamuan ide-ide untuak proses cetak-mancetak masal, manggunoan tinta minyak, mamampaaikan kayu untuak uruih masin pacetakan nan bantuaknyo sarupo bana jo sekrup panakan pado alaik patanian di maso ko. Gabungan hal-hal kasadonyo tu manjadi suatu sistem praktis nan mamungkinkan produksi masal buku-buku cetak nan aragonyo ekonomis bagi pancetak jo pambaconyo. Panamuan metode cetak Gutenberg marupoan pangambangan nan sangaik basa tahadok panulihan manuskrip jo tangan, yaitu metode produksi buku nan wakatu iko diadoan di Eropa. Teknologi cetak Gutenberg kudian manyebar dangan capek di Eropa sadonyo dan sudah tu juo di saluruah dunia.

Asia karajonyo nan utamo, yaitu Injil Gutenberg (juo dikana jo namo Injil 42 Barih), alah diakui mamiliaki estetik jo kwalitas nan tinggi.

Pautan lua[suntiang | sunting sumber]

Rujuakan[suntiang | sunting sumber]

  1. ^ Caliak People of the Millenium untuak pambahasan tantang pangakuan laweh ko. Taun 1999, A&E Network manampekan Gutenberg no. 1 on their "People of the Millennium" countdown. Taun 1997, majalah Time–Life mamiliah Gutenberg's invention as the most important of the second millennium; hal sarupo bakecekan ampek jurnalis takamuko AS pado resume taun 1998 mareka 1,000 Years, 1,000 People: Ranking The Men and Women Who Shaped The Millennium. Johann Gutenberg entry of the Catholic Encyclopedia manyabuikan panamuannyo lah maagiah pangaruah budayo nan indak tatandiangi sajak masuak era Kristen.
  2. ^ McLuhan 1962; Eisenstein 1980; Febvre & Martin 1997; Man 2002