E.S. Ito
| E.S. Ito | |
|---|---|
| Lahia | Eddri Sumitra 21 Juni 1981  Kamang Hilir, Kabupaten Agam, Sumatera Barat |
| Namo pena | E.S. Ito |
| Karajo | Panulih, Panulih Skenario |
| Kabangsaan | Indonesia |
| Suku bangso | Minangkabau |
| Kawarganegaraan | Indonesia |
| Alma mater | Universitas Indonesia |
| Aliran sastra | Neonaturalisme |
| Tema | Sejarah |
| Karya takenal | Rahasia Meede, Republik Twitter |
| Pangharagoan | Nominator Khatulistiwa Literary Award (KLA) 2008 kategori fiksi |
Eddri Sumitra atau E.S. Ito (lahia di Jorong Bancah, Nagari Kamang Hilir, Kecamatan Kamang Magek, Kabupaten Agam, Sumatera Barat, 21 Juni 1981; umua 43 taun) adolah novelis jo panulih skenario film Indonesia.
Kahidupan
[suntiang | suntiang sumber]E.S. Ito lahia dari pasangan Suardi Katik Batuah (ayah) nan bakarajo sabagai padagang jo Rosnadiar (ibu). Namo penanyo, E.S. Ito, adolah gabungan dari singkatan namo aslinyo, Eddri Sumitra jo Ito, namo keteknyo di rumah. Baliau adolah putra Minangkabau, asa Nagari Kamang Hilir, Kabupaten Agam, dakek Kota Bukittinggi.[1]
Maso ketek baliau dihabihkan basamo sanak sudaro di Kamang Hilia sampai tamaik SMP. Sasudah itu, baliau malanjuikan sikola di SMA Taruna Nusantara, Magelang. Kamudian baliau kuliah di Fakultas Ekonomi Universitas Indonesia namun indak wisuda. Di kampus nan tu, baliau pernah manjabat sabagai Ketua Badan Perwakilan Mahasiswa FEUI.
Salapeh maso-maso di kampus, baliau mulai fokus manulis. Novel-novelnyo banyak balatar sajarah jo paburuan harato karun. Novel partamo baliau Negara Kelima tabik pado taun 2005, jo novel kaduonyo, Rahasia Meede tabik pado taun 2007.
Salain novelis, Ito manulih skenario film pulo. Baliau sudah manulih skenario film Republik Twitter nan diproduksi pado taun 2011.[2] Baliau tacataik pulo sabagai pendiri rumah produksi Rupakata Cinema. Salain Republik Twitter nan tu, Ito manulis pulo babarapo skenario film fiksi, drama, tamasuak dokumenter. Kini ko baliau tangah manyiapkan babarapo film tamasuak karajosamo jo filmmaker asa Malaysia, Dain Said[3].
Karya
[suntiang | suntiang sumber]- Negara Kelima | Buku (2005)
- Rahasia Meede | Buku (2007)
- Republik Twitter | Film (2011)
- Robohnya Surau Kami | Film (pra-produksi)
- Joy in Bancah | Film Dokumenter
Referensi
[suntiang | suntiang sumber]- ↑ Profil E.S. Ito di Goodreads
- ↑ www.indonesianfilmcenter.com Profil ES Ito
- ↑ Rupakata Cinema (25 Mei 2014). "KERJASAMA PENERBITAN ANTARA APPARAT DAN PRODUKSI INDONESIA RUPAKATA CINEMA". Diarsipkan dari versi asli tanggal 4 March 2016. Diakses tanggal 28 July 2015.