Lompat ke isi

Chairil Anwar

Wikipedia Minangkabau - Lubuak aka tapian ilimu

Chairil Anwar (lahia di Medan, Sumatera Utara, 26 Juli 1922 – maningga di Jakarta, 28 April 1949 pado umua 26 taun), dijuluki sabagai "Si Binatang Jalang" (dari karyanyo nan bajudul Aku), Inyo adolah panyair takamuko di Indonesia. Chairil Anwar dipakiroan alah manulis 96 karyo, tamasuk 70 puisi. Basamo Asrul Sani jo Rivai Apin, Chairil Anwar dinobaik-an dek H.B. Jassin sabagai palopor Angkatan '45 sakaligus panuliah puisi moderen Indonesia

Chairil lahia dan tumbuah di di Medan, sabalun pindah ka Batavia (kini Jakarta) samo ibunyo pado taun 1940, Chairil Anwar alah mulai manggaluti dunia sastra. Satalah mampublikasi-an puisi partamonyo pado taun 1942, Chairil taruih manuliah. Puisinyo manyangkuik babagai tema, mulai dari pambarontakan, kamatian, sifaik individualisme jo eksistensialisme hinggo teman multi interpretasi.

Kahidupan

[suntiang | suntiang sumber]

Chairil Anwar dilahia-an di Medan, Sumatera Utara pado 26 Juli 1922. Inyo marupakan anak surang dari pasangan Toeloes jo Saleha, kaduonyo barasal dari kabupaten Lima Puluh Kota, Sumatera Barat. Jabatan tarakhir ayahnyo adolah sabagai bupati Inderagiri, Riau. Inyo masiah punyo partalian kaluargo samo Sutan Sjahrir, Perdana Menteri pertama Indonesia.[1] Sabagai anak satu satunyo, Chairil Anwar acok dimanjoan dek urang tuonyo.[2] Tatapi, Chairil, salalu basikap kareh kapalo jo indak ingin kahilangan apopun; iko marupoan dari salah satu sifaik urang tuonyo.

Chairil Anwar partamo kali marasoan pandidikan di Hollandsch-Inlandsche School (HIS), sekolah dasar untuak urang-urang pribumi di maso panjajahan Belanda. Satalah itu, Chairil manaruih-an pandidikannyo di Meer Uitgebreid Lager Onderwijs (MULO). Di umua nan alah mancapai 18 tahun, Chairil indak basakolah lai doh.[3] Chairil mangatoan bahwa samanjak usia 15 tahun, inyo alah batekad manjadi seniman.[4]

Pado usia 19 tahun, satalah urang tuanyo bacarai, Chairil basamo ibunyo pindah ka Batavia (kini Jakarta) dimano inyo mulai bakanalan samo dunia sastra; walaupun alah bacarai, ayahnyo tatap manafkahinyo jo ibunyo.[5] Maskipun indak dapek manyalasai-an sakolahnyo, inyo tatap dapek manguasoi bahaso asiang takah Inggris, Belanda, dan Jerman.[6] Di wakatu luanyo, Chairil acok mambaco karya pangarang Internasional tanamo takah  : Rainer Maria Rilke, W.H. Auden, Archibald MacLeish, Hendrik Marsman, J. Slaurhoff, dan Edgar du Perron. Panulis-panulis itu sangaik mampangaruhi tulisannyo sacaro indak langsuang samo tatanan kesusasteraan Indonesia.

Panyair

[suntiang | suntiang sumber]

Namo Chairil mulai populer di dunia sastra satalah mamuek tulisannyo di Majalah Nisan pado taun 1942, samanjak itu inyo baru barusia 20 tahun.[6] Hampia sadoalah puisi-puisi nan di tulih marujuak pado kematian.[6] Tatapi samanjak mangiriman puisinyo partamo kali di majalah Pandji Pusaauntuak dimuek, banyak urang nan manolak karano dianggap individualistis samo indak sasuai jo samangaik Kawasan Kemakmuran Basamo Asia Timur Raya. Katiko Chairil Anwar manjadi panyiar radio Japang di Jakarta, Chairil kanai hati pado Sri Ayati, tatapi hinggo akhir hayatnyo, inyo indak barani untuak manguangkapkan isi hatinyo. Puisi-puisinyo baredar di ateh karateh murah salamo maso panduduak-an Japang di Indonesia dan karyanyo sempak indak diterbit-an hinggo taun 1945.[6][7] Satalah itu, inyo mamutuihan untuak manikah samo Hapsah Wiraredja pado6 Agustus 1946. Inyo baduo dikaruniai saurang padusi nan banamo Evawani Alissa, tatapi Chairil Anwar barcarai pado akhir taun 1948.

Makam Chairil di TPU Karet Bivak

Samangaik puitis Chairil indak pernah diimbangi samo fisiknyo. Sabalun ma-injak umua 27 tahun, sajumlah panyakiak basarang ka tubuahnyo. Chairil Anwar maningga pado usio nan mudo di rumah sakiak CBZ (sekarang Rumah Sakit Dr. Cipto Mangunkusumo), Jakarta pado tanggal 28 April 1949; panyabab dari kamatiannyo indak diketahui sacaro pasti, manuruik pakiroan dari dokter inyo maningga karano panyakiak TBC. Inyo dimakamkan sahari kamudian di Taman Pemakaman Umum Karet Bivak, Jakarta.[8] Makamnyo diziarahi dek ribuan pangagumnyo dari maso ka maso. Hari kamatiannyo diingek dek Indonesia sabagai Hari Chairil Anwar. Tukang kritik sastra Indonesia dari Belanda, A. Teeuw mangacek-an kalau "Chairil telah manyadari akan mati dalam usianyo nan mudo, takah tema nan ado di puisinyo nan bajudul Jang Terampas Dan Jang Putus".[3]

Salamo hiduiknyo, Chairil alah manuliah kiro-kiro 94 karya, tamasuk 70 puisi; kabanyakan indak dipublikasikan hinggo kamatiannyo. Puisi tarakhir Chairil bajudul Cemara Menderai Sampai Jauh, dituliah pado taun 1949,[4] sadangkan karyanyo nan paliang terkenal bajudul Aku jo Krawang Bekasi.[5] Sadoalah tulisannyo nan rancak jo sali, modifikasi, atau nan diduga diciplak, dikompilasi dalam tigo buku nan diterbitkan dek Pustaka Rakyat. Kompilasi partamo bajudul Deru Campur Debu (1949), kamudian disusul dek Kerikil Tajam Yang Terampas dan Yang Putus (1949), sarato Tiga Menguak Takdir (1950, kumpulan puisi samo Asrul Sani jo Rivai Apin).

Karya tulis nan publikasian

[suntiang | suntiang sumber]

Tarjamahan ka bahaso asiang

[suntiang | suntiang sumber]

Karyo-karyo Chairil banyak nan ditamahkan ka dalam bahaso asiang, antaro lain bahasa Inggris, Jerman, bahasa Rusia jo Spanyol. Terjemahan karya-karyanya diantaronyo adolah :

  • "Sharp gravel, Indonesian poems", dek Donna M. Dickinson (Berkeley, California, 1960)
  • "Cuatro poemas indonesios [por] Amir Hamzah, Chairil Anwar, Walujati" (Madrid: Palma de Mallorca, 1962)
  • Chairil Anwar: Selected Poems dek Burton Raffel dan Nurdin Salam (New York, New Directions, 1963)
  • "Only Dust: Three Modern Indonesian Poets", dek Ulli Beier (Port Moresby [New Guinea]: Papua Pocket Poets, 1969)
  • The Complete Poetry and Prose of Chairil Anwar, disuntiang jo ditajamahkan dek Burton Raffel (Albany, State University of New York Press, 1970)
  • The Complete Poems of Chairil Anwar, disuntiang jo ditajamahkan dek Liaw Yock Fang, sagetek bantuan dari H. B. Jassin (Singapore: University Education Press, 1974)
  • Feuer und Asche: sämtliche Gedichte, Indonesisch/Deutsch dek Walter Karwath (Wina: Octopus Verlag, 1978)
  • The Voice of the Night: Complete Poetry and Prose of Chairil Anwar, dek Burton Raffel (Athens, Ohio: Ohio University, Center for International Studies, 1993)
  • Dalam Kumpulan "Poeti Indonezii" (Penyair-Penyair Indonesia). Tarjemahan dek S. Semovolos. Moscow: Inostrannaya Literatura, 1959, № 4, hlm. 3-5; 1960, № 2, hlm. 39-42.
  • Dalam Kumpulan "Golosa Tryoh Tisyach Ostrovov" (Suara Tiga Ribu Pulau). Terjemahan dek Sergei Severtsev. Moscow, 1963, hlm. 19-38.
  • Dalam kumpulan "Pokoryat Vishinu" (Bertakhta di Atasnya). Puisi panyair Malaysia jo Indonesia dalam tarjemahan Victor Pogadaev. Moscow: Klyuch-C, 2009, hlm. 87-89.

Karya-karya tantang Chairil Anwar

[suntiang | suntiang sumber]
Berkas:ChairilAnwarBust.jpg
Patung dada Chairil Anwar di Jakarta.
  • Chairil Anwar: mamparingati hari 28 April 1949, diadoan dek Bagian Kesenian Djawatan Kebudajaan, Kementerian Pendidikan, Pengadjaran jo Kebudajaan (Djakarta, 1953)
  • Boen S. Oemarjati, "Chairil Anwar: The Poet and his Language" (Den Haag: Martinus Nijhoff, 1972).
  • Abdul Kadir Bakar, "Sagetek pambicaroan tantang Chairil Anwar" (Ujung Pandang: Lambago Panalitian dan Pangambangan Ilmu-Ilmu Sastra, Fakultas Sastra, Universitas Hasanuddin, 1974)
  • S.U.S. Nababan, "A Linguistic Analysis of the Poetry of Amir Hamzah and Chairil Anwar" (New York, 1976)
  • Arief Budiman, "Chairil Anwar: Sebuah Pertemuan" (Jakarta: Pustaka Jaya, 1976)
  • Robin Anne Ross, Some Prominent Themes in the Poetry of Chairil Anwar, Auckland, 1976
  • H.B. Jassin, "Chairil Anwar, palopor Angkatan '45, disaratoi kumpulan hasil tulisannyo", (Jakarta: Gunuang Agung, 1983)
  • Husain Junus, "Gaya bahasa Chairil Anwar" (Manado: Universitas Sam Ratulangi, 1984)
  • Rachmat Djoko Pradopo, "Bahasa puisi penyair utama sastra Indonesia modern" (Jakarta: Pusek Pambinaan dan Pangambangan Bahasa, Departemen Pendidikan dan Kebudayaan, 1985)
  • Sjumandjaya, "Aku: berdasarkan perjalanan hidup dan karya penyair Chairil Anwar (Jakarta: Grafitipers, 1987)
  • Pamusuk Eneste, "Mengenal Chairil Anwar" (Jakarta: Obor, 1995)
  • Zaenal Hakim, "Edisi kritis puisi Chairil Anwar" (Jakarta: Dian Rakyat, 1996)
  • Drama Pengadilan Sastra Chairil Anwar karya Eko Tunas, sutradara Joshua Igho, di Gedung Kesenian Kota Tegal (2006).

Rujukan

[suntiang | suntiang sumber]
  1. ↑ "Artikel tentang Chairil Anwar".  Awalnya dimuat di Suara Merdeka.
  2. ↑ Budiman, Arief (2007). Chairil Anwar: Sebuah Pertemuan. Tegal: Wacana Bangsa. ISBN 978-979-23-9918-9. 
  3. ↑ a b Teeuw, A. (1980). Sastra Baru Indonesia. 1. Ende: Nusa Indah. OCLC 222168801. http://books.google.com/?id=YVSjHAAACAAJ. 
  4. ↑ a b Balfas, Muhammad (1976). "Modern Indonesian Literature in Brief". di dalam Brakel, L. F.. Handbuch der Orientalistik. 1. Leiden, Netherlands: E. J. Brill. ISBN 978-90-04-04331-2. http://books.google.com/?id=NbY3AAAAIAAJ. 
  5. ↑ a b Djamin, Nasjah; LaJoubert, Monique (1972). "Les Derniers Moments de Chairil Anwar". Achipel (dalam bahasa Perancis). 4 (4): 49–73. doi:10.3406/arch.1972.1012. Diakses tanggal 30 September 2011. 
  6. ↑ a b c d Yampolsky, Tinuk. "Chairil Anwar: Poet of a Generation" (dalam bahasa Inggris). Diarsipkan dari versi asli tanggal 2014-03-14. Diakses tanggal 2013-07-27. 
  7. ↑ Departemen Penerangan Republik Indonesia (1953) hal.183.
  8. ↑ Yampolsky, Tinuk (15 April 2002). "Chairil Anwar: Poet of a Generation". SEAsite. Center for Southeast Asian Studies, Northern Illinois University. Diarsipkan dari versi asli tanggal 23 August 2011. Diakses tanggal 30 September 2011. 

Pranala luar

[suntiang | suntiang sumber]
Search Wikisource Ado naskah sumber nan bakaitan jo

Chairil Anwar di Wikisource

Diambiak dari "https://min.wikipedia.org/w/index.php?title=Chairil_Anwar&oldid=3142309"