Bulian
Bulian ( Erere) atau disabuik juo jo bulian atau kayu besi adolah pohon bakayu jo marupoan tanaman khas Kalimantan[1]. Bulian adolah jinih pohon asli Indonesia (indigenous tree species) nan digolongan ka dalam suku Lauraceae. Bulian mampunyoi tinggi pohon umumnyp 30-35 m, diameter satinggi dadao (dbh) 60-120 cm. Batang luruih berbanir, tajuak babantuak bulek jo rapek sarato punyo cabang nan mandata.[2]
Alah ditamuan 4 (ampek) varietas bulian di Kalimantan Barat na dibedaan badasaran kagunoan jo rono yaitu: [3]
- bulian tando jo warna batang coklaik kamerahan
- bulian lilin jo batang coklaik galok
- bulian tambagjo rono batang kakuningan
- bulian kapua jo rono batang coklaik mudo
Bulian tando, lilin jo tambago biasanyo digunoan untuak pondasi bangunan jo antai. Bulian kapua marupoan satu-satunyo bulian nan mudah dibalah sainggo cocok untuak bahan baku atok sirap.[3]
Ciri-ciri[suntiang | suntiang sumber]
Bulian tamasuak jinih pohon gadang nan tingginyo dapek mancapai 50 m jo diameter sampai 120 cm. Pohon iko tumbuah pado dataran randah sampai katinggian 400 m.[4] Bulian umumnyo tumbuah di katinggian 5 – 400 m jo dimuko lauik jo di daerah data sampai nan miriang, tumbuah sacaro tapisah-pisah jo bakalompok di dalam hutan campuran namun sangaik jarang batamu di habitat rawa-rawa. Kayu bulian tahan taadok parubahan suhu, kelembaban, jo pangaruah aia lauik sahinggo sipek kayunyo sangaik barek jo kareh.[5] agak tapisah dari pepohonan lain juo dikaliliangi dek jalur jalan malingka dari kayu ulin.[6] Di bagian bawah pohon ulin tadapek bagian nan balubang.[6] Bulian mampunyio karagaman morfolong nan sangaik banyak badasaran sipek-sipek vegetatif jo generatif (tarutamo pado bantuak jo ukuran buah jo bijinyo).[7] Adonyo panemuan Sangkima, Taman Nasional Kutai pohon bulian nan paliang gadang mancapai tinggi bebas cabang 45 m jo diameter 225 cm.[7]
Panyabaran[suntiang | suntiang sumber]
Bulian tumbuah elok di hutan tropis basah, pado tanah nan indak ado taganang aia inggo katinggian 500-625 m dpl, di daerah data dakek sungai jo anak-anak sungai, daerah bagelombang inggo pungguang bukik. Tanah tampek tumbuah bulian umumnyo bakasiak jo pH dan unsur hara makro (N, P, K) nan randah.[7]
Bulian adolah jinih pohon hutan nan maasian kayu banilai ekonomi tinggi, sacaro alami anyo tadapek di Sumatra bagian Timur jo Salatan, Pulau Bangka jo Belitung, Kalimantan, Kepulauan Sulu dan Pulau Palawan di Filipina.[8] Di Sumatra Selatan pohon bulian tumbuah pado tanah-tanah nan mampunyoi tekstur lempung liek bakasiak jo kasuburan tanah nan randah.[9]
Manfaik[suntiang | suntiang sumber]
Kayu bulian sangaik kuek jo batahan lamo, jo golongan kuat I jo awet I mampunyai barek jinih 1,04. Kayu bulian tahan jo sarangan rayok jo sarangga pangarek batang, tahan jo parubahan kelembaban jo suhu sarato tahan pulo taadok aia lauik. Kayu iko sangaik sulik dipaku jo digaragaji tatapi mudah dibalah.[10]
Kayu bulian sangaik kuaik jo sangaik tahan, sainggo banyak digunaoan untuak babagai keperluan, sarupo pondasi bangunan di dalam aia jo lahan basah, atok rumah (sirap), kusen jo pintu. Kayu bulian tarutamo dimanfaik an sabagai bahan bangunan, sarupo konstruksi rumah, jambatan, tonggak listrik, jo perkapalan.
Di Banjarmasin fosil kayu bulian dijadian batu cincin jo perhiasan. Salain itu, masyarakaik di daerah Sumatra jo Kalimantan mampunyoi kabudayaan mambuek rumah panggung dari kayu bulian sabagai pondasi di tapi batang aia atau rawa, karano anyo kayu bulian nan mampu batahan lamo di aia.[11]
Karentanan[suntiang | suntiang sumber]
Pamintaan kayu bulian samakin maningkek sairiang jo laju patambahan panduduak jo tingginyo pambangunan gedung jo parumahan. Kondisi iko maancam kelestarian pohon bulian, karano sumber bahan baku kayu bulian anyo diambiak dari hutan alam tanpa mamparatian kelestariannyo. Potensi kayu bulian pado awalnyo cukuik banyak jo mudah basobok di hutan, namun kini ko alah samakin manipih bahkan pado baberapo tampek alah mulai ciek-ciek jo payah ditamuan.[11]
Pemuliaan[suntiang | suntiang sumber]
Proses pemuliaan alami di hutan bakeh ditabang umumnyo kurang bajalan baiak.[12] Perkecambahan biji bulian mambutuhan wakatu cukuik lamo sakita 6-12 bulan jo persentase maasiannyo relatif randah, produksi buah tiok pohon umumnyo saketek pulo.[12] Panyabaran permudaan alam secaro umum condong mangalompok.[12] Bulian tumbuah di dataran rendah primer jo hutan sekunder sampai jo katinggian 500m.[12] Biji bulian labiah acok ditiriskan baik tanah, tanah liat berpasir ke tanah liat, kadang-kadang batu kapua.[12] Hal iko umumnyo ditamuan di sapanjang sungai jo bukik-bukik nan badakek an. Hal iko mambutuhan rato-rato curah hujan tahunan 2500–4000 mm.[12]
Konservasi[suntiang | suntiang sumber]
Pembibitan jo pananaman, baiak insitu maupun ex-situ alah dilakukan di babarapo daerah di Kalimantan dan Sumatra.[13]
Salain itu, di luar Pulau Sumatra jo Kalimantan jinih pohon bulian juo tadapek di Arboretum Pusat Penelitian jo Pangembangan Hutan jo Konservasi Alam Bogor jo di Hutan Penelitian Sumberweringin Bondowoso, Jawa Timur.[13]
Referensi[suntiang | suntiang sumber]
- ↑ Situs viva Borneo: Saatnya Melindungi Kayu Ulin Archived 2010-06-12 di Wayback Machine. diakses 13 Mei 2010
- ↑ Yusliansyah, Effendi, E., Ngatiman, Sukanda, Ernayati dan Wahyuni, T. 2004. Status litbang ulin (Eusideroxylon zwagery Teisjm & Binn). Balai Penelitian dan Pengembangan Kehutanan Kalimantan. Samarinda.
- ↑ a b Heyne, K. 1987. Tumbuhan berguna Indonesia II. Badan Litbang Kehutanan, Depertemen Kehutanan, Jakarta.
- ↑ Kompas 19 juli 2009: Kayu Ulin Jadi Objek Wisata di Palangkaraya diakses 13 Mei 2010
- ↑ Taman Bacaan Bastari Samarinda:Mengenal Kayu Ulin Archived 2010-06-12 di Wayback Machine. diakses 13 Mei 2010
- ↑ a b Situs Kidnesia: Pohon Ulin Archived 2020-10-21 di Wayback Machine. diakses 13 Mei 2010
- ↑ a b c Sidiyasa, K., Atmoko, T., Ma'ruf, A. dan Mukhlisi. 2013. Keragaman morfologi, ekologi, pohon induk dan konservasi ulin (Eusideroxylon zwageri Teijsm. et Binnend.) di Kalimantan. Jurnal Penelitian Hutan dan Konservasi Alam. Vol 10. No. 3: 241-254
- ↑ Sidiyasa, K. 2011. Sebaran, potensi dan pengelolaan ulin di Indonesia. Prosiding Lokakarya Nasional Status Konservasi dan Formulasi Strategi Konservasi Jenis-Jenis Pohon Yang Terancam Punah (Ulin, Eboni dan Michelia). Kerjasama Puslitbang Konservasi dan Rehabilitasi dengan ITTO PD 539/09 Rev.1 (F), Bogor.
- ↑ Nugroho, A.W. 2006. Karakteristik tanah pada sebaran ulin di Sumatra dalam mendukung konservasi. Makalah Penunjang pada Ekspose Hasil-hasil Penelitian. Konservasi dan Rehabilitasi Sumberdaya Hutan. Padang.
- ↑ Martawijaya, A., Kartasudjana, I., Mandang, Y. I., Prawira, S. A dan Kadir, K. 1989. Atlas kayu Indonesia. Badan Litbang Kehutanan Departeman Kehutanan, Jakarta.
- ↑ a b Wahjono, D dan Imanuddin, R. 2011. Sebaran, potensi dan pertumbuhan/riap ulin (Eusideroxylon zwagery Teisjm & Binn.) di hutan alam bekas tebangan di Kalimantan. Prosiding Lokakarya Nasional Status Konservasi dan Formulasi Strategi Konservasi Jenis-Jenis Pohon Yang Terancam Punah (Ulin, Eboni dan Michelia). Kerjasama Puslitbang Konservasi dan Rehabilitasi dengan ITTO PD 539/09 Rev.1 (F), Bogor.
- ↑ a b c d e f Situs Kebun Raya Enrengkang: Kayu Ulin Archived 2010-05-19 di Wayback Machine. diakses 13 Mei 2010
- ↑ a b Hakim, L., Prastyono dan Syakur, A. 2005. Eksplorasi ulin di Kalimantan untuk konservasi Exsitu. Jurnal Penelitian Hutan Tanaman. Puslitbang Hutan Tanaman, Bogor Vol.2 No.1.