Baroar Nan Sakti

Wikipedia Minangkabau - Lubuak aka tapian ilimu

Si Baroar, atau gala langkoknyo Baroar Nan Sakti, adolah rajo di nagari Mandahiling Godang. Baroar Nan Sakti adolah anak dari Batara Payuang Tuanku Nan Sakti, kaluarga Pagaruyuang nan marantau ka Mandailiang. Batara Payuang baradiak kakak jo Batara Gurga Pinayungan Tuanku Rajo Nan Sakti, pandiri kasultanan Kota Pinang. Katurunan Tuanku Nan Sakti di Mandahiliang Godang kamudian bakambang dan mambantuak fam/marga Nasution.[1]

Sumber lain mangatokan basonyo Si Baroar iolah anak bujang dari Rajo Iskandar Mudo dari Pagaruyuang. Lahianyo Si Baroar cukuik unik, dalam pajalanan manjalajahi pulau Sumatera, Iskandar Mudo batamu tu sampai bahubuangan jo urang gadih bunian dan lahialah saurang anak laki-laki. Kamudian anak laki-laki itu ditamuan dek Sutan Pulungan, rajo dari hutan bargot di Mandailiang Godang, di tangah hutan sadang baburu. Anak tu diambiak dek Sutan Pulungan nan diagiah namo Baroar. Baroar Nan Sakti diangkek manjadi rajo dek masyarakaik Mandailing Godang nan diagiah gala Sutan Diaru.

Salah surang katurunan Tuanku Rajo Nan Sakti nan banamo Anwar Nasution diagiah gala sangsako adaik Yang Dipertuang Tuanku Rajo Pinayungan Nan Sati dek katurunan rajo Pagaruyuang pado saaik acara adaik di Istano Silinduang Bulan, Sumatera Barat pado taun 2006[2].

Rujuakan[suntiang | suntiang sumber]

  1. Nasution, Mohd. Saleh (1976). Si Baroar Asal Mula Marga Nasution. Departemen Pendidikan dan Kebudayaan. 
  2. Fachrul Rasyid HF (10 Agustus 2006). "Gelar Nenek Moyang Anwar Nasution". gatra.com. 
  • Bustamam, (Tengku.) Ferry, 2003. Bunga rampai Kesultanan Asahan.