Bailau
Bailau adolah tradisi lisan nan tumbuah jo bakambang di ranah Bayang, Pesisir Selatan, Sumatera Barat.[1] Bailau iko asa katonyo dari ilau 'pantun' nan acok dilagukan dek induak-induak di sawah kutiko sadang manyabik atau batanam padi.[2] Lambek-laun bailau bakambang manjadi lagu nan dipakai untuak mamanggie rimau nan basalah.[1][2] Rimau nan basalah tu ilaukan dek urang rami karano alah basalah mamakan taranak atau urang. Rimau nan basalah tadi dipanggie jo lagu ilau nan dinyanyikan jo urang rami tarutamo induak-induak (padusi) nan alah manikah.[1]
Dalam parkambangannyo, sisomba bailau dinyanyikan katiko upacara manangkok harimau yang dilakukan dek panduduak kampuang sacaro barami-rami. Upacaro manangkok harimau dikenal jo istilah ilau rimau ‘mamanggia harimau’, ilau datuak ‘marayokan panobatan datuak’, ilau urang mati ‘manganang urang yang alah maningga’, dan ilau urang ilang ‘mamanggia sanak sudaro yang hilang’. Dari bantuak teksnyo, bailau tamasuak ragam lisan Minangkabau nan babantuak puisi yang biasonyo tadiri dari 8—10 baris dalam ciek bait. Di dalam barisnyo tadapek bunyi sisipan yang mamparindah irama nyanyian. Iramany itu taruih dinyanyian jo irama nan sadiah jo cenderung maratok. Hal ko disababkan dek urang yang manyanyiannyo mayakini kalau bailau marupokan suatu caro untuak manyampaian parasaian pandaritoan para padusi panutua tradisi lisan bailau tasabuik.[1]
Referensi
[suntiang | suntiang sumber]- ↑ a b c d Edwar Jamaris (2002). Pengantar sastra rakyat Minangkabau. Yayasan Obor Indonesia. p. 24. ISBN 9794613959, 9789794613955. https://books.google.co.id/books?id=UHIdAdjQMFAC&pg=PA26&dq=Bailau&hl=id&sa=X&ved=0CCAQuwUwAGoVChMIn4TO9KyCxwIVEY6OCh2JpQ2l#v=onepage&q=Bailau&f=false.
- ↑ a b Adriyetti Amir, Zuriati, Khairil Anwar (2006). Pemetaan sastra lisan Minangkabau. Andalas University Press. p. 174-176. https://books.google.co.id/books?id=SNhkAAAAMAAJ&q=Bailau&dq=Bailau&hl=id&sa=X&ved=0CCMQ6AEwAWoVChMIn4TO9KyCxwIVEY6OCh2JpQ2l.
