Azrul Azwar

Wikipedia Minangkabau - Lubuak aka tapian ilimu
Infobox orangAzrul Azwar
Biografi
Lahia6 Juni 1945 Edit nilai pada Wikidata
Kutacane Edit nilai pada Wikidata
Kamatian1r April 2014 Edit nilai pada Wikidata (68 tahun (id) terjemahkan)
Daerah Kusuih Ibukota Jakarta Edit nilai pada Wikidata
Panyabab kamatianKanker hati (id) Terjemahkan Edit nilai pada Wikidata
Kalompok etnisUrang Minangkabau Edit nilai pada Wikidata
AlmamaterUniversitas Indonesia
Universitas Hawaii (id) Terjemahkan Edit nilai pada Wikidata
Kagiatan
KarajoDotor Edit nilai pada Wikidata
Kaluarga
Pasangan hiduikRihna Azrul Azwar (id) Terjemahkan Edit nilai pada Wikidata
AnakAidil Nusantara (id) Terjemahkan
Ilham Samudera (id) Terjemahkan
Imam Dirgantara (id) Terjemahkan Edit nilai pada Wikidata
IMDB: nm4644414 Edit nilai pada Wikidata

Prof. Dr. dr. Azrul Azwar, M.P.H. (lahia di Kutacane, Aceh, 6 Juni 1945 – maningga di Jakarta, 1 April 2014 pado umua 68 taun) adolah saurang dokter jo ahli kasehatan masyarakat Indonesia. Inyo pernah manjabat sabagai Ketua Kwartir Nasional Gerakan Pramuka Indonesia jo Ketua STIKes Binawan (kini Universitas Binawan) Jakarta. Dalam lingkungan pamarintahan, Azrul pernah manjabat sabagai Direktur Jenderal Bina Kasehatan Masyarakat Kementerian Kasehatan RI, sadangkan pado almamaternyo, Universitas Indonesia, Azrul adolah Guru Besar Ilmu Kedokteran Komunitas dan pernah manjabat sebagai Dekan Fakultas Ilmu Keperawatan Universitas Indonesia. Inyo juo pernah manjabat sabagai Komisaris PT Kimia Farma, Tbk, sarato Komisaris Utama PT Indofarma, TbK. Salain itu juo inyo marupokan anak daerah Sumatera Barat.

Kahidupan[suntiang | suntiang sumber]

Azrul lahia dari pasangan urang Minangkabau. Inyo mancapai pendidikan sarjananyo di Fakultas Kedokteran Universitas Indonesia (1972). Sasudah tu inyo malalui ilmu kasehatan masyarakaik jo ilmu kasehatan pencegahan di universitas nan samo. Lima taun lapeh, Azrul mandapek gelar MPH dari Sekolah Kasehatan Masyarakat Universitas Hawaii. Pado taun 1991-1996, inyo mambao ilmu baliak jo mandapek gelar doktor dalam ilmu kedokteran jo hasil yudisium cum laude.[1]

Pado taun 1973 Azrul manikah jo Dr. Rihna Azrul Azwar, kawan se almamaternyo, dan dikaruniai 3 anak laki-laki, Aidil Nusantara, Ilham Samudera jo Imam Dirgantara, sarato 3 cucu, sadonyo padusi.

Kabiasoannyo dalam manulih inyo tuangkan dalam babarapo judul buku jo artikel tantang kasehatan. Salain itu, inyo juo manulih babarapo novel, antaro lain Dik Atun dan Mimi.[2] Inyo manjadi Kapalo Redaksi majalah kasehatan babarapo kali dalam pajalanannyo, sarupo di Majalah Kasehatan Masyarakat Indonesia. Salain hobi manulih, inyo juo aktif maorganisasi. Azrul pernah manjabat sabagai Ketua Umum Ikatan Dokter Indonesia (IDI),[3] Ketua Umum Perhimpunan Dokter Keluarga Indonesia (PDKI), Ketua Umum Perkumpulan Keluarga Berencana Indonesia (PKBI), Ketua Umum Ikutan Alumni Universitas Indonesia (ILUNI), Ketua Kwartir Nasional Gerakan Pramuka, sarato Ketua Umum Masyarakat Perlebahan Indonesia.

Azrul juo marupokan salah satu dokter Indonesia nan banyak terlibat dalam babagai organisasi kasehatan dunia, antaro lain manjadi konsultan World Health Organization (WHO), konsultan International Organization of Migration (IOM), Wakil Presiden Medical Association of ASEAN, Presiden World Medical Association (WMA), Presiden Confederation of Medical Association in Asia & Oceania (CMAAO), Ketua Umum Asean Scout Association for Regional Cooperation (ASARc) sarato Ketua Umum Aseans Regional Primary Health Care Cooperation (ARPAc)

Pramuka[suntiang | suntiang sumber]

Azrul Azwar, salain dikenal sabagai dokter jo profesor, dikenal juo dek kontribusinyo ka Pramuka Indonesia. Inyo manjadi kapalo Kwartir Nasional Gerakan Pramuka pado taun 2003 salamo 10 taun.[4] Azrul mampajuangkan panyusunan UU Pramuka di hadapan DPR RI sampai tawujudnyo. Pada maso kapamimpinannyo pulo dicanangkan program revitalisasi Gerakan Pramuka. Dalam paningkekan kualitas pendidikan kepramukaan sejumlah program dilanjuikan di antaronyo iolah panyampurnaan SKU dari tingkat Siaga, Penggalang, Penegak jo Pandega, tarmasuak perangkat pendukung implementasinyo sarupo panambahan bidang sarana prasarana latihan, paningkekan kualitas pembina, paningkekan kerjasama jo dukungan dari pabagai pamangku kepentingan, dan lain-lain.[5] Inyo berpartisipasi dalam pambantukan ASARC (ASEAN Scout Association for Regional Cooperation) dan manjabat sabagai kapalonyo nan patamo dari taun 2088-2012. Inyo dianugerahi penghargaan Ketua ASARC (ASARC Chairman’s Award) anumerta pado tanggal 12 November 2022.[4]

Dugaan rasuah[suntiang | suntiang sumber]

Pado bulan Februari 2013, Azrul dipareso untuak kaparluan panyalidikan dalam kasus dugaan korupsi nan manimpa Gerakan Pramuka Indonesia tantang masalah tanah di Bumi Perkemahan Cibubur.[6]

Kamatian[suntiang | suntiang sumber]

Azrul Azwar maningga pado 1 April 2014 di Rumah Sakit Cipto Mangunkusumo, Jakarta.[7] Inyo mangidap kanker hati sajak taun 2005, dan barancano akan malakukan transplantasi hati bara bulan sabalun kamatiannyo.[8] Azrul maninggakan saurang bini, jo tigo anak jo tugo cucu.

Penghargaan[suntiang | suntiang sumber]

  • Adi Jasa Utama, Ikatan Dokter Indonesia, Jakarta
  • First Class Citation Medal, Thailand Scout Organization, Bangkok
  • Silver Hawk Medal, Japan Scout Association, Tokyo
  • Tanda Kehormatan Melati, Gerakan Pramuka Indonesia, Jakarta
  • Pingat Semangat Rimba Emas, Malaysian Scout Association, Kuala Lumpur
  • Silver Lion Medal, Singapore Scout Association, Singapore
  • Top Achievement Scout Medal, Association of Top Achievement Scout, Kuala Lumpur
  • Friendship Award, Korean Scout Association, Seoul

Karya[suntiang | suntiang sumber]

Karya-karya nan ditulih Azrul Azwar di antaronyo iolah:

  • Dik Atun dan Mimi (novel), 1969
  • Pengantar Ilmu Kesehatan Lingkungan, 1986[9]
  • Kesehatan, Kini dan Esok, 1990[10]
  • Profesi kedokteran, tantangan, dan harapan: makalah terpilih Ketua Umum Pengurus Besar, Ikatan Dokter Indonesia, 1991[11]
  • Pengantar Administrasi Kesehatan, 1996[12]

Filmografi[suntiang | suntiang sumber]

  • 5 Elang (2011) - produser eksekutif

Rujuakan[suntiang | suntiang sumber]

  1. ↑ Ohiao Halawa, Liku-liku Profesi Dokter: Profil 10 Dokter Favorit Indonesia: Volume 1, 1993
  2. ↑ Majalah Horison, Asrul Azwar, Jajasan Indonesia, 1970
  3. ↑ "Kontroversi Setelah Pecat Terawan, Ini Sejarah Terbentuknya IDI",https://timesindonesia.co.id/peristiwa-daerah/403515/kontroversi-setelah-pecat-terawan-ini-sejarah-terbentuknya-idi, diakses tanggal 22 Januari 2024
  4. ↑ a b cst-pusinfo (2022-11-05). "Penghargaan ASARC Untuk Kak Azrul Azwar". Warta Pramuka (dalam bahasa Indonesia). Diakses tanggal 2024-01-22. 
  5. ↑ "Azrul Azwar (Ka Kwarnas, periode 1993 - 2013)". ENSIKLOPEDIA PRAMUKA. 2012-08-02. Diakses tanggal 2024-01-22. 
  6. ↑ Suhendi, Adi (25 Februari 2013). Guna, Anwar Sadat, ed. "Ketua Kwarnas Diperiksa Kejagung terkait Dugaan Korupsi". Tribunnews.com (dalam bahasa Indonesia). Tribunnews.com. Diakses tanggal 25 Juni 2019. 
  7. ↑ Eks Ketum IDI dan Ketua Kwarnas Pramuka Azrul Azwar Wafat, diakses tanggal 22 Januari 2024
  8. ↑ developer, medcom id (2014-04-02). "Azrul Azwar Sembilan Tahun Berjuang Lawan Kanker". medcom.id (dalam bahasa Indonesia). Diakses tanggal 2024-01-22. 
  9. ↑ "Pengantar ilmu kesehatan lingkongan oleh, Azrul Azwar",https://balaiyanpus.jogjaprov.go.id/opac/detail-opac?id=2780 diakses tanggal 22 Januari 2024
  10. ↑ Azwar, Azrul (1990) (dalam bahaso id). Kesehatan kini dan esok. Yayasan Penerbitan, Ikatan Dokter Indonesia. ISBN 978-979-8129-01-8. https://books.google.co.id/books/about/Kesehatan_kini_dan_esok.html?hl=id&id=3vofAAAAIAAJ&redir_esc=y. 
  11. ↑ Azwar, Azrul (1991) (dalam bahaso id). Profesi kedokteran, tantangan, dan harapan: makalah terpilih Ketua Umum Pengurus Besar, Ikatan Dokter Indonesia. Yayasan Penerbit IDI. ISBN 978-979-8129-29-2. https://books.google.co.id/books/about/Profesi_kedokteran_tantangan_dan_harapan.html?id=zhcaAAAAIAAJ&redir_esc=y. 
  12. ↑ "Pengantar Administrasi Kesehatan (Edisi 3): Azrul Azwar". Belbuk.com (dalam bahasa Indonesia). Diakses tanggal 2024-01-22. 
Diambiak dari "https://min.wikipedia.org/w/index.php?title=Azrul_Azwar&oldid=3149367"