AIDS
Acquired Immunodeficiency Syndrome atau Acquired Immune Deficiency Syndrome (disingkek AIDS) adolah gabuangan gajalo dan infeksi (atau: sindrom) nan muncua karano rusaknyo sistem katahanan tubuah manusio akibaik infeksi virus HIV;[1] atau infeksi virus-virus lain nan mirip juo menyerang spesies lainnyo (SIV, FIV, jo lain-lain).
Virusnyo iko banamo Human Immunodeficiency Virus (atau disingkek HIV) yaitu virus nan mampalamah katahanan pado tubuah manusia. urang nan takanai virus iko beko manjadi rentan terhadap infeksi oportunistik atau mudah takanai tumor. Meskipun pananganan nan alah ado dapek mampalambek laju pakambangan virus, namun panyakik iko alun batua-batua bisa disembuhkan.
HIV jo virus-virus samacamnyo umumnyo manula malalui kontak langsuang antaro lapisan kulik dalam (membran mukosa) atau aliran darah, jo cairan tubuah nan manganduang HIV, mode darah, air mani, cairan vagina, cairan preseminal, jo air susu ibu.[2][3] Panularan dapek tajadi malalui hubungan intim (vaginal, anal, ataupun oral), transfusi darah, jarum suntik nan takontaminasi, antaro ibu jo bayi salamo kahamilan, basalin, atau manyusui, sarato bantuak kontak lainnyo jo cairan-cairan tubuah tasabuik.
Para ilmuwan umumnyo bapandapek bahwa AIDS dari Afrika Sub-Sahara.[4] Kini AIDS alah manjadi wabah panyakik. AIDS dipakiroan alah manginfeksi 38,6 juta urang di seluruah dunia.[5] Pado Januari 2006, UNAIDS bakarajo samo jo WHO mampakiroan bahwa AIDS alah manyebabkan kamatian labiah dari 25 juta urang sajak patamo kali diakui pado tanggal 5 Juni 1981. Oleh karano itu, panyakik iko marupokan salah satu wabah paliang mamatikan dalam sejarah. AIDS diklaim alah manyebabkan kamatian sabanyak 2,4 hinggo 3,3 juta jiwa pado tahun 2005 sajo, jo labiah dari itu 570.000 jiwa di antaranyo adolah anak-anak. Sapatigo dari jumlah kamatian iko tajadi di Afrika Sub-Sahara, sahinggo mampalambek patumbuhan ekonomi jo manghancuakan kakuatan sumber daya manusia disinan. Parawatan antiretrovirus sasungguahnyo dapek mangurangkan tingkek kematian jo parahnyo infeksi HIV.[6]
Hukuman sosial bagi pandarito HIV/AIDS, umumnyo labiah barek bilo dibandiangan jo pandarito panyakik mamatikan lainnyo. Kadang-kadang hukuman sosial tasabuik juo turuik tatimpo kapado petugas kesehatan atau sukarelawan, nan talibaik dalam marawaik urang nan hiduik jo HIV/AIDS (ODHA).
Gejala dan Komplikasi[suntiang | suntiang sumber]
banyak gajala AIDS umumnyo indak akan tajadi pado urang-urang nan mampunyoi sistem katahanan tubuah nan elok. Kabanyakan kondisi tasabuik akibek infeksi oleh bakteri, virus, fungi jo parasit, nan biasonyo dikendalikan oleh unsur-unsur sistem katahanan tubuah nan dirusak HIV. Infeksi oportunistik umum didapekan pado pandarito AIDS.[7] HIV mampangaruhi hampia sado organ tubuah. Pandarito AIDS juo barisiko lebih gadang mandarito kanker mode sarkoma Kaposi, kanker leher rahim, jo kanker sistem kekebalan nan disabuik limfoma.
Biasonyo pandarito AIDS mampunyoi gejalo infeksi sistemik; mode demam, bakaringek (tarutamo pado malam hari), mambangkak kalenjar, kadinginan, maraso lamah, sarato panurunan barek badan.[8] [9]Infeksi oportunistik tatantu nan didarito pasien AIDS, juo tagantuang pado tingkek acoknyo tajadi infeksi tsabuik di wilayah geografis tampaik hidup pasien.
Referensi[suntiang | suntiang sumber]
- ↑ Marx, Jean L. (1982-08-13). "New Disease Baffles Medical Community". Science. 217 (4560): 618–621. doi:10.1126/science.7089584. ISSN 0036-8075.
- ↑ "Racial/Ethnic Disparities in Diagnoses of HIV/AIDS - 33 States, 2001-2004". PsycEXTRA Dataset. 2006. Diakses tanggal 2024-03-24.
- ↑ Hsu, Ling C.; Chen, Mi; Kali, Jessica; Pipkin, Sharon; Scheer, Susan; Schwarcz, Sandy (2011-02-22). "Assessing receipt of medical care and disparity among persons with HIV/AIDS in San Francisco, 2006–2007". AIDS Care. 23 (3): 383–392. doi:10.1080/09540121.2010.507740. ISSN 0954-0121.
- ↑ Gao, Feng; Bailes, Elizabeth; Robertson, David L.; Chen, Yalu; Rodenburg, Cynthia M.; Michael, Scott F.; Cummins, Larry B.; Arthur, Larry O.; Peeters, Martine; Shaw, George M.; Sharp, Paul M. (1999-02). "Origin of HIV-1 in the chimpanzee Pan troglodytes troglodytes". Nature (dalam bahasa Inggris). 397 (6718): 436–441. doi:10.1038/17130. ISSN 0028-0836.
- ↑ Kuehn, Bridget M. (2006-07-05). "UNAIDS Report: AIDS Epidemic Slowing, But Huge Challenges Remain". JAMA. 296 (1): 29. doi:10.1001/jama.296.1.29. ISSN 0098-7484.
- ↑ Palella, Frank J.; Delaney, Kathleen M.; Moorman, Anne C.; Loveless, Mark O.; Fuhrer, Jack; Satten, Glen A.; Aschman, Diane J.; Holmberg, Scott D. (1998-03-26). "Declining Morbidity and Mortality among Patients with Advanced Human Immunodeficiency Virus Infection". New England Journal of Medicine. 338 (13): 853–860. doi:10.1056/nejm199803263381301. ISSN 0028-4793.
- ↑ Holmes, Charles B.; Losina, Elena; Walensky, Rochelle P.; Yazdanpanah, Yazdan; Freedberg, Kenneth A. (2003-03). "Review of Human Immunodeficiency Virus Type 1–Related Opportunistic Infections in Sub‐Saharan Africa". Clinical Infectious Diseases. 36 (5): 652–662. doi:10.1086/367655. ISSN 1058-4838.
- ↑ Guss, David A. (1994-05). "The acquired immune deficiency syndrome: An overview for the emergency physician, part 1". The Journal of Emergency Medicine. 12 (3): 375–384. doi:10.1016/0736-4679(94)90281-x. ISSN 0736-4679.
- ↑ Guss, David A. (1994-07). "The acquired immune deficiency syndrome: an overview for the emergency physician, Part 2". The Journal of Emergency Medicine. 12 (4): 491–497. doi:10.1016/0736-4679(94)90346-8. ISSN 0736-4679.