Pangguno:Najla Anissa Fatin
Ragi[1] Kaluak Paku Kacang Balimbiang adolah ciek dari banyak ragi yang ado di rumah gadang nan marupokan rumah adaik urang minangkabau. Sarupo jo ragi-ragi nan lainnyo, ado tampek khusus satiok ragi baitu pulo jo ragi kaluak paku kacang balimbiang ko. Ragiko lataknyo di pain jo tiang[2]
.
Papatah Adaik
[suntiang | suntiang sumber]|
Kaluak paku kaca balimbiang Tampuruang lenggang lenggokan Bawo manurun ka Saruaso Tanam siriah jo gagangnyo Anak dipangku kamanakan di bimbiang Urang kampuang dipatenggangkan Tenggang nagari jan binaso Tenggang sarato jo adatnyo Ukia nak rang Saruaso Dibuek anak Balai Salasa Sonsong runuik Sungai Pagu Baitu curiang barih rang dahulu Anak bapangku kamanakan babimbiang Samo dibawo kaduonyo Arif manganduang bijak bicaro Kini basuo dalam ukia Latak di rasuak paran dalam Disalasa balai-balai Baitu tutua rang dahulu[2] |
|
Makna Ragi
[suntiang | suntiang sumber]Ragi kaluak paku kacang balimbiang punyo arati ajaran Anak Dipangku, Kamanakan dibimbiang[3] nan bamakna manuruik adat di Minangkabau, baiak kamanakan laki-laki atau kamanakan padusi saharusnyo mandapek pambinaan jo palinduangan dari mamak. Dimano, kamanakan laki-laki ko sabagai panarimo pusako batolong sako turun tamurun, sadangkan kamanakan padusi sabagai panaruih garih katurunan[4].
Referensi
[suntiang | suntiang sumber]- ↑ motif atau corak
- ↑ a b "Motif Ukiran Minangkabau".
- ↑ "Makna dan Arti Ukiran Di Rumah Gadang".
- ↑ Dt. R. Sigoto, Zamrist (2013). Budaya Alam MInangkabau Untuk SD/MI Kelas 6. Padang: Jasa Surya Padang. pp. 35.