Caliak sumber untuak Urang Sakai

{{ethnic group||group=Urang Sakai
|image=|image_caption=
|poptime=4.995 jiwa
|popplace=[[Kabupaten Bengkalis|Bengkalis]], [[Riau]], [[Indonesia]]
|langs=[[Bahaso Sakai]], [[Bahaso Malayu]], [[Bahaso Minangkabau]], [[Bahaso Indonesia]]
|rels=[[Animisme]], [[Islam]], [[Kristen]]
|related=[[Urang Malayu]], [[Urang Minangkabau]], [[Urang Talang Mamak]], [[Urang Akik]], [[Urang Asli]]
}} 
'''Urang Sakai''' atau '''suku Sakai''' adolah kalompok panduduak asali nan iduik taseba di rimbo-rimbo padalaman [[Riau]]. Rami urang Sakai tingga di rimbo-rimbo [[Kabupaten Bengkalis|Bengkalis, Riau]]. Jumlah urang Sakai kini dipakiroan ado 4.995 jiwa. Agamo asali urang Sakai basipaik anismisme, tamasuak picayo pado antu-antu, jampi-jampi manto, jo upacara tulak bala.

== Distribusi ==
Urang Sakai tingga di [[Kabupaten Bengkalis|Bengkalis]], [[Riau]]. Populasi paliang banyak tingga di Kecamatan [[Mandau, Bengkalis|Mandau]]. Sabagian ado nan tingga di Kecamatan [[Bukit Batu, Bengkalis|Bukit Batu]]. Saketek dari urang Sakai masih iduik cando zaman saisuak nan iduik bapindah-pindah sarato tapisah dari kalompok-kalompok lain. Umumnyo urang Sakai tingga indak jauah dari mato aia sarupo rawo, payau, atau tapian ulu batang aia.{{Sfn|Suparlan|1995|pp=69-71}}

== Sijarah ==
Ado babarapo teori tantang asa mulo urang Sakai. Manuruik Moszkowski (1908) jo Loeb (1935) manyabuik baso urang Sakai adolah hasia pancampuran antaro urang [[Urang Wedoid|Wedoid]] jo urang [[Minangkabau]] nan kudian mandirikan karajaan pado abaik ka-14. Namun, karajaan ko runtuah dek disarang Kasultanan Aceh inggo akhianyo panduduak malarikan diri ka rimbo-rimbo Batang Gasib, Rokan, Siak, jo anak-anal sungainyo. Teori barikuiknyo nan diiyoan dek urang Sakai adolah asa muasanyo dari urang Mentawai nan dibaok dek [[Karajaan Pagaruyuang|Pagaruyuang]] katiko manaruko rimbo di daerah nan kini disabuik [[Mandau, Bengkalis|Mandau]]. Rombongan nan manaruko ko disabuik jo Pabatinan Limo (''Perbatinan Lima'') jo Pabatinan Salapan (''Perbatinan Delapan'').{{Sfn|Suparlan|1995|pp=72-73}}

== Sistem kakarabatan ==
Urang Sakai dalam iduik badunsanak manggabuangkan sistem [[matrilineal]] jo parental (prinsip katurunan manuruik garih urang tuo). Hal iko mampangaruahi caro urang Sakai maimbau urang dalam kalompoknyo. Ciri parental tampak pado pabedaan caro maimbau urang manuruik generasinyo. Samantaro dalam ciri matrilineal, ado pabedaan dalam maimbau urang nan batalian darah jo mandehnyo. Misalnyo ado panyapoan sudaro laki-laki tatuo dari mandeh nan disabuik ''pak kuneng'' ([[Bahaso Minangkabau|Minangkabau]]: mamak), sadangkan sudaro laki-laki tatuo dari ayah disabuik ''bah tuwo'' ([[Bahaso Minangkabau|Minangkabau]]: pak uwo).{{Sfn|Suparlan|1995|pp=167-170}}

== Rujuakan ==
{{Reflist}}

== Bahan Bacaan ==

* {{Cite book|title=Orang Sakai di Riau: masyarakat terasing dalam masyarakat Indonesia|last=Suparlan|first=Parsudi|publisher=Yayasan Obor Indonesia|year=1995|isbn=9794612154|location=Jakarta|pages=|url=https://books.google.co.id/books?id=XENTG7l7O6IC&printsec=frontcover&dq=orang+sakai+di+riau&hl=id&sa=X&ved=0ahUKEwiizLnDu6DnAhWPxTgGHRqbAKUQ6AEIKTAA|ref={{sfnRef|Suparlan|1995}}}}
{{Suku banso di Indonesia}}{{Etnik-stub}}
[[Kategori:Riau]]
[[Kategori:Urang asali]]
[[Kategori:Entri manggunokan rujuakan WikiPustakaSumatra]]