Caliak sumber untuak Trombofilia


{{Pambantahan medis}}
[[Berkas:Red Blood Cell.jpg|jmpl|Darah  di dalam tubuah]]
'''Trombofilia''' (namo lain: '''hiperkoagulasi'''{{sfn|Nurin|2016}} adolah kondisi dimano proses pambakuan [[darah]] dalam tubuah manusia maningkek atau ado nan manyabuik jo panyakik darah kental.{{sfn|alodokter.com|2018}}

Pandarito panyakik trombofilia ko darahnyo mudah mambaku atau disabuik [[trombosis]]. Pambakuan darahnyo dapek tajadi di [[pambuluah vena]]{{efn|pambuluah darah nan bafungsi untuak mambaok darah dari organ atau jaringan saluaruah tubuah ka jantuang}} atau [[pambuluah arteri]]{{efn|pambuluah darah nan bafungsi untuak mambaok darah dari jantuang ka organ atau jaringan saluruah tubuah}} mano sajo. Misalnyo di pambuluah arteri [[jantuang]], pambuluah darah di [[paru-paru]], pambuluah darah di [[mato]] jo [[talingo]], pambuluah darah di [[otak]]. Jikok bakuan darahnyo sampai ka pambuluah jantuang, iko dapek manyababkan sarangan jantuang. Jikok bakuan darahnyo di pambuluah otak, mako bisa manyababkan stroke. Katiko bakuan darahnyo do pambuluah darah paru-paru akan manyababkan panyakik emboli [[paru-paru]]. Jikok bakuan darahnyo manyumbek pambuluah darah di mato, pandarito bisa buto sahinggo indak bisa maliek. Jikok pambakuan darahnyo tajadi di talingo, iko bisa manyababkan pandarito indak bisa mandanga. Kasado kondisi ko bisa manyababkan kamatian jaringan sahinggo bisa manyababkan kamatian pado urang nan mandaritonyo.

Salain bakuan darah tajadi di organ manusia, pambakuan darah bisa tajadi di [[plasenta]]. Sahinggo padusi nan mangalami iko bisa mangalami kaguguran satiok manganduang (''[[preeklamsia]]''), karano oksigen jo nutrisi makanan indak bisa sampai ka janin dek tahambek dek bakuan darah.{{sfn|kompas.com|2011}}Padusi nan sadang manganduang jikok mangalami trombofilia, pado umumnyo akan mangalami gejala pambangkakan atau raso nyeri di kakinyo, raso sakik nan balabiahan katiko sadang bajalan, sarato pambuluah venanyo nan labiah gadang daripado ukuran nan biasonyo.{{sfn|kumparan|2019}}

Pambakuan darah pado pambuluah vena (biasonyo disabuik ''deep vein thrombosis)'' marupoan masalah nan paliang acok basobok. Gejala nan biasonyo tibo adolah bangkak jo nyeri di tungkai kaki jo kulik warnanyo nan agak merah. Kondisi iko bisa pulo mangakibaikan komplikasi barupo emboli paru. Emboli paru ko yaitu katiko gumpalan darah lapeh ka pambuluah darah arteri paru-paru. Gejala katiko emboli paru ko adolah nyeri di dado, sakik katiko batuak, sasak angok, atau bisa bahkan indak sadarkan diri.{{sfn|alodokter.com|2018}}

== Diagnosis Trombofilia ==
[[Berkas:Stetoskop.jpg|jmpl|Stetoskop adolah alaik nan baguno untuak mamareso hati jo paru-paru]]
[[Berkas:Sphygmomanometer&Cuff.JPG|jmpl|Sfigmomanometer adolah alaik untuak maukua tekanan darah]]

Jikok ado nan mangalami gumpalan darah di bawah umua 40 tahun, mako iko dicurigai takanai trombofilia. Untuk labiah pasti jikok kanai atau indak harus dilakukan diagnosis trombofilia jo [[dotor]]. Dotor akan malakuan tes darah. Tes darah iko indak cukuik sakali, tapi babarapo kali dan ado syarat-syarat wakatu untuak malakuan tes darah tu. Untuak pandarito nan kanai emboli paru, biasonyo harus manunggu babarapo minggu atau bulan sasudah agak sehat baru bisa manjalani tes. Baitu juo pado pandarito nan mamakai ubek pangencer darah (antikoagulan), takah warfarin, tes nyo bisa dilakuan 4 - 6 minggu sasudah  ubek indak dimakan lai.

Katiko tes darah nan dilakuan untuak mambuktikan kanai panyakik trombofilia, tes salanjuiknyo akan didapekan hasil nan labih lagkok. Urang nan didiagnosa tu, akan disuruah ka dotor spesialis darah (ahli [[hematologi]]) untuak bakonsultasi.{{sfn|alodokter.com|2018}}

Untuak tes salanjuiknyo dokter akan malakuan babarapo hal:{{sfn|HonestDocs|2019}}

* Pareso tubuah untuak mancarai tando-tando ado gumpalan (takah kemerahan atau bangkak di [[kaki]] atau [[langan]]).
* Mamareso hati jo paru-paru manggunoan [[stetoskop]].
* Maukua tekanan darah.
* Malakuan studi pencitraan. Studi pencitraan ko barupo tes manggunoan alat kesehatan. Tes itu bisa maliputi: Ultrasonografi khusus nan manggunoan gelombang suaro untuak mambuek gambar darah bajalan malalui pambuluah darah, CT angiogram dado untuak mancari gumpalan darah di paru-paru, CT (''computed tomography'') scan pambuluah darah, ambar jantuang nan dibuek jo galombang suaro (echocardiogram),  MRI (''magnetic resonance imaging'') untuak mancaliak kapalo untuak mamareso gumpalan di otak,jo sinar-X khusus nan mambantu manunjuakan aliran darah pambuluah darah (venogram). 
* Kadang-kadang ado malakuan tes darah (''D-dimer'') untuak mambantu manilai kamungkinan adonyo gumpalan atau sabarapo aktif gumpalan itu.
* 

== Panyabab Trombofilia ==
Trombofilia muncua dek adonyo kaindaksaimbangan zat alami tubuah nan batugas untuak proses pambakuan darah.{{sfn|alodokter.com|2018}} Panyabab pambakuan darah atau trombosis ko bisa dek karano diwariskan genetik dan bisa pulo karano hal lain atau kabiasaan manusia.

=== Trombofilia karano katurunan ===
Trombofilia dek faktor genetik ko ado babarapo tipe.{{sfn|alodokter.com|2018}}

* '''Defisiensi protein C, protein S, atau anthitrombin III.''' Protein C, protein S, dan anthitrombin III adolah zat alami tubuah nan basifek antikoagulan atau bafungsi mancegah supayo indak tajadi pambakuan darah. Katiko zat-zat nan disabuikan tadi bakurang, proses pancegahan pambakuan darah akan taganggu pulo sahinggo pambakuan darah akan maningkek. Salin dek faktor genetik, kondisi iko bisa juo karano hal lai, misalnyo mandarito panyakik ginjal.
* '''Protrombin 20210.''' Protrombin marupoan protein nan bafungsi untuak pambakuan darah. Trombofilia tajadi dek tubuah manghasilkan protrombin sangaik banyak, sahinggo banyak pulo tajadi pambakuan darah
* '''Faktor V Leiden.''' Faktor V Leiden adolah jinih trombofilia nan disababkan dek gen cacat. Faktor V Leiden iko banyak disobokan di urang kulik putiah Eropa jo Amerika.

=== Trombofilia bukan karano katurunan ===
Panyakik trombofilia bisa juo bukan karano faktor katurunan, malainkan karano kebiasaan manusia, contohnyo:{{sfn|alodokter.com|2018}}

* marokok
* obesitas atau kalabihan barek badan
* mamakan pil KB
* kanker
* imobilisasi atau tidak bergerak dalam waktu yang lama
* kehamilan

Ado sabuah studi nan disabuik Vascular Cures mampakiroan hampai 10% panduduak dunia mampunyoi dasar trombofilia, nan paliang umum adolah Faktor V Leiden jo mutasi gen Prothrombin.{{sfn|Nurin|2016}}

== Caro Maubekan Trombofilia ==

Untuak maubek panyakik trombofilia tagantuang pado panyabab nan mambuek darah baku, parah kondisi pandarito, sarato sabarapo elok kondisi itu dapek di kontrol.

Ado babarapo ubek untuak maubekan pambakuan darah:{{sfn|Nurin|2016}}

# Warfain jo heparin. Warfain jo heparin ko adolah ubek anti panggumpalan darah. Ubek ko karajonyo mangganggu proses pambakuan darah jo dapek digunoan untuk maubekan DVT (''deep vein thrombosis)'' jo emboli paru. Heparin ko diagiahan untuak mancagah adonyo gumpalan darah, bisa pulo diagiahan sabalum jo sasudah urang nan kamanjalani operasi, atau katiko sadang hamil. Heparin aman untuak padusi nan manganduang jo manyusui, sadangkan warfain indak aman untuak padusi nan manganduang.
# Tes international normalised ratio (INR).
# Ubek oral antikoagulan baru. Panalitian baru baru-baru ko, alah ado ubek antikoagulan baru nan tasadio untuak maubek jo mancagah adonyo gumpalan darah. Ubek ko indak cocok untuak kasado urang tarutamo dek padusi nan manganduang jo manyusui. Ubek ko harus diminum katiko alah diagiah dek dotor spesialis.

== Pancagahan Trombofilia ==
Trombofilia indak dapek dicagah, tapi komplikasinyo barupo trombosis dapek dicagah jo babarapo caro:{{sfn|kumparan|2017}}

# Manjago barek badan ideal.
# Indak marokok atau indak mandakek ka urang nan sadang marokok.
# Indak mamakan ubek hormonal.
# Rutin ulahrago satiok hari, paling indak limo kali dalam sapakan.
# Jikok bakarajo duduak dalam wakatu lamo, jan duduak dalam posisi nan samo sajo taruih atau duduak malipek kaki sajo taruih karano darah akan mangumpua di kaki sahinggo bisa manyababkan adonyo gumpalan darah. Usahoan tagak atau bajalan paling indak sakali dalam sajam.
# Jan sampai dehidrasi atau kekurangan cairan dalam tubuah

== Rujuakan ==
<references /><br />
=== Daftar Pustaka ===

{{Cite_web|url=https://hellosehat.com/kesehatan/penyakit/trombofilia-darah-kental-hiperkoagulasi/|title=Darah Kental (Trombofilia): Gejala, Penyebab, Hingga Pengobatan|first=Fajarina|last=Nurin|date=2016-09-22|website=Hello Sehat|language=id-ID|access-date=2019-12-20|ref={{sfnRef|Nurin|2016}}}} 

{{Cite_web|url=https://www.alodokter.com/trombofilia|title=Trombofilia|last=alodokter.com|first=|date=2018-08-06|website=Alodokter|access-date=2019-12-20|ref={{sfnRef|alodokter.com|2018}}}}

{{Cite_web|url=https://lifestyle.kompas.com/read/2011/03/03/07520893/trombofilia.bisa.berakibat.fatal|title=Trombofilia Bisa Berakibat Fatal Halaman all|last=kompas.com|first=|website=KOMPAS.com|date=2011-03-03|language=id|access-date=2019-12-20|ref={{sfnRef|kompas.com|2011}}}}

{{Cite_web|url=https://kumparan.com/kumparanmom/mengenal-trombofilia-penyebab-keguguran-berulang-pada-ibu-hamil-1rYTGAooqCE|title=Mengenal Trombofilia, Penyebab Keguguran Berulang pada Ibu Hamil|website=kumparan|date=2019-07-28|language=id-ID|access-date=2019-12-20|ref={{sfnRef|kumparan|2019}}}}

{{Cite_web|url=https://www.honestdocs.id/kenali-penyakit-anak-thrombosis-and-thrombophilia|title=Thrombosis and Thrombophilia: Penyebab, Gejala, dan Obat|first=|last=HonestDocs|website=HonestDocs|language=id|access-date=2019-12-20|ref={{sfnRef|HonestDocs|2019}}}}

{{Cite_web|url=https://kumparan.com/herbal-alternatif/penyebab-dan-cara-mengatasi-darah-kental|title=Penyebab Dan Cara Mengatasi Darah Kental|last=kumparan|firs=|date=2017-09-29|website=kumparan|language=id-ID|access-date=2019-12-24|ref={{sfnRef|kumparan|2017}}}}

<br />

=== Catatan kaki ===
{{notelist}}

[[Kategori:Panyakik]]
[[Kategori:Kadokteran]]
[[Kategori:Pambuluah darah]]
[[Kategori:Arteri]]
[[Kategori:Vena]]
[[Kategori:Panyakik katurunan]]
[[Kategori:Panyakik bukan katurunan]]
[[Kategori:Panyakik indak mamindah]]