Tarusan Panama

Peta Tarusan Panama

Peta lokasi Tarusan Panama

Tarusan Panama adolah tarusan nan mamotong tanah gantiang Panama sapanjang 82 km, mamotong Amerika Utara jo Amerika Selatan sarato manghubuangkan Samudra Pasifik jo Atlantik. Tarusan ko mamotong wakatu tampuah kapa lauik karano indak paralu mamuta lewat ujuang selatan Amerika Selatan.

Rencana pambangunan tarusan ko alah mulai muncul pado taun 1500-an namun baru dibukak pado 15 Agustus 1914. Walaupun pambangunannyo dilando babagai masalah sarupo panyakik malaria, damam kuniang, bancano tanah longsor, jo kakurangan aia, tarusan ko alah mambantu 800.000 kapa manyubarang sajak pambukaannyo atau 12.000 kapa per tahun.

Panjalehan

Tarusan Panama manghubuangkan Taluak Panama di Samudra Pasifik jo Lauik Karibia di Samudra Atlantik. Karano bantuak dari tanah gantiang Panama adolah "S", tarusan iko mamotong dari arah barat laut ka tenggara. Untuak mampamudah, otoritas tarusan mangklasifikasikan lalunyo kapa jo arah northbound (manuju utara) bagi kapa nan manuju Samudera Atlantik jo southbound (manuju selatan) bagi kapa nan manuju Samudera Pasifik. Untuak manyubarang, sabuah kapa paralu wakatu 9 jam.

Sijarah

Niaik ka mambuek sabuah tarusan di tanah gantiang Panama partamo kali ateh usua Rajo Charles V dari Spanyol pado taun 1524 untuak mampamudah lalunyo kapa, utamonyo nan mambaok ameh. Walaupun alah ado hasia survei jo rencana pado taun 1529, kaadoan politik jo teknologi di Eropa pado wakatu tu masih alun mamungkinkan.

Salapeh babagai macam caro nan indak malalui lauik (kereta api) gagal atau dinilai kurang efektif, rencana pambangunan tarusan mancogok baliak. Didorong jo salasainyo Tarusan Suez, dek Parancih di bawah pimpinan Ferdinand de Lesseps muloi mambangun tarusan pado 1 Januari1880 namun tahanti karano panyakik pado taun 1893.

Pambangunan dilanjuikan dek Amerika Serikat di bawah pimpinan Theodore Roosevelt pado taun 1904 salapeh AS mambantu Panama mardeka dari Kolombia jo imbalan kontrol daerah tarusan. Pambangunan kanal dek Amerika Sarikek ko dimuloi pado 4 Mei 1904. Baragam upayo dilaksanokan untuak mangatasi masalah dan akhianyo kanal dibukak pado 15 Agustus 1914 jo balalunyo kapa Ancon.

Tarusan iko sarato daerah disakitarnyo dikontrol dek Amerika Serikat sampai 31 Desember 1999 salapeh Presiden AS Jimmy Carter manandotangani Traktat Torrijos-Carter pado 7 September 1977. Kini, tarusan ko dikontrol dek Otoritas Tarusan Panama.

Pautan lua

• (Inggirih) Situs resmi Otoritas Terusan Panama Archived 2017-08-12 di Wayback Machine.
• (Inggirih) Live webcams Terusan Panama