Tikuluak

Wikipedia Minangkabau - Lubuak aka tapian ilimu
(Dialiahkan dari Tangkuluak)
Loncat ke navigasi Loncat ke pencarian
Tikuluak Talakuang adolah salah satu ragam tikuluak di Minangkabau

Tikuluak, tingkuluak, atau tangkuluak marupokan salah satu jinih panutuik kapalo padusi dalam budayo masyarakaik Minangkabau. Jinih panutuik kapalo ko tabuek dari kain salendang panjang nan kudian dikreasikan baragam bantuak sasuai jo pamakai sarato fungsi dalam tradisi adaik Minangkabau.

Sacaro umum tikuluak dapek dibedakan dari bantuak jo kain nan dipakai. Dalam ragam bantuak tikuluak ado nan manyarupoi tanduak jo kaduo duo sisi marunciang cando tanduak kabau (tikuluak tanduak). Jinih ko biaso dipakai dek anak-anak dalam tari adaik sarato pangiriang marapulai jo anak daro wakatu baralek. Ragam lainnyo babantuak malingka jo ujuang kain nan bajutai dari ateh ka arah lakang atau biaso juo disabuik jo tikuluak Bundo Kanduang, sabab jinih ko biasonyo anyo bapakai dek padusi dewasa dan dipakai dalam acara-acara rasmi adaik.[1]

Di samping duo ragam tasabuik ado jinih tikuluak nan biaso dipakai anak daro dalam alek nan disabuik juo jo tangkuluak Koto Gadang dek jinih ko khas dari Koto Gadang, Kabupaten Agam.[2] Tikuluak ko labiah sederhana karano babantuak salendang biaso jo hiasan motif sulaman sarato manik-manik bapola khas Minangkabau.

Ragam[suntiang | suntiang sumber]

Tikuluak baikek[suntiang | suntiang sumber]

Tingkuluak iko mampunyoi bantuak manyurupoi tanduak kabau nan pado kaduo ujuang batanduak tumpua.

Tikuluak kompong[suntiang | suntiang sumber]

Tikuluak kompong marupokan tikuluak nan ukurannyo agak gadang. Pado bagian ateh kapalo tangkuluak dibuek agak gadang sarupo carobong.

Tikuluak bugih[suntiang | suntiang sumber]

Bantuak tangkuluak iko sederhana. Pado bagian sampiang kapalo bantuaknyo dibuek tagak dan bagian balakang talimpok dek kain. Bahan nan digunokan kain saruang bugih jo motif kotak-kotak.

Tikuluak talakuang putiah[suntiang | suntiang sumber]

Bantuaknyo samo saperti tangkuluak kompong hanyo sajo bedanyo dapek diliek dari bahan jo rono nan digunokan.[3]

Caliak pulo[suntiang | suntiang sumber]

Rujuakan[suntiang | suntiang sumber]

  1. Bukittinggi, Pemerintah Kota. "KEGIATAN BUNDO KANDUANG KECAMATAN GUGUK PANJANG â€..." (dalam bahaso id-ID). http://www.bukittinggikota.go.id/berita/kegiatan-bundo-kanduang-kecamatan-guguk-panjang-abaraja-mamasang-tikuluaka. Diakses pado 24 Maret 2018. 
  2. "Pernikahan Adat Koto Gadang ", 15 Januari 2016.
  3. bekti, setia. "Busana Pengantin Koto Gadang". https://www.weddingku.com/blog/busana-pengantin-koto-gadang. 

Pautan lua[suntiang | suntiang sumber]