Tikuluak

Dari Wikipedia baso Minang, ensiklopedia bebas
(Dialiahkan dari Tangkuluak)
Loncat ke navigasi Loncat ke pencarian
Tikuluak Talakuang adolah salah satu ragam tikuluak di Minangkabau

Tikuluak, tingkuluak, atau tangkuluak marupokan salah satu jinih panutuik kapalo padusi dalam budayo masyarakaik Minangkabau. Jinih panutuik kapalo ko tabuek dari kain salendang panjang nan kudian dikreasikan baragam bantuak sasuai jo pamakai sarato fungsi dalam tradisi adat Minangkabau.

Sacaro umum tikuluak dapek dibedakan dari bantuak jo kain nan dipakai. Dalam ragam bantuak tikuluak ado nan manyarupoi tanduak jo kaduo duo sisi malancip cando tanduak kabau. Jinih ko biaso dipakai dek anak-anak dalam tari adat sarato pangiriang marapulai jo anak daro wakatu baralek. Ragam lainnyo babantuak malingka jo ujuang kain nan bajutai dari ateh ka arah lakang atau biaso juo disabuik jo tikuluak Bundo Kanduang, sabab jinih ko biasonyo anyo bapakai dek padusi dewasa dan dipakai dalam acara-acara rasmi adaik.[1]

Di samping duo ragam tasabuik ado jinih tikuluak nan biaso dipakai anak daro dalam alek nan disabuik juo jo tangkuluak Koto Gadang dek jinih ko khas dari Koto Gadang, Kabupaten Agam.[2] Tikuluak ko labiah sederhana karano babantuak salendang biaso jo hiasan motif sulaman sarato manik-manik bapola khas Minangkabau.

Rujuakan[suntiang | suntiang sumber]

  1. Bukittinggi, Pemerintah Kota. "KEGIATAN BUNDO KANDUANG KECAMATAN GUGUK PANJANG â€..." (dalam bahaso id-ID). http://www.bukittinggikota.go.id/berita/kegiatan-bundo-kanduang-kecamatan-guguk-panjang-abaraja-mamasang-tikuluaka. Diakses pado 24 Maret 2018. 
  2. "Pernikahan Adat Koto Gadang ", 15 Januari 2016.

Pautan lua[suntiang | suntiang sumber]