Caliak sumber untuak Sumatera

{{Infobox Islands
|name = Sumatera
|image_name = Sumatra Topography.png
|image_caption = Topografi Pulau Sumatra
|image_map = LocationSumatra.svg
|native_name =<br><span style="font-weight:normal;">سومترا</span> ([[Abjaik Jawi|Jawi]]) <!-- silakan ditambahkan aksara lainnya di Pulau Sumatra, Jawi merupakan aksara bukan hanya digunakan oleh orang-orang Suku Melayu di Sepanjang Pantai Timur Sumatra dan Melayu Pesisir Barat, dan Melayu Daratan lainnya tapi juga sebagai bahasa budaya dan agama di sebahagian suku-suku non Melayu tetapi merupakan bagian dari rumpun Melayu seperti Suku Aceh dan Suku Minang -->
|native_name_link =
|nickname =<br><span style="font-weight:normal;">Pulau Ameh - Pulau Emas</span><br><span style="font-weight:normal;">Suvarnabhumi - Suvarnadwipa</span><br><span style="font-weight:normal;">Pulau Paco - Pulau Percha</span><br><span style="font-weight:normal;">Pulau Andaleh - Pulau Andalas</span><br><span style="font-weight:normal;">Bumi Malayu</span>
|location = [[Asia Tenggara]]
|coordinates = {{coor dm|0|00|N|102|00|E|region:ID_type:isle_scale:10000000}}
|archipelago = [[Kapulauan Nusantara]]
|area_km2= 473.481
|rank= ka-6
|highest_mount = [[Gunuang Kurinci|Kurinci]]
|elevation_m= 3.805
|country = {{flagcountry|Indonesia}}
|country_admin_divisions_title = Provinsi
|country_admin_divisions = {{flag|Aceh}}<br />{{flag|Sumatera Utara}}<br />{{flag|Sumatera Barat}}<br />{{flag|Riau}}<br />{{flag|Jambi}}<br />{{flag|Bengkulu}}<br />{{flag|Sumatera Selatan}}<br />{{flag|Kepulauan Bangka Belitung}}<br />{{flag|Lampung}}{{br}}{{flag|Kepulauan Riau}}
|country_largest_city = [[Berkas:Logo Kota Medan (Seal of Medan).svg|20px]] [[Medan]]
|country_largest_city_population = 2.479.560 (2018)
|population = 57.940.351
|population_as_of = 2018
|density_km2= 96
|ethnic_groups = [[Urang Malayu|Malayu]], [[Urang Batak|Batak]], [[Urang Minangkabau|Minangkabau]],  [[Urang Aceh|Aceh]], [[Urang Lampung|Lampung]], [[Urang Karo|Karo]], [[Urang Nieh|Nias]], [[Urang Rejang|Rejang]], [[Urang Komering|Komering]], [[Urang Gayo|Gayo]], dan lain-lain
|map_caption=Pulau Sumatera di Indonesia|timezone=[[Wakatu Indonesia Barat]] ([[UTC+07:00]])}}

'''Sumatera''' atau '''Sumatra''' adolah sabuah [[pulau]] nan kaanam tagadang di dunia nan talatak di bagian barat [[Indonesia]], nan lawehnyosesukamu mau gimana ² dan pakiroan populasinyo sakita 45,000,000 jiwa. Pulau iko tanamo pulo jo namo lain iyolah ''Pulau Percha'', ''Andaleh'', atau ''Suwarnadwipa'' ([[bahaso Sanskerta]], bararti "pulau ameh"). Kamudian pado [[Batu basurek Padang Roco]] taun 1286 dipahaikkan ''swarnnabhūmi'' ([[bahaso Sanskerta]], bararti "tanah ameh") jo ''bhūmi mālayu'' ("Tanah Malayu") untuak manyabuik pulau iko. Salanjuiknyo dalam naskah [[Negarakertagama]] dari abaik ka-14 juo baliak manyabuik "Bumi Malayu" untuak pulau iko.

== Etimologi ==
Asa namo ''Sumatera'' bamulo dari adonyo Karajaan [[Kasultanan Samudera Pasai|Samudera]] (talatak di pasisia timur [[Aceh]]). Bamulo dari kunjuangan [[Ibnu Batutah]], patualang asa [[Maroko]] ka nagari tasabuik pado taun [[1345]], baliau malafalkan kato ''Samudera'' manjadi ''Samatrah'', dan kudian manjadi ''Sumatra'' atau ''Sumatera'', salanjuiknyo namo iko tacantum dalam peta-peta abaik ka-16 buatan [[Portugis|Portugih]], untuak marujuak ka pulau iko inggo kini.<ref>Nicholaas Johannes Krom, ''De Naam Sumatra'', BKI, 100, 1941.</ref> 

Ahli geografi Arab manyabuik pulau ko jo namo {{lang|ar-Latn|Lamri}} (''[[Lamuri]]'', ''Lambri'' atau ''Ramni'') pado abaik ka-10 inggo ka-13, nan marujuak pado namo karajaan di dakek [[Banda Aceh]] nan marupokan tampek mandaraik partamo dek padagang lua pulau. Pulau iko tanamo jo namo lain cando ''Andalas'' (''Andaleh)''<ref>{{Cite book|last=Marsden|first=William|title=The History of Sumatra|publisher=Longman|year=1783|location=Dutch|pages=5}}</ref> atau ''Pulau Percha (Pulau Paco)''.<ref>{{Cite book|title=Historical Atlas of Indonesia|last=Cribb|first=Robert|publisher=Routledge|year=2013|pages=249}}</ref>

Namo asali ''Sumatera'', bak cando tacataik dalam sumber-sumber sijarah dan carito-carito rakyaik, adolah ''Pulau Ameh''. Istilah ''Pulau Ameh'' tasuo dalam [[Kaba]] [[Cindua Mato]] dari [[Minangkabau]]. Dalam carito rakyaik [[Lampung|Lampuang]] tacantum namo ''tanoh mas'' untuak manyabuik pulau iko. Saurang musafir dari [[Cino]] nan banamo [[I-tsing]] (634-713), nan bataun-taun tingga di [[Sriwijaya]] (Palembang kini) pado abaik ka-7, manyabuik Sumatera jo namo ''chin-chou'' nan aratinyo "nagari ameh".

Dalam babagai [[batu basurek]], Sumatera disabuik dalam [[bahaso Sanskerta]] jo istilah: ''Suwarnadwipa'' ("pulau ameh") atau ''Suwarnabhumi'' ("tanah ameh"). Namo-namo iko alah dipakai dalam naskah-naskah India sabalun Masehi. Naskah [[Buddha]] nan tamasuak paliang tuo, Kitab [[Jataka]], mancaritokan palauik-palauik [[India]] manyubarangi [[Taluak Benggala]] ka ''Suwarnabhumi''. Dalam carito [[Ramayana]] dikisahkan pancarian Dewi [[Sinta]], istri Rama nan dibaok lari [[Rahwana]], sampai ka ''Suwarnadwipa''.

Samanrato musafir-musafir Arab manyabuik Sumatera jo namo ''Serendib'' (tapeknyo: ''Suwarandib''), transliterasi dari namo ''Suwarnadwipa''. [[Abu Raihan Al-Biruni]], ahli geografi [[Persia]] nan mangunjuangi Sriwijaya taun 1030, mangatokan baso nagari Sriwijaya talatak di pulau Suwarandib. Namun ado juo urang nan manyamokan Serendib jo [[Sarilangka]], nan indak panah disabuik ''Suwarnadwipa''.

Di kalangan banso [[Yunani]] saisuak, Sumatera alah takana jo namo ''Taprobana''. Namo ''Taprobana Insula'' alah dipakai dek [[Klaudios Ptolemaios]], ahli geografi Yunani abaik kaduo masehi, tapeknyo taun 165, katiko baliau mauraikan daerah [[Asia Tenggara]] dalam karyanyo ''Geographike Hyphegesis''. Ptolemaios manulih baso di Pulau Taprobana ado nagari Barousai. Mungkin sakali nagari nan dimakasuk adolah [[Barus, Tapanuli Tengah|Barus]] di pantai barat Sumatera, nan tanamo sajak zaman saisuak sabagai pangasia kapua baruih.

Naskah Yunani taun 70, [[Periplous tes Erythras Thalasses]], manyatokan baso Taprobana juo bagala ''chryse nesos'', nan aratinyo "pulau ameh". Sajak zaman saisuak paniago-paniago dari daerah salingka [[Lauik Mediterania|Lauik Tangah]] alah mandatangi [[Nusantara]], tarutamo Sumatera. Di sampiang mancari ameh, inyo juo mancari [[kumayan]] (''Styrax sumatrana'') jo [[kapua barus|kapua baruih]] (''Dryobalanops aromatica'') nan pado maso itu hanyo ado di Sumatera. Sabaliaknyo, paniago-paniago Nusantara pun alah manjojokan dagangannyo sampai ka [[Asia Barat]] jo [[Afrika Timur]], bak cando nan tatulih pado naskah ''Historia Naturalis'' karya [[Plini]] abaik patamo Masehi.

Dalam kitab umaik [[Agamo Yahudi|Yahudi]], Melakim (Rajo-rajo), fasal 9, ditarangkan baso Nabi [[Sulaiman]] a.s. rajo Israil manarimo 420 talenta ameh dari Hiram, rajo Tirus nan manjadi bawahan baliau. Ameh itu didapek dari nagari Ophir. Kitab Al-Qur’an, Surat Al-Anbiya’ 81, manarangkan baso kapa-kapa [[Nabi Sulaiman]] balayia ka “tanah nan Kami barakaik-i atehnyo” (al-ardha l-lati barak-Na fiha).

Banyak ahli sijarah nan bapandapaik baso nagari [[Ophir]] itu talatak di Sumatera ([[Gunuang Talamau|Gunuang Ophir]] di [[Kabupaten Pasaman Barat|Pasaman Barat]], [[Sumatera Barat]] nan kini banamo [[Gunuang Talamau]]). Paralu dicataik, kota Tirus marupoan pusek pamasaran barang-barang dari Timur Jauah. Ptolemaios pun manulih ''Geographike Hyphegesis'' manuruik informasi dari saurang padagang Tirus nan banamo Marinus. Dan banyak patualang Eropa pado abaik ka-15 dan ka-16 mancari ameh ka Sumatera jo anggapan baso di sinanlah latak nagari Ophir Nabi Sulaiman a.s.

=== Samudera manjadi Sumatera ===
Kato nan patamo kali manyabuikkan namo ''Sumatra'' barasa dari gala surang rajo [[Sriwijaya]] [[Haji Sumatrabhumi|''Haji'' ''Sumatrabhumi'']] ("Rajo tanah Sumatra"),<ref name="MUNOZ 175">{{cite book |last=Munoz|title=Early Kingdoms |pages=175}}</ref> manuruik barito Cino baliau mangirimkan utusan ka [[Chino|Cino]] pado taun [[1017]]. Pandapaik lain manyabuikkan namo Sumatera barasa dari namo [[Karajaan Samudera Pasai|Samudera]], karajaan di Aceh pado [[abaik ka-13]] dan [[abaik ka-14]]. [[Musafir]] Eropa sajak abaik ka-15 manggunokan namo karajaan itu untuak manyabuik saluruah pulau.

[[Odorico da Pordenone]] dalam kisah palayarannyo taun 1318 manyabuikkan baso baliau balayia ka timur dari [[Koromandel]], [[India]], salamo 20 hari, lalu sampai di Karajaan Sumoltra. Ibnu Bathutah bacarito dalam kitab Rihlah ila l-Masyriq (Pangambaraan ka Timur) baso pado taun 1345 baliah singgah di Karajaan Samatrah. Pado abaik barikuiknyo, namo nagari atau karajaan di Aceh itu diambiak aliah dek musafir-musafir lain untuak manyabuikkan saluruah pulau.<ref name="sneddon">{{Cite book|last=Sneddon|first=James N.|title=The Indonesian language: its history and role in modern society|publisher=UNSW Press|year=2003|page=65|url=https://books.google.com/books?id=A9UjLYD9jVEC&pg=PA65|isbn=9780868405988|access-date=16 December 2015|archive-url=https://web.archive.org/web/20160529081804/https://books.google.com/books?id=A9UjLYD9jVEC&pg=PA65|archive-date=29 May 2016|url-status=live}}</ref>

Pado taun [[1490]] [[Ibnu Majid]] mambuek peta daerah sakitar [[Samudera Hindia]] dan di sinan tatulih pulau "Samatrah". Peta Ibnu Majid iko disalin dek Roteiro taun [[1498]] dan maunjualah namo "Camatarra". Peta buatan [[Amerigo Vespucci]] taun [[1501]] mancantumkan namo "Samatara", sadangkan peta [[Masser]] taun [[1506]] maunjuakan namo "Samatra". [[Ruy d’Araujo]] taun [[1510]] manyabuik pulau itu "Camatra", dan [[Alfonso Albuquerque]] taun [[1512]] manulihkannyo "Camatora". [[Antonio Pigafetta]] taun [[1521]] mamakai namo nan agak ‘bana’: "Somatra". Tatapi sangaik banyak catatan musafir lain nan labiah ‘kacau’ manulihkannyo: "Samoterra", "Samotra", "Sumotra", bahkan "Zamatra" dan "Zamatora".<ref name="sneddon" /><ref>{{Cite book|last=Macdonell|first=Arthur Anthony|url=https://books.google.com/books?id=laIPgMQF_XsC&pg=PA347|title=A Practical Sanskrit Dictionary with Transliteration, Accentuation, and Etymological Analysis|publisher=Motilal Banarsidass Publications|year=1924|isbn=9788120820005|page=347|access-date=16 December 2015|archive-url=https://web.archive.org/web/20160506234650/https://books.google.com/books?id=laIPgMQF_XsC&pg=PA347&lpg=PA347|archive-date=6 May 2016|url-status=live}}</ref>

Catatan-catatan urang Balando jo Inggirih, sajak [[Jan Huygen van Linschoten]] dan Sir [[Francis Drake]] abaik ka-16, taruih konsisten dalam panulisan Sumatera. Bantuak iko nan kudian manjadi baku, dan disasuaikan jo lidah Indonesia: Sumatera.

== Sijarah ==

Urang nan ba[[bahaso Austronesia]] mulo-mulo tibo di Sumatera kurang labiah 500 SM, pado maso [[migrasi]] [[Austronesia]] dari [[Taiwan]] ka [[Asia Tenggara]]. Dek posisinyo nan manjadi lalu linteh padagangan lauik India-Cino, babarapo kota-kota padagangan bakambang utamonyo di pantai timur Sumatera dan dipangaruahi dek agamo [[agamo Hindu|Hindu]] jo [[agamo Buddha|Buddha]]. Salah satu karajaan nan paliang mulo dikatahui adolah [[Kantoli]], nan bakambang di abaik ka-5 Masehi di selatan Sumatera. Kantoli tagantikan dek Karajaan [[Sriwijaya]] dan kudian dek Karajaan [[Karajaan Samudra Pasai|Samudra Pasai]].

[[Berkas:Sumatra-Gastaldi.jpg|thumb|left|Peta Sumatera abaik ka-16]]Sriwijaya marupoan [[monarki]] Buddha, bapusek di kota nan kini ko adolah kota [[Palembang]]. Karajaan iko manguasoi kapulauan Melayu sarato malakukan padagangan dan panaklukan dari abaik ka-7 inggo ka-9, sarato mambantu manyebarkan kabudayoan Melayu ka saluruah Sumatera, [[Samananjuang Melayu]], dan bagian barat [[Borneo]]. Karajaan Sriwijaya marupoan karajaan maritim (''thalassocracy'') nan mampalaweh pangaruahnyo dari pulau ka pulau. Palembang pado maso itu marupoan pusek pambalajaran nan tanamo, dan marupoan tampek patualang Cino [[I-Tsing]] baraja [[bahaso Sanskrit]] sabalun pai ka [[India]] pado 671 Masihi. Dalam pajalanan baliaknyo ka [[Chino|Cino]], baliau juo maabihkan maso salamo ampek taun di Palembang untuak manarjamahkan teks agamo Buddha dan manulih duo manuskrip.

Pangaruah Sriwijaya bakurang pado abaik ka-11 salapeh disarang [[Karajaan Chola]] nan katiko itu mamarintah di [[India Selatan]]. Sumatera salanjuiknyo takluak kapado karajaan-karajaan di [[Jawa]], iyolah patamo dek [[Singhasari]] dan kudian dek [[Majapahit]]. Pado maso nan samo [[Islam]] masuak ka Sumatera di abaik ka-6 dan ka-7 Masehi malalui sudaga Arab jo India.<ref>G.R. Tibbets,''Pre-Islamic Arabia and South East Asia,'' in D.S. Richards (ed.),1970, ''Islam and The Trade of Asia'', Oxford: Bruno Cassirer Pub. Ltd, p. 127 nt. 21; S.Q.Fatimi, ''In Quest of Kalah'', in D.S. Richards (ed.),1970, p.132 n.124; W.P. Groeneveldt, ''Notes in The Malay Archipelago'', in D.S. Richards (ed.),1970, p.129 n.42</ref> Manjalang akhia abaik ka-13, rajo-rajo karajaan Samudra alah mamaluak agamo Islam. Iko tampak dek [[Marco Polo]] nan singgah di pulau iko pado taun 1292 dan dek [[Ibn Battuta|Ibnu Battuta]] nan singgah duo kali sapanjang 1345-1346. Karajaan Samudera digantikan dek [[Kasultanan Aceh]] nan kuek, nan tagak inggo abaik ka-20.

Kadatangan [[Balando]] alah mambuek banyak nagari-nagari di pulau Sumatera sacaro baransua-ansua jatuah di baruah kuasonyo. Namun Kasultanan Aceh di utara pulau manjadi pangalang utamo, nan manyababkan Balando talibaik dalam [[Parang Aceh]] (1873-1903) nan lamo jo maha. Kabanyakan Sumatera jatuah di bawah pamarintahan [[Hindia Balando]], dan manjadi pangasia utamo marica, gatah kajai, jo minyak. Pado mulo jo patangahan abaik ka-20, ahli akademik dan pamimpin Sumatera manjadi tokoh-tokoh uatmo dalam pagerakan [[kamardekaan Indonesia]].

== Geografis ==

Pulau Sumatera talatak di bagian barat gugusan kapulauan [[Nusantara]]. Di sabalah utara babatehan jo [[Taluak Benggala]], di timur jo [[Selat Malaka]], di sabalah selatan jo [[Selat Sunda]], sarato di sabalah barat jo [[Samudra Hindia]]. Di sabalah timur pulau, banyak ditamui rawo nan dialiri dek sungai-sungai gadang nan bamuaro di sinan, antaro lain [[Sungai Asahan|Asahan]] ([[Sumatera Utara]]), [[Sungai Siak]] ([[Riau]]), [[Sungai Kampar|Kampar]], [[Sungai Inderagiri|Inderagiri]] ([[Sumatera Barat]], Riau), [[Batang Hari]] (Sumatera Barat, [[Jambi]]), [[Sungai Musi|Musi]], [[Sungai Ogan|Ogan]], [[sungai Lematang|Lematang]], [[Sungai Komering|Komering]] ([[Sumatera Selatan]]), jo [[Way Sekampung]] ([[Lampung]]). Samantaro babarapo sungai nan bamuaro ka pasisia barat pulau Sumatera di antaronyo [[Batang Tarusan]] (Sumatera Barat), jo [[Sungai Ketahun|Ketahun]] ([[Bengkulu]]).

Di bagian barat pulau, tabantang [[Pagunuangan Bukik Barisan]] nan mambujua dari utara inggo selatan. Sapanjang bukik barisan ado gunuang-gunuang api nan masih aktif, saroman [[Gunuang Geureudong|Geureudong]] (Aceh), [[Gunuang Sinabung|Sinabung]] (Sumatera Utara), [[Gunuang Marapi|Marapi]], [[Gunuang Talang|Talang]] (Sumatera Barat), [[Gunuang Kaba]] (Bengkulu), jo [[Gunuang Kurinci|Kurinci]] (Sumatera Barat, Jambi). Di pulau Sumatera ado pulo babarapo [[danau]], di antaronyo [[Danau Laut Tawar]] (Aceh), [[Danau Toba]] (Sumatera Utara), [[Danau Singkarak]], [[Danau Maninjau]], [[Danau Diateh]], [[Danau Dibawah]], [[Danau Talang]] (Sumatera Barat), [[Danau Kurinci]] (Jambi) jo [[Danau Ranau]] (Lampung - Sumatera Selatan).

=== Daftar gunuang di Sumatera ===
{{main|Daftar gunuang di Sumatera}}
{{col-begin}}
{{col-2}}
* [[Gunuang Dempo]] (3.159 m)
* [[Gunuang Kurinci]] (3.805 m)
* [[Gunuang Leuser]] (3.172 m)
* [[Gunuang Marapi]] (2.891,3 m)
* [[Gunuang Perkison]] (2.300 m)
* [[Gunuang Pesagi]] (2.262 m)
* [[Gunuang Rajabasa]] (1.281 m)
* [[Gunuang Daik]] (1.165 m)
{{col-2}}
* [[Gunuang Sekincau]] (1.718 m)
* [[Gunuang Seulawah Agam]] (1.726 m)
* [[Gunuang Sibayak]] (2.212 m)
* [[Gunuang Singgalang]] (2.877 m)
* [[Gunuang Talamau]] (2.912 m)
* [[Gunuang Talang]] (2.597 m)
* [[Gunuang Tandikek]] (2.438 m)
* [[Gunuang Tanggamus]] (1.162 m)
* [[Gunuang Seminung]] (1.881 m)
{{col-end}}

== Flora jo fauna ==
{{See also|Daftar taman nasional di Indonesia|Daftar amfibi di Sumatera}}
[[Berkas:Sumatran_tiger.jpg|jmpl|[[Harimau sumatera]]]]
[[Berkas:Rafflesia_sumatra.jpg|kiri|jmpl|''[[Rafflesia arnoldii]]'']]
Sumatera marupokan pulau nan manjadi manunjang baragam vegetasi nan dapek diuni dek baragam spesies, tamasuak 17 tanaman endemik.<ref name="Whitten1999">{{Cite book|last=Whitten|first=Tony|title=The Ecology of Sumatra|publisher=Tuttle Publishing|year=1999|isbn=962-593-074-4}}</ref> Spesies unik nan ado antara lain [[pinus sumatera]] nan mandominasi [[utan pinus tropis Sumatera]] di pagunuangan utara pulau jo tanaman utan ujan cando ''[[Rafflesia arnoldii]]'' (bungo tungga paliang gadang di dunia) jo [[titan arum]] (rumpun bungo paliang gadang di dunia)

Pulau iko manjadi rumah untuak 201 spesies [[mamalia]] jo 580 spesies [[buruang]]. Ado sambilan spesies mamalia endemik Pulau Sumatera jo 14 lainnyo nan endemik [[Kapulauan Mentawai]].<ref name="Whitten1999" /> Ado 300 spesies [[ikan]] aia tawa di Sumatera.<ref>Nguyen, T. T. T., and S. S. De Silva (2006). "Freshwater finfish biodiversity and conservation: an asian perspective". ''Biodiversity & Conservation'' 15(11): 3543–3568</ref> Ado juo 93 spesies [[amfibi]] di Sumatera nan 21 di antaronyo endemik Sumatera.<ref>{{Cite web|url=http://www.rufford.org/rsg/projects/hellen_kurniati|title=Hellen Kurniati|website=The Rufford Foundation|archive-url=https://web.archive.org/web/20170825105258/http://www.rufford.org/rsg/projects/hellen_kurniati|archive-date=25 August 2017|access-date=25 August 2017|url-status=live}}</ref> 

[[Harimau sumatera]], [[badak sumatera]], buruang [[tokhtor sumatera]], [[gajah sumatera]], [[orangutan sumatera]] jo [[orangutan tapanuli]] kasadonyo marupokan spesies nan tarancam punah, nan maindikasikan baso angko ancaman lingkuangannyo baitu tinggi. Pado Oktober 2008, Pamarintah Indonesia maumumkan rencana untuak palinaduangan utan-utan Sumatera nan tasiso.<ref>{{Cite web|url=http://www.ens-newswire.com/ens/oct2008/2008-10-14-01.asp|title=Forest, Wildlife Protection Pledged at World Conservation Congress|date=14 October 2008|website=Environment News Service|archive-url=https://web.archive.org/web/20120603162220/http://www.ens-newswire.com/ens/oct2008/2008-10-14-01.asp|archive-date=3 June 2012|access-date=25 July 2012|url-status=live}}</ref>

Ado 10 [[taman nasional]] di Sumatera, tamasuak tigo di antaronyo nan tadaftar dalam [[Situs Warisan Dunia Warisan Hutan Hujan Tropis Sumatera]], yaitu [[Taman Nasional Gunuang Leuser]], [[Taman Nasional Kerinci Seblat]], jo [[Taman Nasional Bukit Barisan Selatan]]. [[Taman Nasional Berbak]] marupokan ciek dari tigo taman nasional di Indonesia nan tadaftar sabagai lahan basah nan mamiliki kapantiangan internasional di bawah Konvensi Ramsar.

== Panduduak ==
Sumatera adolah pulau nan indak baitu padek panduduak, jo 123,46 urang per km<sup>2</sup> – kiro-kiro 58,557&nbsp;juta panduduak (pado Sensus Panduduak 2020).<ref>Badan Pusat Statistik, Jakarta, 2020.</ref> Dek lawehnyo, Sumatera tatap nan kalimo<ref>{{Cite web |title=Population Statistics |url=http://www.geohive.com/ |website=GeoHive |url-status=live |archive-url=https://www.webcitation.org/66gUbTbLb?url=http://www.geohive.com/ |archive-date=4 April 2012 |access-date=25 July 2012}}</ref> [[Daftar pulau manuruik panduduak|pulau paliang padek panduduak di dunia]].{{Historical populations
|align=right
|1971 | 20808148
|1980 | 28016160
|1990 | 36506703
|1995 | 40830334
|2000 | 42616164
|2005 | 45839041
|2010 | 50613947
|2015 | 55198752
|2020 | 58557211
|footnote=sources:<ref>{{Cite web |title=Penduduk Indonesia menurut Provinsi 1971, 1980, 1990, 1995, 2000 dan 2010 |url=http://www.bps.go.id/tab_sub/view.php?kat=1&tabel=1&daftar=1&id_subyek=12&notab=1 |website=Badan Pusat Statistik |language=id |trans-title=Indonesian Population by Provinces 1971, 1980, 1990, 1995, 2000 and 2010 |url-status=dead |archive-url=https://web.archive.org/web/20130701144756/http://www.bps.go.id/tab_sub/view.php?kat=1&tabel=1&daftar=1&id_subyek=12&notab=1 |archive-date=1 July 2013 |access-date=17 July 2013}}</ref><ref name="Badan Pusat Statistik 2019">Badan Pusat Statistik, Jakarta, 2019.</ref>
}}Sacaro umum, pulau Sumatera diuni dek bangso Malayu, nan tabagi ka dalam babarapo etnis. Etnis-etnis gadang iolah [[Suku Aceh|Aceh]], [[Suku Batak|Batak]], [[Urang Melayu|Melayu]], [[Suku Minangkabau|Minangkabau]], [[Suku Pasemah|Besemah]], [[Suku Rejang|Rejang]], [[Suku Ogan|Ogan]], [[Suku Komering|Komering]], jo [[Suku Lampung|Lampung]]. Di wilayah pasisia timur Sumatera jo di babarapo kota-kota gadang sarupo [[Medan]], [[Palembang]], jo [[Pekanbaru]], banyak bamukim etnis [[Tionghoa]]. Panduduak pulau Sumatera hanyo tapusek di wilayah Sumatera Timur jo dataran tinggi Minangkabau. Mato pancaharian panduduak Sumatera sabagian basa sabagai patani, nalayan, jo padagang.

=== Bahaso ===
{{bar box|title=Agamo di Sumatera – Sensus 2010<ref name="2010 census">{{Citation |last=Badan Pusat Statistik |title=Kewarganegaraan, Suku Bangsa, Agama, dan Bahasa Sehari-hari Penduduk Indonesia |url=https://www.bps.go.id/website/pdf_publikasi/watermark%20_Kewarganegaraan,%20Suku%20Bangsa,%20Agama%20dan%20Bahasa_281211.pdf |trans-title=Citizenship, Ethnicity, Religion, and the Everyday Languages of Indonesian Citizens |archive-url=https://web.archive.org/web/20150923194534/http://www.bps.go.id/website/pdf_publikasi/watermark%20_Kewarganegaraan%2C%20Suku%20Bangsa%2C%20Agama%20dan%20Bahasa_281211.pdf |publisher=Badan Pusat Statistik |language=id |isbn=978-979-064-417-5 |access-date=5 January 2019 |archive-date=23 September 2015 |url-status=live}}</ref>|titlebar=|left1=Agamo|right1=persentase|float=right|bars={{bar percent|[[Islam]]|Green|87.1}}
{{bar percent|[[Kristen]]|Blue|10.7}}
{{bar percent|[[Buddha]]|yellow|1.4}}
{{bar percent|[[Hindu]]|orange|0.3}}
{{bar percent|Agamo lainnyo/<br>Indak manjawek|Black|0.3}}
{{bar percent|[[Konghucu]]|Magenta|0.1}}}}
Ado labiah dari 52 [[bahaso]] nan dipakai, kasadoalahannyo tamasuak dalam rumpun bahaso [[Rumpun bahaso Malayu-Polinesia|Malayo-Polinesia]] dari kaluarga bahaso [[Rumpun bahaso Austronesia|Austronesia]]. Dalam rumpun tasabuik, inyo tabagi ka babarapo cabang: [[Rumpun bahaso Cham|Cham]] ([[Bahaso Aceh|Aceh]], nan arek jo [[bahaso Campo]] di [[Kamboja]] jo [[Vietnam]]), [[Rumpun bahaso Malayik|Malayik]] ([[Bahaso Malayu|Malayu]], [[Bahaso Minangkabau|Minangkabau]], [[Bahaso Besemah|Besemah]], jo bahaso lainnyo nan bakarabaik), [[Rumpun bahaso Sumatera Barat Daya-Kapulauan Pangalang|Sumatera Barat Daya-Kapulauan Pangalang]] ([[Bahaso Batak|Batak]], [[Bahaso Gayo|Gayo]], dan lainnyo), [[Rumpun bahaso Lampuang|Lampung]] ([[Bahaso Lampuang|Lampung]] jo [[Bahaso Komering|Komering]]), jo [[Rumpun bahaso Borneo|Borneo]] ([[Bahaso Rejang|Rejang]], nan arek ubuangannyo jo [[Bahaso Dayak Darek|Dayak Darek]] sarato [[Bahaso Bukar Sadong|Bukar Sadong]] nan dipakai di [[Kalimantan]] jo [[Sarawak]] ([[Malaysia]])). Cabang Sumatera Barat Daya-Kapulauan Pangalang sarato Lampung marupokan cabang bahaso nan endemik Sumatera. Cando daerah lain di Indonesia, [[bahaso Indonesia]] manjadi bahaso nasional sarato pangubuang ([[basantara]]) nan dipakai dek urang Sumatera. Bago dek itu, Sumatera mampunyoi basantaranyo surang, cando [[Bahaso Malayu Medan|Malayu Medan]] jo [[Bahaso Palembang|Malayu Palembang]]<ref>{{Cite book|url=https://books.google.com/books?id=lFW1BwAAQBAJ&q=palembang+malay+lingua+franca&pg=PA675|title=Atlas of Languages of Intercultural Communication in the Pacific, Asia, and the Americas: Vol. I: Maps. Vol II: Texts|date=1996|publisher=Mouton de Gruyter|editor-last=Wurm|editor-first=Stephen A.|location=Berlin and New York|isbn=9783110819724|editor-last2=Mühlhäusler|editor-first2=Peter|editor-last3=Tryon|editor-first3=Darrell T.|via=Google Books}}</ref> nan bapakai di [[Sumatera Utara]] jo [[Sumatera Selatan]], utamonyo daerah urban. [[Bahaso Minangkabau]]<ref>{{Cite web|url=http://gcanthminangkabau.wikispaces.com/Minangkabau+Language|title=Minangkabau Language|website=gcanthminangkabau.wikispaces.com|archive-url=https://web.archive.org/web/20140404054907/https://gcanthminangkabau.wikispaces.com/Minangkabau+Language|archive-date=4 April 2014}}</ref> bapakai di [[Sumatera Barat]] sarato sabagian dari [[Sumatera Utara]], [[Bengkulu]], [[Jambi]] jo [[Riau]] (utamonyo [[Kota Pekanbaru|Pekanbaru]] jo area-area nan badakekan jo Sumatera Barat). Samantaro bahaso Aceh manjadi basantara di dalam provinsi [[Aceh]].
=== Agamo ===
Panduduak Sumatera mayoritas baagamo Islam (87,1%) jo saketek (10,7%) nan marupokan panganuik agamo Kristen, utamonyo di [[Sumatera Utara]]. Di wilayah pakotaan, sarupo Medan, Pekanbaru, Batam, Pangkal Pinang  jo Palembang, ditamui pulo babarapo urang panganuik [[Buddha]] jo Hindu nan mancapai kurang dari 2%.<ref name="2010 census" /><gallery>
Berkas:WIKITONGUES- T.A., Iqbal, and Kalam speaking Acehnese.webm|Panutua bahaso Aceh
Berkas:Sumatra Ethnic Groups Map en.svg|Peta sebaran etnis di Sumatera
Berkas:Meuseujid Raya Baiturrahman .jpg|[[Musajik Raya Baiturrahman]] di [[Banda Aceh]], [[Aceh]]
Berkas:HKBP Pardomuan, Res. Medan Selatan (03).jpg|Gareja [[Huria Kristen Batak Protestan|HKBP]] Pardomuan di [[Kota Medan|Medan]], [[Sumatera Utara]]
Berkas:Tari Kebagh, 2017.jpg|Tari Kebagh etnis [[Urang Pasemah|Besemah]], [[Sumatera Selatan]]
Berkas:Aneka suntiang dan tikuluak Minangkabau.jpg|Padusi [[Urang Minang|Minangkabau]]
</gallery>

== Transportasi ==
Kota-kota di pulau Sumatera diubuangkan dek tigo rueh jalan linteh ([[Bahaso Indonesia|Indonesia]]: ''Jalan Lintas Sumatra''; ''jalinsum''), yakni linteh tangah, linteh timur, jo lintas barat, nan malintang dari utara - selatan Sumatera. Salain itu ado pulo rueh jalan nan malintang dari barat - timur, sarupo rueh [[Kota Bengkulu|Bengkulu]] - [[Palembang]], [[Padang]] - [[Kota Jambi|Jambi]], sarato [[Kota Padang|Padang]] - [[Kota Dumai|Dumai]].

Di babarapo bagian pulau Sumatera, kareta api marupokan sarana transportasi piliahan. Di bagian selatan, jalua kareta api bamulo dari Palabuahan Panjang ([[Lampung]]) inggo [[Kota Lubuklinggau|Lubuaklinggau]] jo [[Palembang]] ([[Sumatera Selatan]]). Di tangah pulau Sumatera, jalua kareta api hanyo ado di [[Sumatera Barat]]. Jalua iko maubuangkan antaro kota [[Padang]] jo [[Sawah Lunto|Sawahlunto]] sarato kota Padang jo kota [[Kota Pariaman|Pariaman]], walau nan aktif kini hanyo Padang - [[Kota Pariaman|Pariaman]] jo Padang - [[Lubuk Alung, Padang Pariaman|Lubuak Aluang]]. Samaso kolonial Balando inggo taun [[2001]], jalua Padang - Sawahlunto dipagunokan untuak maangkuik batu baro. Tapi samanjak cadangan batu baro di Ombilin mulai saketek, mangko jalur iko indak bafungsi lai. Sajak akia taun [[2006]], pamarintah provinsi Sumatera Barat, baliak maaktifkan jalur iko sabagai jalur kareta wisata.

Di utara Sumatera, jalua kareta api mambantang dari kota [[Medan]] sampai ka kota [[Kota Tebing Tinggi|Tebing Tinggi]]. Pado jalua iko, kareta api dipagunokan sabagai sarana maangkuik kalapa sawik jo panompang.

[[Berkas:Minangkabau Airport MRD-2.jpg|jmpl|ka|[[Palabuahan udaro Internasional Minangkabau]]]]
Panabangan internasional dilayani dari Banda Aceh ([[Palabuahan udaro Internasional Sultan Iskandar Muda]]), Medan ([[Palabuahan udaro Internasional Polonia]]), Padang ([[Palabuahan udaro Internasional Minangkabau]]), jo Palembang ([[Palabuahan udaro Internasional Sultan Mahmud Badaruddin II]]). Samantaro palabuahan kapa lauik ado di Belawan (Medan), [[Palabuahan Taluak Bayua|Taluak Bayua]] (Padang), jo Bakauheni (Lampung).

== Ekonomi ==
Pulau Sumatera marupokan pulau nan kayo jo hasia bumi. Dari limo provinsi kayo di Indonesia, tigo provinsi ado di pulau Sumatera, iyolah provinsi [[Nanggroe Aceh Darussalam]], [[Riau]] jo [[Sumatera Selatan]]. Hasil-hasil utamo pulau Sumatera iolah kalapo sawik, tambakau, minyak bumi, timah, bauksit, batu baro, jo gas alam. Hasil-hasil bumi tasabuik sabagian basa diolah dek parusahoan-parusahoan asiang, misalnyo [[PT Caltex]] nan maolah minyak bumi di provinsi [[Riau]].

Tampek-tampek pangasil barang tambang iolah :
* Arun (NAD), mangasilkan gas alam.
* Pangkalan Brandan (Sumatera Utara), mangasilkan minyak bumi
* Duri, Dumai, dan Bengkalis (Riau), mangasilkan minyak bumi
* Tanjung Enim (Sumatera Selatan), mangasilkan batu baro
* Plaju dan Sungai Gerong (Sumatera Selatan), mangasilkan minyak bumi
* Tanjung Pinang (Kepulauan Riau), mangasilkan bauksit
* Indarung (Sumatera Barat), mangasilkan semen
* Sawahlunto (Sumatera Barat), mangasilkan batubaro

Babarapo kota di pulau Sumatera, juo marupoan kota paniagoan nan cukuik penting. [[Medan]] kota tagadang di pulau Sumatera, marupoan kota paniagoan utamo di pulau iko. Banyak parusahoan-parusahoan gadang nasional nan bakantua pusaik di siko.

== Provinsi di Sumatera ==
Sumatera (tamasuak pulau-pulau sakitarannyo) dulunyo ciek provinsi antaro taun 1945 jo 1948. Kini alah manjadi sapuluah dari [[Provinsi Indonesia|34 provinsi]] di Indonesia, barikuik provinsi jo populasinyo.<ref>Badan Pusat Statistik, Jakartya, 2021.</ref>
{| class="sortable wikitable"
|-
! Namo  || Laweh (km<sup>2</sup>) || Populasi<br />sensus<br />2000 || Populasi<br />sensus<br />2010 || Populasi<br />sensus<br />2015 || Populasi<br />sensus<br />2020|| Ibu kota|Ibu Kota
|-
|{{Flag|Aceh}} || align="right" |57.956,00|| align="right" |4.073.006|| align="right" |4.486.570|| align="right" |4.993.385|| align="right" |5.274.871|| [[Banda Aceh]]
|-
| {{Flag|Sumatera Utara}} || align="right" |72.981,23|| align="right" |11.642.488|| align="right" |12.326.678|| align="right" |13.923.262|| align="right" |14.799.361|| [[Medan]]
|-
| {{Flag|Sumatera Barat}} || align="right" |42.012,89|| align="right" |4.248.515|| align="right" |4.846.909|| align="right" |5.190.577|| align="right" |5.534.472|| [[Padang]]
|-
|{{Flag|Riau}}|| align="right" |87.023,66||align="right"|3.907.763||align="right"|5.543.031||align="right"|6.330.941||align="right"|6.394.097|| [[Pekanbaru]]
|-
| {{Flag|Kapulauan Riau}} || align="right" |8.256,10||align="right"|1.040.207||align="right"|1.685.698||align="right"|1.968.313||align="right"|2.064.564|| [[Tanjung Pinang]]
|-
| {{Flag|Jambi}}|| align="right" |50.058,16||align="right"|2.407.166||align="right"|3.088.618||align="right"|3.397.164||align="right"|3.548.228|| [[Kota Jambi|Jambi]]
|-
| {{Flag|Sumatera Selatan}} || align="right" |91.592,43||align="right"|6.210.800||align="right"|7.446.401||align="right"|8.043.042||align="right"|8.467.432|| [[Palembang]]
|-
| {{Flag|Bengkulu}}|| align="right" |19.919,33||align="right"|1.455.500||align="right"|1.713.393||align="right"|1.872.136||align="right"|2.010.670|| [[Kota Bengkulu|Bengkulu]]
|-
| {{Flag|Lampung}}|| align="right" |34.623,80||align="right"|6.730.751||align="right"|7.596.115||align="right"|8.109.601||align="right"|9.007.848|| [[Bandar Lampung]]
|-
| {{Flag|Kapulauan Bangka Belitung}} || align="right" |16.424,14||align="right"|899.968||align="right"|1.223.048||align="right"|1.370.331||align="right"|1.455.678|| [[Pangkal Pinang]]
|-
| '''''Total''''' ||align="right"|480.847,74||align="right"|42.616.164||align="right"|50.613.947||align="right"|55.198.752||align="right"|58.557.211||
|}

=== Kota gadang ===
[[File:Medanskyline2013.jpg|thumb|[[Medan]], kota paliang gadang di Sumatera]]
Manuruik populasinyo, Medan adolah kota paliang gadang di Sumatera.<ref name="Biro Pusat Statistik, Jakarta">Biro Pusat Statistik, Jakarta.</ref> Medan juo marupokan kota nan paliang banyak dikunjuangi sarato kota paliang bakambang di Sumatera.

{| class="wikitable sortable"
|-
! Paringkek
! Kota
! Provinsi
! Populasi <br /> 2019
! Hari Jadi
! Area (km<sup>2</sup>)
|-
| 1
| [[Medan]]
| [[Sumatera Utara]]
| align="right"|2.949.830
| {{start date and age|1590|7|1|df=yes}}
| align="right"|265,10
|-
| 2
| [[Palembang]]
| [[Sumatera Selatan]]
| align="right"|1.573.898
| {{start date and age|683|6|17|df=yes}}
| align="right"|358,55
|-
| 3
| [[Bandar Lampung]]
| [[Lampung]]
| align="right"|1.176.677
| {{start date and age|1682|6|17|df=yes}}
| align="right"|197,22
|-
| 4
| [[Batam]]
| [[Kepulauan Riau]]
| align="right"|1.063.941
| {{start date and age|1829|12|18|df=yes}}
| align="right"|960,25
|-
| 5
| [[Pekanbaru]]
| [[Riau]]
| align="right"|900.465
| {{start date and age|1784|6|23|df=yes}}
| align="right"|632,26 
|-
| 6
| [[Padang]]
| [[Sumatera Barat]]
| align="right"|887.675
| {{start date and age|1669|8|7|df=yes}}
| align="right"|694,96
|-
| 7
| [[Kota Jambi|Jambi]]
| [[Jambi]]
| align="right"|610.854
| {{start date and age|1946|5|17|df=yes}}
| align="right"|205,38
|-
| 8
| [[Kota Bengkulu|Bengkulu]]
| [[Bengkulu]]
| align="right"|366.435
| {{start date and age|1719|3|18|df=yes}}
| align="right"|393,7
|-
| 9
| [[Kota Dumai|Dumai]]
| [[Riau]]
| align="right"|350,678
|{{start date and age|1999|4|20|df=yes}}
| align="right"|1.727,38
|-
| 10
| [[Pematangsiantar]]
| [[Sumatera Utara]]
| align="right"|282.885
| {{start date and age|1871|4|24|df=yes}}
| align="right"|79,97
|-
| 11
| [[Binjai]]
| [[Sumatera Utara]]
| align="right"|282.415
| {{start date and age|1872|5|17|df=yes}}
| align="right"|90,45
|-
| 12
| [[Kota Banda Aceh|Banda Aceh]]
| [[Aceh]]
| align="right"|240.462
| {{start date and age|1205|4|22|df=yes}}
| align="right"|61,36 
|-
|13
|[[Lubuklinggau]]
|[[Sumatera Selatan]]
|align="right"|226.002
|{{start date and age|2001|6|21|df=yes}}
|align="right"|401,50
|-
|14
|[[Kota Tanjungbalai|Tanjungbalai]]
|[[Sumatera Utara]]
|align="right"|167.012
|{{start date and age|1620|12|27|df=yes}}
|60,52
|-
|15
|[[Kota Tebing Tinggi|Tebing Tinggi]]
|[[Sumatera Utara]]
|align="right"|156.815
|{{start date and age|1917|7|1|df=yes}}
|align="right"|38,44
|}

==Rujuakan==
{{Reflist|2}}

== Bacoan lanjuik ==

* {{Cite web|url=https://theconversation.com/people-palm-oil-pulp-and-planet-four-perspectives-on-indonesias-fire-stricken-peatlands-80004|title=People, Palm Oil, Pulp and Planet: Four Perspectives on Indonesia's Fire-stricken Peatlands|last1=Grover|first1=Samantha|last2=Sukamta|first2=Linda|date=August 2017|website=[[The Conversation (website)|The Conversation]]|last3=Edis|first3=Robert}}
* William Marsden, [[gutenberg:16768|''The History of Sumatra'']], (1783); 3rd ed. (1811) tasadio perai dalam jaringan.

== Pautan lua ==
{{Commons category|Sumatra}}{{Wikivoyage}}
*[http://www.gutenberg.org/etext/16768 William Marsden, ''The History of Sumatra,'' (1783); 3rd ed. (1811) on line.]

{{Sumatera}}
{{Indonesia}}
{{ANT}}

[[Kategori:Geografi]]
[[Kategori:Sumatera]]