Serindit malayu
Serindit malayu marupokan buruang baparuh bengkok bauukuran ketek dan hanyo satu-satunyo anggota genus Loriculus (Serindit) nan mandiami Pulau Sumatra dan Kalimantan. Buruang dari famili Psittacidae iko ditatapkan sabagai burung khas Riau bahkan parnah manjadi maskot Pekan Olahraga Nasional (PON) ke-18 Riau pado taun 2012. [1][2]
Buruang iko mamiliki kicauan nan rancak sahinggo dijadikan buruang paliharoan favorit pacinto buruang. Serindit Malayu juo alah dikenal dalam barbagai carito rakyat dan manjadi lambang kaarifan, kabijaksanoan, kaindahan, kaberanian, kasetiaan, karendahan hati masyarakat. Baragamnyo lambang dan mitos nan bakaitan jo Serindit, manyababkan unsur burung iko dimasuakan ka dalam lambang Propinsi Riau, yakni pado “Hulu Keris” nan disabuik “Hulu Keris Kepala Serindit”. Keris sabagai bagian pakaian lengkap adaik Riau, hulunyo yang bamotif Serindit.
Di dalam carito rakyat Riau, tarutamo kisah manganai dunia fauna, burung iko disabuik jo gala “Panglima Ijau”. Di dalam kahidupan urang Malayu Riau, sangka barisi Serindit digantuangkan di bagian muko rumah, indak jauah dari ambang pintu muko. Panampatan iko dikaitkan pulo jo adonyo kaparcayoan, bahwa Serindit dapek menolak “sihia”, “panyakik ayan” dan sabagainyo.[3]
Dalam bahasa Inggrih, Serindit Malayu dikenal sabagai Blue-crowned Hanging Parrot, sedangkan di Indonesia mampunyoi babarapo namo lokal seperti Entlit dan Talisok (Dayak), Lissak (Sumatera), Tripas kelit (Melayu).
Deskripsi[suntiang | suntiang sumber]
Panjang badannyo relatif ketek hanyo sakita 12 cm dan barek 28 gram. Bulu pado badan dan sayoknyo bawarno ijau mudo dan tuo bacampua warno kakuniang-kuniangan jo tunggir dan ikuanyo bawarno merah. Pado mahkotanyo tadapek barcak bawarno biru sadangkan pado sakita mantel tadapek barcak bawarno kaemehan. Moncong bawarno itam, mato cokelat galok, iris cokelat, dan kaki bawarno jingga atau cokelat. Jari-jarinyo bajumlah ampek buah. Ciri buruang Serindit jantan pado bagian ateh dadonya tadapek warno merah babantuak bulekan dan tadapek warno biru pado bagian kapalonyo, sadangkan pada Serindit betina warnanyo ijau kakuningan dan warno bulunyo agak kusam.[4][2]
Caro lalok buruang iko cukuik unik yaitu kapalonyo manggantuang ka bawah mode kalalawa. Caro bajalan buruang iko mirip jo buruang paruh bengkok lainnyo iolah marambek. Katiko babunyi suaronyo takadang tadanga kareh mangalun. Sahinggo banyak nan suko kicauan buruang iko bahkan acok dilombakan di kontes kicauan buruang. [2] Sabagai buruang paruh bengkok, buruang Serindit iko samo papulernnyo jo kicauan buruang lovebird karano suaro dencingannyo tajam dan capek. Suaro kicauannyo barupo siulan banado tinggi “dzi”. [4] Harago buruang Serindit Malayu iko bakisa Rp 100.000 hinggo Rp 150.000. [5]
Tak hanyo itu, buruang Serindit tamasuak ka dalam hewan arboreal atau hewan nan labiah banyak manghabihkan waktunyo di ateh pohon. Mako dari itu, buruang iko mamiliki kekhasan surang yaitu aktif mamanjek dan bajalan di rantiang pohon dari pado tabang. Buruang Serindit Malayu acok nampak manggantuang badan ka bawah saat baistirahat. [1]
Makanan[suntiang | suntiang sumber]
Makanan buruang Serindit tadiri ateh sayuran ijau, buah-buahan, padi-padian, kacang-kacangan, dan barbagai jenis saranggo ketek.[2]
Pakambangbiakan[suntiang | suntiang sumber]
Serindit iduik bakalompok, acok nampak tabang maupun batengge dalam kalompok ketek. Burung batino biasonyo mangumpuan rantiang dengan caro manyalipkannyo pado bulu-bulu tunggiangnyo untuak mambuek sarang. Jikok batalua, buruang iko dapek manetehkan antaro tigo sampai ampek butia talua nan dierami sakita 18 sampai 20 hari. Musim pangambangbiakan buruang iko antaro Januari dan Juli. Sarangnyo di lubang pohon hiduik dan nan sudah mati. Sarangnyo sakita 12 meter dari ateh tanah. Diameter lubangnyo baukuran kiro-kiro 8 cm dengan kadalamanan sarangnyo sakita 45 cm jo leba 30 cm. [3][1]
Panyebaran[suntiang | suntiang sumber]
Burung asli Indonesia iko taseba di utan dataran randah 1300 mdpl. Salain taseba di Sumatra dan Kalimantan, Seribit Malayu iko taseba pulo di Semenanjung Malaya (Singapura, Malaysia, dan Thailand) serta di Sabah, Serawak, dan Brunei Darussalam.
Populasi Serindit Malayu sacaro global indak diketahui dengan pasti, namun BirdLife mampakirokan labiah dari 10.000 ikua buruang Serindit Malayu dewasa dengan tren populasi nan stabil.
Meskipun indak tamasuak buruang nan dilinduangi di Indonesia, buruang iko tamasuak daftar merah IUCN dengan status status konservasi Least Concern. Sedangkan CITES mendaftarnya dalam Appendiks II nan bararti padagangannyo harus melalui pangawasan nan ketat.[4][2]
Rujuakan[suntiang | suntiang sumber]
- ↑ a b c https://sport.tempo.co/read/428593/serindit-burung-khas-riau-nan-lincak-dan-enerjik/full&view=ok
- ↑ a b c d e Maulana Khalid Riefani, Nooraida, Luhur Pribadi Camsudin. 2016. “Burung Paruh Bengkok Yang Diperdagangkan di Pasar Ahad Kertak Hanyar, Kabupaten Banjar”. Banjarmasin: Fakultas Keguruan dan Ilmu Pendidikan, Universitas Lambung Mangkurat. http://lppm.ulm.ac.id/id.
- ↑ a b "Burung Serindit Melayu Asal Riau | Daftar FAUNA INDONESIA" (dalam bahasa Inggris). Diarsipkan dari versi asli tanggal 2022-08-13. Diakses tanggal 2022-05-28.
- ↑ a b c alamendah (2014-09-20). "Burung Serindit Melayu Hewan Khas Riau". Alamendah's Blog (dalam bahasa Indonesia). Diakses tanggal 2022-05-28.
- ↑ Hewanee (2022-03-08). "Burung Serindit: Harga, Ciri-Ciri, Jenis, Cara Merawat". Hewanee (dalam bahasa Indonesia). Diakses tanggal 2022-05-28.