Sekolah Tinggi Ilmu Statistik

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Politeknik Statistika STIS (Polstat STIS) marupokan perguruan tinggi kedinasan program Diploma IV, nan dikalola dek Badan Pusek Statistik (BPS) sajak tahun 1958, maagiah kasampaikan luluihan sikolah manangah umum jurusan IPA untuak dididiak manjadi ahli statistik. STIS marupokan lembaga pandidikan tinggi kedinasan nan bafungsi untuak mangambangkan dan manyebaluehkan ilmu pangatahuan, khususnyo di bidang statistika dan komputasi statistik jo mandidiak kader nan mampunyoi kamampuan akademik/profesional.

Kurikulum dibuek sasuai jo pakambangan ilmu ekonomi, kapanduduakan, sosial, dan teknologi informasi. Proses dan metode pambalajaran ditakankan pado pangambangan katarampilan di bidang statistik dan komputasi statistik.

Jo demikian luluihan STIS marupokan tanago nan siap dan mampu marancanakan dan malaksanakan panalitian, malakukan analisis di bidang sosial-ekonomi serta marancanokan dan mangambangkan sistem informasi.

STIS mampunyoi duo jurusan: Jurusan Statistika (Ekonomi dan Sosial-Kependudukan) dan Jurusan Komputasi Statistik. Jurusan Statistika manghasilkan tanago ahli statistik ekonomi serta tanago ahli statistik sosial-kapandudukan, dan Jurusan Komputasi Statistik manghasilkan tanago ahli komputasi dan sistem informasi. Tanago Pangajar marupokan luluihan perguruan tinggi dalam negeri dan luar negeri jo janjang S2 dan S3. Luluihan STIS mandapek gala Sarjana Sains Terapan (S.S.T.).

Sijarah[suntiang | suntiang sumber]

Sikolah Tinggi Ilmu Statistik (STIS) marupokan institusi pandidikan kadinasan dibawah naungan Badan Pusek Statistik dan alah mangalami paningkaikan status dari Akademi Ilmu Statistik (AIS) nan masih manyalanggarokan program Diploma III katiko tu. AIS berdiri badasarkan Surek Kaputuihan Perdana Menteri Indonesia (pado wakatu itu, Ir. H. Djuanda) Nomor 37/PM/1958, Tanggal 11 Agustus 1958.

Pado mulo badirinyo, AIS mandapaikan bantuan dana dan tanago ahli dari Paserikatan Bangsa-Bangsa (PBB). Bantuan disaluakan malalui Statistical Research and Development Centre yoitu lembaga nan didirikan dek pamarintah Indonesia. BPS bakarajosamo jo Badan PBB, United Nations Development Program (UNDP).

Tahun 1964, BPS alah mambukak Perguruan Tinggi Ilmu Statistik (PTIS) jo dosen (pangajar) bantuan dari PBB dan alumni AIS. Pado tahun 1965 bantuan iko tahenti karano Indonesia kalua dari PBB dan sajak itu pulo PTIS ditutuik. Walupun PTIS alah indak baoperasi, AIS tatok malaksanakan proses pandidikan. Pado tahun 1995-1996 dilakukan usaho maningkaikan pandidikan ahli madya statistik (D-III) manjadi pandidikan ahli statistik (D-IV) dalam rangko mananggoki era Digital Economy.

Program Studi[suntiang | suntiang sumber]

STIS manawarkan tadiri ateh duo jurusan untuak Program Diploma IV yoitu jurusan Statistika dan jurusan Komputasi Statistik, sarato Program Diploma III jurusan Statististika. Jurusan Statistika tabagi manjadi 2 bidang paminatan, yoitu Statistika Ekonomi nan mampalajari statistik terapan bidang ekonomi sahinggo mampu malaksanakan kegiatan dan analisis data statistik harago-harago, produk domestik regional bruto, neraca wilayah, indikator ekonomi, dan lain sabagainyo dan Statistika Sosial dan Kapandudukan nan mampalajari statistik terapan bidang statistik sosial, kapandudukan, dan demografi sahinggo mampu malakukan analisis dan palaporan di bidang sosial, kapandudukan, dan demografi. Sadangkan, jurusan Komputasi Statistik diarahkan pado duo paminatan, yakni Sains Data (Data Science) dan Sistem informasi. Sacaro umum, Jurusan Komputasi Statistik mampalajari teknik pangolahan data, mambuek program, dan analisis data serta teknik panyusunan sistem informasi statistik saparti panyusunan basis data, komunikasi data, sistem jaringan, dan diseminasi data statistik.

Daftar Pustaka[suntiang | suntiang sumber]