Sajarah media siaran
Sajarah media siaran adolah rekaman kajadian nan alah tajadi dalam pakambangan media siaran. Kini, babagai macam media siaran diantaronyo ado tv, radio, hinggo media nan mamakai koneksi internet. Media siaran nan subananyo adolah bagian dari saluran komunikasi nan manggunoan media untuak manyampaian informasi tertentu. Salah satu fungsi dari media siaran ko iolah untuak mandukuang pembangunan nan ado di masyarakat.
Pakambangan
[suntiang | suntiang sumber]Media siaran partamo kali dimulai katiko tahun 1831 dimano Hukum Gelombang Elektromagnetik oleh Joseph Henry dan Michael Faraday di jalehan. Pado masoiko, urang tau sabagai awal era komunikasi elektronik. salanjuiknyo pado 1976, George Carey mambuek Selenium Camera sahinggo orang bisa melihat gelombang listrik. Pado tahun 1887, Heinrich Hertz mambuktikan teori James Clerk Maxwell dari Scotland, nan mambuek urang bisa mangirim dan manarimo galombang radio. Pado tahun 1988, Freidrich Reinitzeer dari Austria manamuan cairan Kristal nan manjadi dasar teknologi LCD. Salanjuiknyo, istilah televisi partamo kali dikamukoan samo Constatin Perskyl dari Rusia di International Congress of Electricity dalam Pameran Teknologi Dunia di Paris.[1]
Pakambangan media siaran taruih balanjuik. Pado tahun 1906 Reginald Aubrey Fessenden dari negara Amerika manyobokan radio. Salanjuiknyo pado tahun 1907, Campbell Swinton dan Boris Rosing mancubo mangirim gambar menggunoan sinar katoda, hinggo pado tahun 1927 Philo T Farnsworth dari Amerika Serikat mangambangan televisi modern partamo dari gambar dissector tube sabagai dasar kerjo televisi. Pado tahun 1923, Vladimir Kozma Zworykin mampatenkan panamuan kinescope, nan marupokan televisi tabuang partamo di dunia. Salanjuiknyo, tahun 1939 tapeknyo pado 11 Mei, pemancar televisi dioperasikan partamo kali di Berlin, Jerman. Pakambangan televisi taruih tajadi hinggo tahun 1940, Peter Goldmark manciptakan televisi warna nan punyo resolusi 343 garis. Salanjuiknyo pado tahun 1956: Robert Adler dari Amerika Serikat, manamuan remot TV.[2][3]
Pakambangan media siaran taruih balanjuik. Pado tahun 1964, prototipe sel tungga di display Televisi Plasma diciptaan samo Donald Bitzer jo Gene Slottow, sarato Larry Weber. Pado tahun 1967, James Fergason manyobokkan teknik twisted nematic nan dipakai di LCD praktis tv. Pado tahun 1968, layar LCD patamo kali dijalehan samo lembaga RCA. Salanjuiknyo, pado tahun 1975, Larry Weber dari Universitas Illionis marancang layar plasma berwarna. Pado tahun 1987, kodak mampatenkan tamuan OLED nan digunoan pado paralatan display. Salanjuinyo, pado tahun 1995 Larry Weber menciptakan layar plasma lebih stabil dan cemerlang. Salanjuiknyo pado tahun 2008 alah mulai bakambang televisi digital di Amerika dan Eropa.[4][5]
Fungsi
[suntiang | suntiang sumber]Fungsi media siaran untuak pembangunan tabagi manjadi tigo.[6]
- Untuak manginformasikan rakyat tentang pambangunan nasional nan sadang dilakuan. Tujuannyo untuak mangumpuan perhatian masyarakat ko pado kebutuahan untuak perubahan. Media siaran bisa lo jadi kesempatan untuak mambuek perubahan sampai tacipta aspirasi ka masyarakat lain untuak barubah ka nan labiah bayiak.
- Manjadi caro bagi masyarakat untuak bisa maningkekan partisipasinyo dalam proses pembuatan keputusan oleh pemerintah. Media siaran kini ko bisa mampalueh dialog, bahwa dari status media sosialnyo urang bisa manyuaroan opininyo. Ditambah lo dengan fungsi media siaran untuak manjago supayo informasi dari pemerintah bisa tasampaian ka ateh ataupun ka bawah lapisan masyarakaik.
- Fungsi media siaran nan katigo adolah untuak mendidik masyarakaik supayo punyo katarampilan. Banyak informasi nan ado di media nan bisa sangaik baguno bagi masyarakaik.[7][8]
Rujuakan
[suntiang | suntiang sumber]- ↑ "Perkembangan Industri Televisi" (PDF). Perkembangan Industri Televisi. Diakses tanggal 9/11/2021.
- ↑ Da, NRA Candra (2010). "PERKEMBANGAN MEDIA PENYIARAN TELEVISI : Menjadikan Televisi Sebagai Kebudayaan Masyarakat". Capture : Jurnal Seni Media Rekam (dalam bahasa Indonesia). 1 (2). doi:10.33153/capture.v1i2.497. ISSN 2338-428X.
- ↑ BARLIANTA, LINGGAR (2016-08). "MANAJEMEN PROGRAM SIARAN RADIO DALAM MEMPERTAHANKAN EKSISTENSI (Studi pada Program Acara Wangsalan Lare Osing di PT Suara Radio Banyuwangi, Banyuwangi, Jawa Timur)" (dalam bahasa Inggris). Diarsipkan dari versi asli tanggal 2021-09-11. Diakses tanggal 2021-09-11.
- ↑ Istanto, Freddy H. (2004-08-18). "PERAN TELEVISI DALAM MASYARAKAT CITRAAN DEWASA INI SEJARAH PERKEMBANGAN DAN PENGARUHNYA". Nirmana (dalam bahasa Inggris). 1 (2). ISSN 0215-0905.[pranala nonaktif permanen]
- ↑ "SEJARAH KOMUNIKASI, PENGARUH PERKEMBANGAN TEKNOLOGI KOMUNIKASI, SEJARAH PERKEMBANGAN ILMU KOMUNIKASI DAN TEORI-TEORI KOMUNIKASI" (PDF). Diakses tanggal 9/11/2021.
- ↑ "Sejarah Media Penafsiran di Indonesia". Sejarah Media Penafsiran di Indonesia. Diarsipkan dari versi asli tanggal 2021-09-11. Diakses tanggal 9/11/2021.
- ↑ Ali, Dini Salmiyah Fithrah (2015-09-20). "PERANAN RADIO SIARAN SWASTA DI ERA KOMUNIKASI INTERAKTIF". Jurnal Ilmiah LISKI (Lingkar Studi Komunikasi) (dalam bahasa Inggris). 1 (2): 173–183. doi:10.25124/liski.v1i2.821. ISSN 2442-4005. Diarsipkan dari versi asli tanggal 2021-09-11. Diakses tanggal 2021-09-11.
- ↑ Da, NRA Candra (2010). "PERKEMBANGAN MEDIA PENYIARAN TELEVISI : Menjadikan Televisi Sebagai Kebudayaan Masyarakat". Capture : Jurnal Seni Media Rekam (dalam bahasa Indonesia). 1 (2). doi:10.33153/capture.v1i2.497. ISSN 2338-428X.