SMA Negeri 1 Bukittinggi

SMA Negeri 1 Bukittinggi adolah sikolah manangah ateh bastatus negeri tatuo di Kota Bukittinggi. Sikolah iko talatak di Jalan Syekh M. Jamil Jambek No. 36, Kelurahan Pakan Kurai, Kecamatan Guguk Panjang, Kota Bukitinggi, Sumatra Barat. Sikolah iko parnah bastatus Rintisan Sikolah Bertaraf Internasional (RSBI) nan dimulai sajak tahun 2006 dan tamasuak 5 R-SMABI patamo di Indonesia.

Sijarah

SMA Negeri 1 Bukittinggi barasa dari pacahan SMA Negeri ABC Bukittinggi nan didirikan di Birugo pado tahun 1856 batapekan pado maso-maso mulo Kabangkitan Nasional nan pado maso tu pandidikan adolah hal nan sangaik dibutuahkan dek masyarakaik. Sikolah iko badiri ateh prakarsa Dr. A. Rusma.

Pado saat Agresi Militer Belanda II, sakitar tahun 1949, SMA Negeri ABC Bukittinggi tapaso dibubarkan, sabab pado katiko tu sabagian guru dan siswanyo tapaso mangungsi ka daerah padalaman. Maskipun baaitu, pamerintah kolonial tatok mambanakan pandirian sikolah manangah sicaro tabateh nan pado katiko tu dipimpin dek Jaka Dt. Sati dan dibantu babarapo urang guru nan pado katiko tu indak ikuik mangungsi.

Satalah panyarahan kedaulatan taadok negara Republik Indonesia, sijarah SMA Negeri ABC Bukittinggi baliak balanjuik di bawah kapamimpinan A. Manan St. Panghulu. Tanago pandidik sikolah tu sendiri marupoan gabuangan antaro tanago pandidiak nan barasa dari lua kota (Guru Republik) ditambah jo guru-guru nan manetap di Kota Bukittinggi (Guru Federal). Peserta didik SMA Negeri ABC Bukittinggi umumnyo barasa dari saluruah daerah nan ado di Sumatra Tengah. Sasudah kapamimpinan A. Manan St Panghulu, tajadi babarapo kali patukaran pimpinan sikolah, diantaranyo M. Nazir St. Mudo, nan sabalunnyo marupoan mantan Direktur SMA Negeri B Yogyakarta. Pado maso kapamimpinan nyo, pakambangan murid-murid SMA Negeri ABC Bukittinggi mulai mangalami paningkaikan, jo jumlah kelas saluruahnyo 16 buah. Bahkan pado katiko tu, banyak siswa tamatan SMP dari saluruah Sumatra Tangah indak dapek tatampuang lai di SMA Negeri ABC Bukittinggi.

Akreditasi

• Nilai Akreditasi: 93.70
• Paringkek Akreditasi: A (Amat Baik)
• Tanggal Panatokan: 21 Desember 2013

Dalam pajalanannyo, SMA Negeri 1 Bukittinggi mampu maukia banyak prestasi baiak dalam bidang akademik maupun non-akademik.