Caliak sumber untuak Puaso dalam Islam

{{Islam}}
'''Puaso''' ([[baso Arab]] صوم) atau '''basaha''' dalam Islam aratinyo adolah manahan diri dari makan, minum jo sadoalah hal-hal nan dapek mambatalannyo, untuak maningkekan katakwaan saurang [[muslim]]. Parintah puaso dikecekan dek Allah pado [[Al-Quran]] surek Al-Baqarah ayaik 183.

Salain itu, puaso marupoan ciek dari limo [[Rukun Islam]]. Puaso tadiri dari puaso wajib jo puaso sunnah. Wakatu-wakatu nan diharaman untuak puaso diantaronyo adaloh:
Hari Rayo [[Idul Fitri]] (1 [[Syawal]])
Hari Rayo [[Idul Adha]] (10 [[Zulhijjah]])
Hari-hari [[Tasyrik]] (11, 12, dan 13 Zulhijjah)

==Definisi==
Umaik Islam dilarang makan jo minum sajak tabik fajar inggo tabanam matoari di wakatu mugarik. Nan dianggap wakatu mulai puaso iyolah kok saurang tagak di lua ruang dapek mambedaan banang putiah dari banang itam, iyolah cahayo matoari tabik jo kalamnyo malam.<ref>{{Cite book|title=History Alive! The Medieval World and Beyond|last=Frey|first=Wendy|publisher=Teacher's Curriculum Institute|year=1994|isbn=978-1583719169 |location=Palo Alto, CA 94303|pages=|title-link=History Alive! The Medieval World and Beyond}}</ref> 
Puaso dipandang subagai ibadah untuak manahan diri dari hawa nafsu (makan jo minum) sarato fokus maamboan diri ka bakeh Allah.

== Jinih ==
Puaso dalam Islam dibagi manuruik hukum pangarajoannyo manjadi duo hukum, iyolah wajib jo sunnah (dianjuaan). Barikuik panjalehan labiah rincinyo:
=== Puaso wajib ===
Puaso nan hukumnyo wajib adolah shaum nan musti dikarajoan dan ka mandapek pahalo. Kudian, kok indak dikarajoan mangko mandapek doso. Puaso-puaso wajib adolah sabagai barikuik:
* [[Puaso Ramadan]];
* Puaso (dek) [[nazar]];
* Puaso kifaraik (''kifarat'') atau dando.

=== Puaso sunnah ===
Puaso nan hukumnyo sunnah adolah puasi nan kok dikarajoan mandapek pahalo dan kok ditingga indak mandapek doso. Puaso-puaso sunnah di antaronyo:
* Puaso 6 ari di bulan [[Syawal]] salain ari rayo [[Idul Fitri]],
* Puaso [[Arafah]] pado tanggal 9 [[zulhijah|Dzulhijah]] untuak urang-urang nan indak pai [[haji|ibadah haji]],
* Puaso [[Hari Tarwiyah|Tarwiyah]] pado tanggal 8 Dzulhijah untuak urang-urang nan indak pai ibadah haji,
* Puaso [[Sinayan]] jo [[Kamih]],
* Puaso Daud (sahari puaso, sahari tido), batujuan untuak manaladani puasonyo [[Nabi]] [[Daud]],
* Puaso Tasu'a (pado bulan [[Muharram]]) dilakukan pado tanggal 9, sabalun puaso 'Asyura
* Puaso [[Hari Asyura|'Asyura]] (pado bulan [[Muharram]]) dilakukan pado tanggal 10,
* Puaso 3 ari pado tangah-tangah bulan (manuruik [[kalender islam]])([[Yaumul Bidh]]), tanggal 13, 14, jo 15,
* Puaso pado bulan [[Syakban|Sya'ban]] (Nisfu Sya'ban) pado awa patangahan bulan Sya'ban,
* Puaso bulan ''[[Haram]]'' (Asyhurul Hurum) iyolah bulan [[Dzulkaidah]], Dzulhijjah, Muharram jo [[Rajab]].

== Mulo jo akhia puaso ==
[[File:Fasting.JPG|thumb|Babuko puaso di musajik]]

Manuruik sunnah dari Nabi [[Muhammad]] {{saw}}, muslim makan sabalun mulai bapuaso, nan disabuik [[makan parak siang]] (sahur). Sadoalah makan musti dihantian kok lah masuak wakatu subuah. Babeda jo wakatu salat nan lainnyo, untuak panantuan wakatu subuah ado duo definisi wakatu fajar "nan sabananyo" (''fajar shadiq''). Manuruik hadis, ado rantang jarak antaro pusek matoari jo ufuk langik antaro 12 inggo 20 darajaik<ref>{{cite web|url=http://www.al-islam.org/beliefs/practices/fajr.html|title=Al-Fajr As-Sadiq: A New Perspective|work=Al-Islam.org}}</ref> <!--see [[fajr]]--> nan balansuang salamo 40 inggo 60 minik. Indak ado batasan jinih makanan nan dimakan salamo makan parak siang salamo lai halal.

Salapeh makan parak siang, dilanjuikan jo salat subuah. Indak buliah makan jo minum sasudah masuak subuah. Aia masih buliah masuak ka muluik sangkek bawudu, salamo indak dilulua dan bakalabiahan wakatu bakumua-kumua.

Puaso diakhiri jo makan katiko ari lah patang atau masuak wakatu mugarik,<ref>{{cite web | url=http://quransmessage.com/articles/fasting%20till%20night%20FM3.htm | title=Fasting till Night}}</ref><ref>{{cite web | url=http://www.quranicpath.com/misconceptions/breaking_fast.html | title=QuranicPath &#124; the Correct Time to break Fast in Ramadan}}</ref> nan disabuik jo babuko puaso (''iftar''). Wakatu babuko, muslim biasonyo makan kurma jo minum aia sabalun salat mugarik. Bekonyo dilanjuikan jo makan makanan pabukoan jo makan barek lainnyo.

== Kasehatan ==
[[Puaso]] adolah salah satu caro alternatif untuak mangurangi kadar [[DPP-4]] sarato maaktifkan paambek dipeptidyl peptidase-4 (''dipeptidyl peptidase-4 inhibitor'') dan managah [[osteoporosis]]. Di sisi lain, irama sirkadian mampunyoi hubuangan lansuang jo kajadian osteoporosis. Hal ko ditandoi jo ditamukannyo panando biokimia (''biochemical marker''), manunjuakan baso puaso pado jam-jam tatantu tiok ari, khususnyo salamo maso bapuaso amaik efektif untuak manurunkan efek osteoporosis.<ref>{{cite journal|last1=Kormi|first1=Seyed Mohammad Amin|last2=Ardehkhani|first2=Shima|last3=Kerachian|first3=Mohammad Amin|title=The Effect of Islamic Fasting in Ramadan on Osteoporosis|journal=Journal of Fasting and Health|date=Jun 2017|volume=5|issue=2|pages=74–77|doi=10.22038/JFH.2017.22955.1086}}</ref>

== Rujuakan ==
{{reflist}}

{{Topik Islam}}

{{Rancangan}}

[[Kategori:Islam]]