Caliak sumber untuak Politik Minangkabau

[[Berkas:Pagaruyung.jpg|thumb|220px|right|[[Istano Pagaruyuang]], simbol politik tatinggi karajaan Minangkabau.]]

'''Politik Minangkabau''' adolah suatu sistem politik nan balandaskan filosofi [[demokrasi]], [[egalitarianisme|egalitarian]], sarato [[kaadilan sosial]]. Sistem politik tu alah balaku dalam papolitikan [[Urang Minang|masyarakaik Minangkabau]] sajak baabaik-abaik nan lalu, nan dianggap dek babagai kalangan sabagai sabuah sistem nan modern sarato mandului zamannyo.

== Filosofi ==
[[Filosofi]] politik urang Minang baraka dari kabudayaan Minangkabau nan alah dikambangan dek duo urang tokoh [[Legenda|legendaris]], yakni [[Datuak Katumanggungan|Datuk Katumangguangan]] jo [[Datuak Parpatiah Nan Sabatang|Datuk Parpatih Nan Sabatang]]. Datuak Katumanggungan manyusun sistem adaik Koto Piliang nan mamiliki filosofi ''bajanjang naiak batanggo turun''. Dalam [[Nagari|nagari-nagari]] nan manganuik sistem politik iko dikenal adonya kadudukan pangulu nan batingkek-tingkek. Dari pangulu andiko, pangulu suku, sampai pangulu pucuk. Pangulu pucuak juo disabuik sabagai pucuk nagari nan tertuang dalam filosofi adaik ''bapucuak bulek, baurek tunggang''. Dalam sistem iko, gala pusako (pangulu) indak bisa digantian, sabalun panyandang gala maningga.<ref>Taufik Abdullah, Adat and Islam: An Examination of Conflict in Minangkabau, 1966</ref>

Tokoh legendaris lainnyo Datuk Perpatih Nan Sebatang, manyusun sistem adat Bodi Caniago jo filosofinyo ''mambasuik dari bawah''. Sistem iko marupoan ''anti-tesis'' dari konsep Koto Piliang nan ''hierarkis''. Konsep Bodi Caniago labiah mangamukokan konsep bardasarkan [[Musyawarah|musyawarah mufakat]]. Dalam nagari-nagari nan manerapkan sistem Bodi Caniago, kadudukan sado pangulu mamiliki darajat nan samo. Filosofinyo ''duduak sahamparan tagak sapamatang, duduak samo randah tagak samo tinggi''.<ref>Sangguno Diradjo, Dahler Abdul Madjid, Radjo Mangkuto (Datuk); Mustika Adat Alam Minangkabau; Proyek Penerbitan Buku Bacaan dan Sastra Indonesia dan Daerah, 1979</ref>

Dek adonyo partentangan dari duo sistem adat jo politik di Minangkabau itu, mako timbulah suatu ''[[sintesis]]'' politik nan maambiak corak kaduo-duonya itu sahinggo dalam parkambangannyo, politik Minangkabau bisa manerapkan sistem Koto Piliang nan ''hierarkis'' basarato sistem Bodi Caniago nan ''egaliter''. Kategangan di antaro dua kubu sistem politik itu marupoan salah satu ''[[dikotomi]]'' nan manjago kasaimbangan di masyarakaik.<ref name="Kahin">Audrey R. Kahin, Rebellion to Integration: West Sumatra and the Indonesian Polity, 1926-1998; 1999</ref>

Untuak konsep kapamimpinan politik, masyarakaik Minangkabau indak mamposisian pamimpinnyo sabagai urang nan di''[[Kultus individu|kultus]]''kan sahinggo katiko pamimpin itu indak amanah atas jabatannyo inyo bisa disanggah ataupun diganti malalui dewan adat. Hal iko bardasarkan kapado filosofi Minangkabau nan manempekan pamimpin itu ''ditinggikan sarantiang didahulukan salangkah''. Dengan filosofi kapemimpinan politik takah itu, Minangkabau kudian banyak malahiaan pamimpin sajati nan randah hati dan panuah pangabdian dek inyo mamahami bahaso inyo hanyo ditinggian sarantiang sarato didahuluan salangkah dek masyarakaiknyo.<ref name="kompas.com">[http://nasional.kompas.com/read/2014/06/26/1617120/Ilusi.Pemimpin.Besar "Ilusi Pemimpin Besar"] ''[[Hamdi Muluk]], [[Kompas.com]]'', 26-06-2014. Diakses 27-12-2014.</ref> Atau juo bardasaran kapado filosofi ''rajo adia rajo disambah, rajo zalim rajo disanggah''.{{Citation needed}} Adonya dewan adaik nan terdiri dari para pangulu jo niniak mamak di sadoalah nagari, manciptakan sistem ''check and balances'' dalam politik Minangkabau.

Sajak masuaknyo [[Islam]] ka Sumatera, sistem politik Minangkabau dipakuek dek tigo unsur (''triumvirat'') nan disabuik ''Tigo Tungku Sajarangan''. Triumvirat iko terdiri dari tigo unsur masyarakaik nan mancakup kaum adat, kaum cadiak pandai, jo kaum ulama.

* ''Kaum Adat'' diwakili dek babarapo urang pangulu dari suku/klan nan ado dalam sistem adat Minangkabau, takah suku [[Suku Koto|Koto]] jo [[Suku Piliang|Piliang]], [[Suku Bodi|Bodi]] jo [[Suku Caniago|Caniago]] sarato babagai suku pacahan baru lainnyo. Satiok suku/klan diwakili dek babarapo urang datuak nan marupoan kapalo kaum atau kaluarga gadang.
* ''Kaum Ulama'' diwakili dek urang-urang nan manguasoi ilmu agamo Islam, tapi indak mamacik posisi dalam struktur adaik.
* ''Kaum Cadiak Pandai'' diwakili dek urang-urang nan dianggap punyo pangetahuan nan laweh, santiang jo pandai, tapi juo indak mamacik posisi dalam struktur adaik.

Katigo unsur iko saling ba''[[interaksi]]'', ba''[[dialektika]]'', bahkan juo ba''[[konflik]]'' dalam suatu sistem politik nan diwadahi dek suatu limbago Karapatan Adat Nagari. Di dalam limbago ikolah dimusyawarahan sagalo sasuatu parmasalahan nan ado dalam suatu nagari sahinggo dapek diputihan solusi nan disepakati dek sado pihak demi kaadilan jo kasajahteraan masyarakaik itu surang. Keputusan limbaga iko basipaik ''otonom'' tanpa musti mamintak parsatujuan dari ''[[otoritas]]'' politik nan labih tinggi takah rajo atau gubernur.<ref>Azyumardi Azra, Mambangkik Batang Tarandam dalam Reinventing Indonesia: Menemukan Kembali Masa Depan Bangsa, Jakarta, 2008</ref>

== Pra-kamardekaan Indonesia ==
Jauah sabalun kadatangan kolonialis [[Balando]], sistem sosial jo politik dalam masyarakaik Minangkabau alah dijalanan jo prinsip-prinsip politik nan demokratis, egaliter sarato bakaadilan sosial. Hal iko nampak dari balakunyo sistem ''[[Nagari]]'' nan otonom, dima suatu kalompok masyarakaik nan bahimpun dalam suatu nagari (satingkek kalurahan/desa) dikalola sacaro basamo dek suatu ''triumvirat'' nan disabuik ''[[Tigo Tungku Sajarangan]]'' dalam sabuah limbago (lembaga) nan disabuik ''[[Kerapatan Adat Nagari]]''.

''Tigo Tungku Sajarangan'' tadiri dari tigo unsua masyarakaik nan mancakup kaum adaik, kaum ulama sarato kaum cadiak pandai.

*''Kaum Adaik'' diwakili dek babarapo urang panghulu dari suku/klan nan ado dalam sistem adaik Minangkabau, sarupo suku Koto jo Piliang, Bodi jo Caniago sarato babagai suku pacahan baru lainnyo. Satiok suku/klan diwakili dek babarapo urang datuak nan adolah kapalo kaum atau kaluarga gadang.
*''Kaum Ulama'' diwakili dek urang-urang nan manguasoi ilimu agamo tapi indak mamagang posisi dalam struktur adaik.
*''Kaum Cadiak Pandai'' diwakili dek urang-urang nan dianggap punyo pangatahuan nan banyak, cadiak sarato pandai tapi indak pulo mamagang posisi dalam struktur adaik.

Katigo unsua ko saliang bainteraksi, badialektika bahkan konflik pulo kadang-kadang, dalam suatu sistem politik nan diwadahi dek suatu limbago Karapatan Adat Nagari. Di dalam limbago ikolah dipadebatkan jo dimusyawarahkan sagalo sasuatu pamasalahan nan ado dalam suatu nagari sahinggo dapek ditamuan solusi nan disapakati dek sadonyo pihak demi kaadilan sarato kasejahteraan masyarakaik itu sendiri. Kaputusan limbago ko bersifaik otonom tanpa harus mamintak pasetujuan dari otoritas politik nan labiah tinggi sarupo raja, misalnyo.

== Pasca-kamardekaan Indonesia ==
{{Multiple image|direction=horizontal|align=right|image1=TanMalaka DariPendjara ed3.jpg|image2=Mohammad Hatta 1950.jpg|image3=SoetanSjahrir.jpg|width1=100|width2=105|width3=101|footer=[[Tan Malaka]], [[Mohammad Hatta]], sarato [[Sutan Sjahrir]]; tigo urang tokoh politik pantiang Indonesia dari Minangkabau.}}

Sistem politik Minangkabau nan demokratis sarato egaliter adolah antitesis bagi sistem politik gadang lainnyo di [[Indonesia]] nan diusuang dek [[budayo Jawa]] nan cenderung [[sentralistik]], [[patron klien]] sarato [[Feodalisme|feodalistik]]. Dalam sajarah sajak Indonesia mardeka, kaduo sistem politik ko saliang bainteraksi, basaing sarato badialektika dalam papolitikan Indonesia dalam rangka pangalolaan nagaro demi pancapaian tujuan banegara, iyolah masyarakaik adia sarato makmur.

Pado awal-awal kamardekaan, sistem politik [[Budayo Minangkabau|Minangkabau]] nan tamanifestasi dalam lakon politik dari tokoh-tokoh politik nan barasa dari Minangkabau, samisal [[Hatta]], [[Syahrir]], [[Natsir]], [[Agus Salim]] sarato nan lain-lain, mandapek-an tampek nan labiah laluaso jo balakunyo sistem parlementer nan diwarnai jo baragam partai politik. Untuak sabuah nagaro nan masih mudo, tanyato sistem ko acok menimbuaan kagaduahan politik, sahinggo baakibaik pado jatuah bangunnyo pamarentahan sarato acoknyo pagantian kabinet.

Sistem ko balaku sampai kaluanyo [[Dekrit Presiden]] pado taun 1959. Sistem politik demokratis nan baumua 14 taun tu kudian baganti jo sistem politik sentralistik sarato feodalistik nan dijalanan dek [[Presiden Soekarno]] jo kakuasaan nan ampia indak babateh sampai taun 1965, dima akhianyo kakuasaan diambiak aliah dek [[Soeharto]]. Salamo sakitar 32 taun salanjuiknyo, Presiden Soeharto-pun manjalanan sistem nan hampia samo jo pandahulunyo. Barulah pado taun 1998, karano adonyo reformasi, papolitikan Indonesia baliak ka sistem demokrasi, walaupun masih basifat prosedural atau alun substansial.

==Rujuak-an ==
*Graves, Elizabeth E. (2007). ''Asal-usul Elite Minangkabau Modern: Respons Terhadap Kolonial Belanda Abad XIX/XX''. Jakarta: Yayasan Obor Indonesia.
*[http://books.google.co.id/books?id=jC0xxehrArQC&pg=PA28&lpg=PA28&dq=politik+minangkabau&source=bl&ots=6asR-sxpMY&sig=7RQ9qn6BBZEGyz3Ul9VLFqVHlUc&hl=en&sa=X&ei=t6awUfeyKuSE0QG8woCgAQ&ved=0CFwQ6AEwBzha#v=onepage&q=politik%20minangkabau&f=false ''Adat Minangkabau & Merantau''] Tsuyoshi Kato. Diakses 30 Juni 2013.

== Pautan lua ==
*[http://www.berdikarionline.com/opini/20100726/nilai-egalitarian-dan-demokrasi-masyarakat-minangkabau.html ''Nilai Egalitarian Dan Demokratis Masyarakat Minangkabau''] {{Webarchive|url=https://web.archive.org/web/20130302070728/http://www.berdikarionline.com/opini/20100726/nilai-egalitarian-dan-demokrasi-masyarakat-minangkabau.html |date=2013-03-02 }} ''Berdikari Online'', 26 Juli 2010. Diakses 30 Juni 2013.
*[http://www.lenteratimur.com/kun-fayakun-jadilah-indonesia/ ''Kun Fayakun, Jadilah Indonesia''] {{Webarchive|url=https://web.archive.org/web/20130605152227/http://www.lenteratimur.com/kun-fayakun-jadilah-indonesia/ |date=2013-06-05 }} ''Lentera Timur'', 12 Juli 2011. Diakses 30 Juni 2013.
*[http://politik.kompasiana.com/2010/03/08/berpikir-minang-untuk-indonesia-88699.html ''Berpikir Minang untuk Indonesia''] {{Webarchive|url=https://web.archive.org/web/20141014095457/http://politik.kompasiana.com/2010/03/08/berpikir-minang-untuk-indonesia-88699.html |date=2014-10-14 }} ''Kompasiana''. Diakses 30 Juni 2013.

[[Kategori:Minangkabau]]
[[Kategori:Sijarah Indonesia]]


{{Minang-stub}}