Caliak sumber untuak Musajik

{{Islam}}
[[File:Taichung Mosque.JPG|thumb|Musajik]]

'''Musajik''' atau '''Masajik''' adolah rumah tampek baibadahnyo umaik [[Muslim]] nan aratinyo tampek sujuik. Musajik nan barukuan ketek disabuik jo '''surau''' atau '''musholla'''. Salain sabagai tampek ibadah kagiatan-kagiatan sarupo parayoan hari rayo, kajian [[agamo]], baraja [[Al-Qur'an]] acok pulo dilaksanoan di Musajik. Bahkan dalam sajarah agamo [[Islam]], musajik turuik maegang paranan dalam kagiatan-kagiatan sosial kamasyarakaikan hinggo kamiliteran.

== Etimologi ==
Kato musajik barasa dari bahaso Aram: ''masgid'' (m-s-g-d), nan ditamuan dalam sabuah inskripsi dari abaik ka 5 Sabalun Masehi. Kato ''masgid'' (m-s-g-d) baarti "tiang suci" atau "tampek sambahan" <ref name="Musajik1">Hillenbrand, R "Masdjid. I. In the central Islamic lands". Encyclopaedia of Islam Online. Ed. P.J. Bearman, Th. Bianquis, C.E. Bosworth, E. van Donzel and W.P. Heinrichs. Brill Academic Publishers. [[ISSN]] 1573-3912</ref>. Dalam [[baso Inggirih]], musajik disabuik ''mosque'', nan barasa dari kato ''mezquita''<ref name="Musajik1"/> dalam [[baso Spanyol]].

== Sajarah ==

Manaro-manaro jo kubah musajik nan gadang, saakan manjadi saksi kajayaan Islam pado kurun abaik patangahan. Salamo labiah dari 1000 taun pulo, [[arsitektur]] Musajik palahan-lahan mulai manyasuaian bangunan musajik jo arsitektur modern.

=== Musajik patamo ===
Katiko [[Muhammad|Nabi Muhammad SAW]] tibo di [[Madinah]], baliau mamutuihan untuak mambangun sabuah musajik, nan kiniko banamo Musajik Nabawi, nan baarti Musajik Nabi. Musajik Nabawi talatak di pusek kota Madinah. Musajik Nabawi dibangun di sabuah lapangan nan lueh. Di Musajik Nabawi, tadapek pulo mimbar nan acok dipakai dek Nabi Muhammad SAW. Musajik Nabawi manjadi jantuang kota Madinah saaik itu. Musajik iko digunoan untuak kagiatan politik, parancanoan kota, manantuan strategi militer, sarato untuak mangadoan pajanjian. Bahkan, di area sakitar musajik digunoan sabagai tampek tingga samantaro dek urang-urang fakir miskin.
Kiniko [[Musajik Al-Haram|Musajik al-Haram]] (Masjidil Haram), [[Musajik Nabawi]] jo [[Musajik Al-Aqsa|Musajik al-Aqsa]] adolah tigo musajik tasuci di dunia.<ref name="Musajik2">[http://www.wsu.edu/~dee/OTTOMAN/ORIGIN.HTM "The Ottoman: Origins"] {{Webarchive|url=https://web.archive.org/web/20060409082921/http://www.wsu.edu/~dee/OTTOMAN/ORIGIN.HTM |date=2006-04-09 }}. Washington State University. Pado 12 Juli 2011.</ref>

=== Panyebaran musajik ===
Musajik kamudian dibangun di daerah lua [[Jazirah Arab|Samananjuang Arab]], sairingan jo kaum Muslim nan bamukim di lua Jazirah Arab. [[Mesir]] manjadi daerah patamo nan dikuasai dek kaum Muslim Arab pado taun 640. Sajak itu, [[Kairo]] (Ibukota Mesir) dipanuahi dek musajik. Dek itulah kairo dijuluaki sabagai kota saribu manaro <ref name="Musajik3">[http://travel.independent.co.uk/africa/article253491.ece "Cairo: Welcome to the city 1,000 minarets"] {{Webarchive|url=https://web.archive.org/web/20070528185809/http://travel.independent.co.uk/africa/article253491.ece |date=2007-05-28 }}. Nan dicaliak pado 13 Juli 2011</ref>. Salain itu, musajik-musajik di Kairo ado nan bafungsi sabagai sakolah Islam atau madrasah bahkan rumah sakik.<ref>Budge, E.A. Wallis (13 Juni 2001). Budge's Egypt: A Classic 19th-Century Travel Guide. Courier Dover Publications. Hlm. 123–128. ISBN 0-486-41721-2.</ref>

Musajik patamo di [[Cino]] badiri pado abaik ka 8 Masehi di Xi'an. [[Musajik Rayo Xi'an]] nan taakhia kali di rekonstruksi pado abaik ka 18 Masehi, mangikuikan arsitektur Cino. Musajik di bagian barat Cino taka di daerah [[Xinjiang]] mangikuikan arsitektur Arab, dima di musajik iko tadapek kubah jo manaro. Sadangkan di timur Cino di daerah [[Beijing]], musajiknyo baarsitektur Cino.<ref>Cowen, Jill S. [http://www.saudiaramcoworld.com/issue/198504/muslims.in.china-the.mosques.htm Muslims in China: The Mosque] {{Webarchive|url=https://web.archive.org/web/20060322154300/http://www.saudiaramcoworld.com/issue/198504/muslims.in.china-the.mosques.htm |date=2006-03-22 }}", Saudi Aramco World, 1985. Nan dicaliak pado 13 Juli 2011</ref>

Musajik mulai masuak di daerah [[India]] pado abaik ka 16 pado saaik karajaan Mugal bakuaso. Musajik di India mampunyoi karakteristiak arsitektur musajik nan agak babeda, contohnyo kubah nan babantuak taka bawang. Kubah jinih iko dapek dicaliak di [[Musajik Jama]], [[Delhi]].

Di [[Kasultanan Utsmaniyah]], musajik patamo bana didirian pado abaik ka 11 Masehi, dima pado saaik itu urang-urang [[Turki]] mulai masuak ka agamo Islam. Musajik nan patamo bana ado di Turki contohnyo adolah [[Aya Sofya]], dima pado zaman Bizantium bangunannyo marupoan sabuah [[katedral]]. Kasultanan Utsmaniyah mampunyoi karakteristiak arsitektur musajik nan unik, tadiri dari kubah nan gadang jo bagian lua gaduang nan lueh. Musajik di Kesultanan Usmaniyah biasonyo mangkolaborasian tiang-tiang jo langik-langik nan tinggi, jalur-jalur ketek di antaro shaf-shaf, jo [[mihrab]] nan digabuangan dalam satu musajik <ref>"[http://www.ccds.charlotte.nc.us/History/MidEast/04/Jpitts/Jpitts.htm Mosques] {{Webarchive|url=https://web.archive.org/web/20060507204557/http://www.ccds.charlotte.nc.us/History/MidEast/04/Jpitts/Jpitts.htm |date=2006-05-07 }}". Charlotte Country Day School. Nan dicaliak pado 13 Juli 2011.</ref>. Sampai kini, Turki marupoan rumah dari musajik nan baciri khas arsitektur Utsmaniyah.

Sacaro batahap, musajik masuak ka bagian [[Banua Eropa|Eropa]]. Pakambangan jumlah musajik sacaro capek mulai tacaliak saabaik nan lalu, saaik imigran Muslim nan banyak masuak ka Eropa. Kota-kota nan gadang di Eropa taka [[London]], [[Paris]] jo [[Munich]] mampunyoi musajik gadang jo manaronyo. Musajik iko biasonyo talatak di daerah urban sabagai pusek komunitas jo kagiatan-kagiatan sosial untuak muslim-muslim nan ado di daerah tasabuik. Di [[Amerika Serikat]], Musajik patamo bana dibuek pado awal abaik ka 20, di daerah Cedar Rapids ([[Iowa]]) nan dibangun pado kurun abaik ka 19.<ref name="mosquesinamerica">(2001). "[http://www.cair-net.org/mosquereport/Masjid_Study_Project_2000_Report.pdf The Mosque in America: A National Portrait]". Council on American-Islamic Relations. Nan dicaliak pado 17 April 2006</ref>

=== Parubahan tampek ibadah manjadi musajik ===

Manuruik [[sajarawan]] Muslim, pasukan Muslim mampabuliahan panduduak kota-kota nan ditakluakannyo (tapi indak ado palawanan) untuak tatap mampagunoan [[gareja]] jo [[sinagog]] nan ado. Tapi, ado gareja-gareja jo sinagog nan baraliah fungsi manjadi musjaik dek pasatujuan dari tokoh agamo di tampek nan basangkuikan. Misalnyo pado parubahan fungsi Musjaik Umayyah, nan maambiak gareja Santo Yohannes pado taun 705 dari Umaik [[Kristiani]].

== Rujuakan ==
<references />

{{stub}}
[[Kategori:Islam]]
[[Kategori:Musajik]]